البارت 23
#احلام_ايقظها_الواقع
للكاتبه Retaj Ali Almousawi
من ازوجت امير قررت اسولفله كولشي حبيت ابلش ويا بداية جديده ماردت اخاف من شي ولا ردت يكون اكو اسرار بينه ردته يعرف كولشي بصراحه وهو ماقصر وياي فدوه لعينه واعدني انو راح ياخذلي حقي وحق اهلي من كنعان اللي لليوم مانسيته ولا راح انساه ولا راح ارتاح الا اخذه من بين عيونه اما بالنسبه لمصطفى امير سأل واستفسر وعرف انو همه يصيرون اقربائي وبوقته عرفت ليش خالتي ام مصطفى من شافت الصور انصدمت عرفت السبب وعرفت ليش طردتني بس الله مايسد باب الا يفتح باب جديد ماجنت متوقعته
الله عوضني بأمير صح أكبر مني بهواي بس اني حبيته يعاملني مثل الطفله الي يخاف عليها من الهوى
اثناء حديثنه اني وامير جان يدخل علينه احد الحماية
باشا: ملازم اول مصطفى بالباب
امير:خلي يتفضل
مرام: اروح اني ادخل جوه
امير: وين قابل هو غريب ابقي يمي
دخلت للبيت وعيوني ادور عليه يارب بس المحها شلون صارت اريد اشوفه اعرف اخباره هسه المشكله المده الي عرفته بيها كولش قصيره ليش هيج تعلقت بيه
شفته هي وامير كاعده بصفه مبينه مرتاحه كولش مبين من عيونه
مصطفى : السلام عليكم
امير : وعليكم السلام اهلا مصطفى
مصطفى:اهلا بيك باشا
امير: اعتقد عندك فكره ليش انت هنا
مصطفى: اني بخدمتك بكل وقت باشا آمرني
امير: انت راح تكون مسؤول عن حماية بيتي وزوجتي وابني عندي ثقه عاليه بيك وسامع عنك هواي لهيج دزيت عليك بالأسم
واعرف انت كدها
مصطفى : اي بيت قصدك باشا
امير: ههههه لعد انت وين هسه ها نسيت اعرفك
مرام زوجتي وام ابني
مصطفى : اهلا وسهلا الي الشرف اكيد
من كال زوجتي حسيت ابواب الدنيا كلها انسدت بوجهي هاي المده كولها ادور عليها ووقت ماالكاها تطلع مزوجه ومخلفه هم وعايشة حياتها سعيده واني الي كتلت روحي عليها طلعت اصلا ممخليتني ابالها اتندم اتندم على شنوعلى سنة ضاعت من عمري بقهر وألم وعذاب
لو اتندم على اليوم الي رجعته ل هند وشمرته بيدي
لو لمن صدكت اهلي وحتى ما سمحت الها تحجي وتبرر موقفه
مالي اي حق احجي وياها ولا اعاتبه على شي كل الي صار اني السبب بي
كعدت وياهم بالبيت صحيح ماكدر ادخل للداخل بس مرات اشوفهم شلون يشاقون شلون يسولفون يضحكون حياتها حلوه
جنت اتمنى اني اني مكانه بس الاماني متفيد اخذتني الصفنه بأحلامي الي عمرها ماراح تتحقق جان يصيح عليه امير ...
امير: مصطفى
مصطفى: نعم باشا
امير : اني راح اسافر فتره اريدك ادير بالك كولش زين اي شي يصير راح تكون انت المسؤول كدامي مو احد غيرك فهمت
مصطفى : تأمر باشا بعيوني روح وانت مطمأن
ماصدكت من كال راح اسافر كلت هاي فرصتي الي اكدر احجي بيها ويه مرام لازم احجي وياها اريد افرغ كولشي بكلبي ما اتحمل بعد وره ماسافر الباشا بقيت اترقب فرصه حتى اكدر اتقرب منها وبيوم قررت احجي وياها والي يصير يصير شفتها داتلعب ابنها بالحديقه رحت عليها ....
مصطفى : مرام اكدر احجي وياج
مرام: ست مرام لوسمحت
مصطفى: العفو ست مرام اكدر احجي وياج
مرام: لا موممكن ورجاءآ لاتحاول تقترب مني
مصطفى: مرام
مرام : الف مره كتلك ست مرام
مصطفى : صارلي سنه ادور عليج ماخليت مكان يعتب عليه ردت ولو خبر منج
مرام: وهسه شنو تريد بالضبط
مصطفى: لج والله حبيتج ودورت عليج ردت اصحح الي سووه اهلي حتى اكوو شي متعرفي
متعرفين انتي طلعتي شنو بالنسبه الي وشنو تقربيني
مرام: اعرف بنت عمك
مصطفى: مرام اذا تردين اخلصج من هذا المكان
مرام: ههههه تخلصني اكوو واحد يخلص من روحه لك امير روحي من الدنيا ماحبيت ولا راح احب غيره زوجي وحبيبي وابو ابني وقسمآ بالله اذا متعوف هاي السوالف راح تشوف الي ميعجبك
امير : الله الله اروح كم يوم ارجع الكاك تريد تاخذ زوجتي
مرام : امير انت فاهم غلط حبيبي خل اشرحلك
امير: اسكتي انتي
اليوم افرغ المسدس براسك
مرام: امير الله يخليك عووفه مهما يكون هذا ابن عمي ويوم من الايام ساعدني ووكف وياي لخاطر هذيج الايام عوووفه
امير: هيج خايفه عليه
مرام: والله مو خايفه عليه ماريد توصخ ايدك بهيج شي خلي يروح بحاله
امير: حماااايه
اريدكم تكسرون عظامه واشمرو للكلاب بره بس ماريده يموت
يتعذب بس مايموت .......
أنت تقرأ
احلام ايقظها الواقع
Romanceقصة حقيقيه تتحدث عن فتاة ريفية تلك الطفلة الصغيرة التي اجبرت على ترك تعليمها واتجهت الى طرق اخرى لسد ذلك النقص داخلها القصة تتحدث عن احداث واقعيه مع تغيير الاسماء للحفاظ على الخصوصية اتمنى لكم قراءه ممتعمه تحياتي الكاتبة Retaj Ali Almousawi
