البارت24 والاخير
#احلام_ايقظها_الواقع
للكاتبه Retaj Ali Almousawi
اخذوني الحماية سكطوني موتوني كتل ماجنت احس بالألم بسبب الألم الي بكلبي والجرح الي ماراح يطيب ابد مرام راحت وكولشي راح مني خلص كولشي انتهى انتهى
مرام : حبيبي والله اني مالي ذنب
امير: ذنبج انو حجيتي ويا انطيتي مجال يحجي
مرام: والله صديته وردته يفوت حالي
امير : سمعت كولشي دار بينكم بس بعدني زعلان منج مهما يكن المفروض متحجين ويا
مرام: والله مايهون عليه زعلك انت كل دنيتي حبيبي وابوي واخوي وابو بيتي وكولشي بالنسبه الي
امير: اووويلي يا الله ماكدرلج اني
بس اكو شغله جنت رايد افرحج بيه بس ماراح اكووول
مرام: شنوو شنوو شنوو كوول عفيه تعرفني ما اتحمل
امير: ما ماكوول
مرام: امييييير هسه ابجي
امير : اروح فدوه لطفولتي 😘
انطيني بشارتي
مرام: مال شنوووو
امير : كنعان
مرام: شبي كنعان
امير : صار فتره اشتغل عليه روحته بشربة مي يعني راح يكعدله بالسجن شي 30 سنه اقل شي هذا
مرام : آآآآميييير صدوووك تحجي انت اميييير ممصدكه احجيلي احجيلي تفاصيل عفيه احجيلي
امير :شعليج بالتفاصيل اهم شي النتيجه
مرام: اروح فدوه لليوعد ومايخلف اني تدري بديت انسه وكلت انت نسيت هم
امير : معقوله انسى شي خاص بيج معقوله غير انتي حياتي لج شعندي غيرج
مرت الايام واتوفى عمي ابو مصطفى عرفت هذا الشي امير كالي وموصي بكل حق لأبويه اليه اني وصدوك اجاني حقي كوله بعت كول الاملاك وحولتها فلوس بالمصرف وجان امير كل شهر يخلي فلوس بحسابي موشي قليل يعني تعيشني ملكه جان يكولي خاف يصير شي هذولي الج وتكدرين تاخذين ابنج واسافرين
بيوم من الايام جاني امير وكال احنه لازم نعوف العراق ردت افهم منه شنو صاير كال انو اكو جماعه تريد تقتله اذا ماترك الدوله وقدم استقالته
مرام : امير وين حنروح
امير: لأي دوله وحولت كل الفلوس الي بأسمي لحسابج
مرام: وزوجتك واطفالك
امير : زوجتي صار فتره طويله من اطلكنه خلص
مرام: لعد ليش مكتلي هذا الشي
امير: ماجتي مناسبه اني دزيتله مبلغ راح تعيش هي واطفاله بعز طول حياته واذا رادت تجي وياي هي والاطفال ماعندي اعتراض لخاطر جهالي
مرام: شوكت نسافر
امير : احنه بعد مالنه كعده بالعراق خلص حضري روحج بأي وقت نطلع اني جهزت كولشي
عفنه العراق وطلعنه اني وابني وزوجي كولشي صفينه مابقى النه شي هنا حتى نبقى علموده بس اولاد امير وزوجته السابقه وهي ماقبلت تطلع ويانه شكد حاول وياها امير وماقبلت انطاها مبلغ كولش قووي حتى يأمن مستقبل اطفاله استقرينه بتركيا ورتبنه حياتنه عشت ويه امير احلى حياة صحيح عرفته بوقت موحلوو ومكان غلط بس رب العالمين عوضني بي عن كولشي راح.
صارو اطفاله بين فتره وفتره يجون يقضون العطله يمنه بتركيا ماجنت اضوج منهم بالعكس حبيتهم لخاطره وهمه هم حبوني
صار عندي كولشي وماناقصني شي غير شي واحد بس انو اكمل دراستي وامير شجعني على هذا الشي وساعدني هوايه
وحاليآ عايشه احلى حياة ويه زوجي وابني طبعآ متخلو من بعض المشاكل البسيطه بس مرتاحين وماعدنه شي
الي اتمناه من كل شخص يقره قصتي انو مايفقد الامل بالله وماتضيك الا تفرج مهما ضاكت بيك الدنيا راح يجي اليوم الي ربك يفتحلك باب مامنه باب ثاني
اتمنالكم السعاده من كل قلبي
تحياتي
الكاتبه
Retaj Ali Almousawi
أنت تقرأ
احلام ايقظها الواقع
Romanceقصة حقيقيه تتحدث عن فتاة ريفية تلك الطفلة الصغيرة التي اجبرت على ترك تعليمها واتجهت الى طرق اخرى لسد ذلك النقص داخلها القصة تتحدث عن احداث واقعيه مع تغيير الاسماء للحفاظ على الخصوصية اتمنى لكم قراءه ممتعمه تحياتي الكاتبة Retaj Ali Almousawi
