احلام ايقظها الواقع

البارت الرابع

البارت الرابع
#احلام_ايقظتها_الواقع
للكاتبه Retaj Ali Almousawi

مرت الايام واني وكنعان مانلتقي بس الشيخ نظراته تغيرت وياي يباوع عليه بنظرات غريبه ومرات الكا صافن عليه ويتحجج حتى يحجي وياي مافهمت شنو سبب هذا الشي دايتعامل وياي بهذي الطريقة المهم اني جنت اغلس عنه لان جنت مخليه ابنه ابالي ماجنت مهتمه اله ابد
كملت الشغل ببيت الشيخ وجنت راجعه لبيتنه صادفني كنعان بالطريق:
كنعان: مرام اليوم لازم اشوفج مشتاقلج لج
مرام: ماكدر خليها كم يوم يلا
كنعان: هاي صار اسبوع وماصار شي يعني كولها تهيئات
مرام: اشوف وضعي
كنعان: صايره تدللين عليه اليوم منتظرج وجايبلج هدية
مرام: هديه شنو شنو شنو
كنعان: الشيخ دايباوع علينه روحي هسه ولتتأخرين بالليل.

انتظرت اهلي يناموت حتى اروح جنت كولش متردده اروح بس شسوي انطيته وعد واني هم اشتاقيتله لكنعان يمكن صرت احبه ماعرف
صارت الساعه 12 بالليل اهلي راحو بسابع نومه وصلت يم الباب وردت ارجع بس وراها اشجعت وطلعت امشي واتلفت وراي خاف احد لاحكني وصلت يم غرفة بالبستان فجأه انفتحت الباب وانسحبت داخلهه ماعرف شسوي ساعته ماكدر اصيح وافضح روحي. وبنفس الوقت عرفت نفسي انكشفت
مرام: منو انت
حاولت اعرف منو حاولت مكدرت لان الدنيا ظلمه وماكدرت اركز عليه وعلى ملامحه ولا طلع صوته حتى لا اعرفه
اتهجم عليه حاول يغتصبني جان كوولش قووي كووه كدرت اخلص روحي منه من وكعت بالكاع حان اكو طابوكه حاولت ابعده عني ماكدرت شلت الطابوكه وضربته براسه ساعته هو وكع عليه دنيته عني وكمت ركض حتى اشوف كنعان واكوله الي صار ماعرفت هذا الشخص منو ولا عرفت شنو الي صار بي من وكع بعد عايش لو ميت كل الي ردته اخلص روحي وصلت يم كنعان..
مرام: كنعان
كنعان
كوووم بسرعه كوووم
كنعان: شبيج مرام شصاير شنو هاي حالتج
مرام: كووم بعدين نحجي ضربت ضربت واحد
كنعان: شنو منو ولج فهميني وحده وحده
مرام: جنت جايه حتى اشوفك وصلت يم الغرفه جان يسحبني واحد واحد ويدخلني بيه جان رايد يغتصبني حتى اخلص روحي شلت الطابوكه وضربته بيه وهسه ماعرف شصار
كنعان: اهدي اهدي ماعرفتي منو هذا اكيد كاشفنه روحي بسرعه ولطلعين من البيت افتهمتي باجر نشوف منو هذا
مرام: كنعان روح شوف خاف مات حباب شوفه كنعان
كنعان : كتلج روحي للبيت وبعدين نحجي ليشوفنه احد بسرعه