البارت العاشر
#احلام_ايقظها_الواقع
للكاتبه Retaj Ali Almousawi
ملازم مصطفى: كافي هذي دموع التماسيح جربوها قبلج هواي مافادت وياي كعدي وابدي احجيلي وحده وحده
مرام: شحجي سيدي والله اني مظلومه وبريئه
ملازم مصطفى: اوك مستعد اصدكج بس اريدج اساعديني وتحجيلي كولشي
مرام: راح احجيلك كولشي سيدي لشوفني طفله بالحقيقه احس روحي اوصخ انسانه بالدنيا ولومهما سويت ماراح اكفر عن اخطائي بس اني والله ماقتلت عمدآ لا والله سيدي
ملازم مصطفى: احجيلي وبلا هالمقدمات تره ماتأثر علينه
.
بدت تحجي واني صافن بس على عيونه شنو هالعيون الشايلته كفرتني بكد ماتذبح ذبح
مو بنيه صاروخ عبالك تحجي واني اسمعله حسيته كبرت قبل اوانه ويجوز السبب بأهلها الي حطمو حلمها وتركوها مدرستها وخلوها تلجأ لهيج طريق جنت احسه صادقه من تحجي بس بنفس الوقت وصخه صدووك وبيني وبين نفسي اكول طفله وضحك عليها وارجع اكول هي الي جانت عدها استعداد لهذا الشي محد جبرها
..
طبعآ القاصرين الي بعمرها ميدخلوهم سجن يدخلوهم مؤوسسات رعاية اجتماعيه يحكم عليهم القاضي لمدة معينه راح يقضوها بهذي المؤوسسه لحد متنتهي عقوبتهم يطلعون
كملت تحقيق وياها وبعدين دزيت على كنعان هو الي بلغ عليه حتى يلبسها التهمه كولها وحققنه ويا وهو مانكر كولشي طبعآ
ومبين عليه جان خايف ينفضح وهو شيخ العشيره بس الي الي يسنده وبسرعه اجه امر اخلاء سبيله من فوووك وطبعآ اطلقنه سراحه. لان هو ماعليه اي دليل وانحكم على مرام لمدة 6 اشهر اعتبرته المحكمه دفاع عن النفس بعد سماع اقوال كنعان الي يعتبر شاهد فقط اعتبرته المحكمه واخذوها للمؤوسسه حتى تقضي عقوبتها
.
مرام الف الحمدلله والشكر يعني 6 اشهر واطلع ممصدكه وهذا كنعان الكلب والله لنـدمه
نور: مرام اطلعي منا واسسي حياة جديدة عوفي كنعان وعوفي كولشي هذا واحد نذل كولشي يسوي
مرام: لج هذا خرب حياتي خسرت امي وابوي وسمعتي شمنتظرني بعد وشنو اخسر
نور: مرام انتي ليش مابلغتي عليه هو الي قتل امج
مرام: اووووش اسكتي لحد يسمعج ادور اصير مشتركه بجريمه لخ صدوك تحجين
بسسسس ورحمة الغوالي دم امي وابوي ماراح يروح وثاري اخده من كنعان الكلب اخذه
نور: اني خايفه عليج وانتي مو كده
مرام: لشيلين همي اعرف شلون ادبر روحي
.
طبعآ نور اتعرفت عليها من دخلت لهذا المكان وصرنه صديقات كولشي اسولفلها واسولفلي
ومرت الايام والاشهر صارت نور اعز صديقاتي وماعندي غيره بهذا المكان وجانت احد المشرفات دائمآ تباوع علينه اني ونور ماعرف ليش وبيوم من الايام دزت عليه داتحجي وياي وعرفت انو اني من راح اطلع ماعندي احد ولا مكان اروحله ........
أنت تقرأ
احلام ايقظها الواقع
Romanceقصة حقيقيه تتحدث عن فتاة ريفية تلك الطفلة الصغيرة التي اجبرت على ترك تعليمها واتجهت الى طرق اخرى لسد ذلك النقص داخلها القصة تتحدث عن احداث واقعيه مع تغيير الاسماء للحفاظ على الخصوصية اتمنى لكم قراءه ممتعمه تحياتي الكاتبة Retaj Ali Almousawi
