#حب_في_خط_النار ❤🔥
كتابة : ندى أحمد
_____________________________
الحلقة [2]
العمدة : مش هكي ! الشغل هذا يشده راجل مش مرا !
نبيهة : فاهمة عليك ! لكن والله ياوخيي كان تبي تسمع نصيحتي ! اطلع منه الشغل هذا ، وخليك على الاستثمار السياحي وخلاص ! والله يجيبلك دوة تانية ، وانت عندك بنية ! ماتخليش عدوك يلويك من ايدك لتوجع فيك !
العمدة : مصطفى حيقعد شادها جرتي لين يضرني !
جت سوسن (وسكتت نبيهة والعمدة) وحطت الشاهي والحلويات وطلعت !
كملت نبيهة : اسمعني توا انت ماشاء الله خدمتك معيشاتك في العز مافيش داعي تخش لتجارة هاذي ، انت مستغني !
العمدة : الجماعة اللي نشري منهم هما درع الحماية من مصطفى ، بيناتنا تعاهد يا نبيهة ، مانقدرش نخلفه ! تجي في قطع رقبتي !
نبيهة ساكتة مش عارفة شن بتقول !
<<<<في الماضي>>>>
مصطفى و العمدة كانوا اصدقاء هلبا !
ويقروا في كلية
مصطفى فقير جدا والحال باللهون
يحب وحدة اسمها "كميلة" ويحاول يتقربلها
كميلة وهي واقفة في الجردينة
جاها مصطفى مرتبك وخاش بعضه ومتحشم وثقته بنفسه شوي مهزوزة
مصطفى : معلشي ممكن من وقتك شوية ؟
كميلة شبحت لمصطفى بنظرة غريبة فيها من الاستحقار !
كميلة : تفضل شني ؟
مصطفى :انا الحق عاجبتيني ! ونبي نجيب اهلي بنخطبك !
كميلة شبحت في لبسه من فوق ل لوطا : مزال مش مفكرة في الزواج نبي نكمل قرايتي!
مصطفى : نستناك عادي !
مشت كميلة وسيبت مصطفى واقف !
مصطفى حس بالاحراج من موقفها وتوكل مشي على حاله ! ( حبه ليها كاتمه ومحكاشي حتى لحد حتى صديقه المقرب العمدة)
مصطفى والعمدة يقروا مع بعض
العمدة حالته كويسة ولبسه مهندم وطرحات ومطيح بنااات الكلية كلهم وسيارات امريكيات تحفة !
كميلة تحدف في النظرات والعمدة يبادل فيها بالنظرات وعاجباته هي من عيلة هابي وفلووس وجمال ساحر !
مشي يوم من الايام العمدة خطب كميلة
وتم فيها وبدون ما يحكي لحد
خش للجامعة يتجكتر على القروب !
مصطفى : شن الدبلة في ايدك خطبت وحني ما نندرووش ؟
العمدة : اي امس البيان !
مصطفى : غر مني سعيدة الحظ ؟
العمدة : بنت هني معانا في الكلية !
مصطفى : من هي ترا وينها ؟
العمدة : لابسة ابيض بحدا الشجرة !
مصطفى يدور بعيونه ، لين جت انظاره على كميلة !
واستصفر من الصدمة !
وروح منهار ومعصب ويخبط ويقلب في الدنيا ،
وحس بالنقص ! كيف توافق كميلة !؟ على العمدة وموافقتش عليه !
مصطفى يدوي في نفسه : هذاكا فلوس وحياة العز وانا الله غالب عليا !
العمدة و كميلة تزوجوا
وواضح انهم يحبوا بعض هلبااا
ومصطفى يغلي وحاقد عليهم ومزال يحب كميلة !
خش مع جماعة تجار ممنوعات بش يبي يحسن من وضعه ! وتحسن حاله وولى فلووووس بمستوى العمدة
وقعد محتك بصديقه و يحاول يحوز كميلة جهته ومزال عنده امل انها تطلق و تكون ليه !
أنت تقرأ
حُب في خط النّار
Acciónما مصير الانتقام الذي بداخلك عندما يكون عشقك لإبنة قاتل أبيك ؟؟ 💔 احداث القصة جدآ مشوقة باللهجة الليبية من تأليفي ، 🌷" ندى أحمد" 🌷
