البارت السابع عشر
#احلام_ايقظها_الواقع
للكاتبه Retaj Ali Almousawi
طلعت هند وبقيت افكر بلي راح اسوي وشلون اكسب هذا الشخص طلعت للبنات ودردشت وياهم اشويه سحبت الكلام منهم عرفت انو هذا الشخص مسؤول چبير بالدوله ويوميه يجي لهنا واخذت شويه معلومات عنه شنو يحب شنو يكره شنو يحب يسوي من يجي شنو الي يعجبه جمعت كولشي وجهزت نفسي لسهرة الليل وگلت لهند تكوله انو اكو بنيه محد شايفه ابد
وما اريد احد يشوفه غيرك
صارت الساعه 12 بالليل واشتغلت الحفله الاغاني والضحك والركص بس كالعاده اني ماطلعت بس هالمره جنت منتظره هذا الشخص يجي وره ربع ساعه سمعت هند ترحب بي عرفته اجه
بقيت منتظره بالغرفه شوكت هند تكوله عليه ويجي وخايفه منه ما اعرف شنو اسوي بس خلص اني مابقالي احد لازم اسويلي سند حتلو بالجذب المهم احد اكدر اكول انو اكدر اعتمد عليه ويحميني من كولشي
هند: اگووول باشا
امير: گووولي عيني ست هند اروح فدوه للباشا اني
هند: شلون محضرتلك طيره لحد شافه قبلك ولا حيشوفه بعدك
امير : وهاي شلون صدتيه
هند: بنيه حبابه وبنت عائله وماعدها احد والتجأت اليه قابل اتركه ياباشا مو انت تعرف شكد قلبي رهيف
امير: اروح فدوه لقلبج وينه خل اشوفه
هند: دااكولك محد شافه قبلك ولايشوفه بعدك تعال ادخلك الها وانت شوف بعينك بس ساعته
امير: اعررررف هديتج محفوظه
اني امير عمري 38 سنه طويل اسمر وضخم عيوني وساع لونه عسلي مسؤول جبير بالدوله بس تعودت اسهر كل يوم يم هند ااغاني وشرب وركص وبنات وغيره هاي حياتي تعودت اعيشه مزوج وعندي 2اطفال وزوجتي مكرهتني حياتي لهيج ماطب للبيت الا وجه الصبح فد يوم رحت لـ هند لمحت بنيه عدها كولش حلووه وعجبتني حيل ومن سألت هدى عليها گالت انو هي متطلع ولا تشتغل شغلتهم وگالت انو الست هند متقبل تطلع ابد بقت بنفسي اعرفه يمكن حاجزته لمسؤول اكبر مني لان هند هاي شغلتها الي يدفعلها اكثر تتلوكله وتضمله الزين وبعدها اتفقت ويه هدى انو ادخلني عليها بس مدااذكر منو الي تهجم عليه وضربني بذاك الوقت وهند گالت انو جنت سكران ووكعت وحدي المهم اني مادققت هواي خفت تطلع عليه سالفه واني موقعي حساس بالدوله وبقيت اسأل هدى عليه گالت انو هاي البنيه طلعت من البيت وبعد متجي ابد گلت يلا تروح وحده تجي غيره بس بقت ابالي وبقيت افكر بيها واريده واتمنى ارجع انجمع بيه ومااخليها تفك من ايدي بعد فتره اجت هند وگالت انو ضامتلي طيره گلت اكيد جتها بضاعه جديده خل اشوف بس من دخلت عليها تفاجئت اي هي نفسه نفس البنيه الي افكر بيها والي بقت ابالي ماراحت هيج الله راضي عني المهم جانت خايفه وتبجي من دخلت الها......
أنت تقرأ
احلام ايقظها الواقع
Romanceقصة حقيقيه تتحدث عن فتاة ريفية تلك الطفلة الصغيرة التي اجبرت على ترك تعليمها واتجهت الى طرق اخرى لسد ذلك النقص داخلها القصة تتحدث عن احداث واقعيه مع تغيير الاسماء للحفاظ على الخصوصية اتمنى لكم قراءه ممتعمه تحياتي الكاتبة Retaj Ali Almousawi
