(نأسف على التأخير متابعاتي ❤ الضي هارب والشحن مافيش😭)
------------------------
#حب_في_خط_النار 🔥❤
كتابة ⚘ندى أحمد ⚘
الحلقة [4]
قراءة ممتعة ❤
العمدة صوته متغير : وين انتي ؟ شن قالت نبيهة راقدة
دنيا :بابا مش وقتها الدوة هاذي توا ، نشت واحد بالسيارة وتوا رافعاته للمستشفى!
العمدة انصدم : شني ؟ باهي باه اهو جاي!
درست دنيا قدام المستشفى وخشت للاستعالامات ،
دنيا : السلام عليكم ، نبي الاسعاف بسرعة فيه شاب داير حادث ،
الشاب : وين اختي ؟
دنيا تتكلم ورايحة صفرا مع بعضها وترعش
دنيا : برا في السيارة !
الشاب قام الهاتف واتصل بقسم الاسعاف !
وبسرعة !
مشوا ونزلوه على الباريلا ودخلوه !
دنيا مقعمزة تستنى انتظار في قسم الاسعاف ،
واللي يفوت يشبحلها ،كانت ملفتة لنظر مع جمالها ، دنيا ركزت بنظرة الناس ليها ،
خشت للحمام فتحت كاميرا النقال الامامية وتمسح في الروج بالكلينكس !
دنيا : *(مكيجت وجيت قعمزت في الانتظار ! حالة وخلاص )*
دورا النقال يرن ( رنوش تتصل )
ردت دنيا : ايوه رنيم !
رنيم : وينك عطلتي من امبكري نتصل بيك ماترديش ،
دنيا : كملوا حفلتكم ! ، انا ما صارليش ،
رنيم : خيرك شن فيه ؟ شن صار معاك ،
دنيا : تو نحكيلك بعدين ،
وصكرت !
رنيم مستغربة وزعلت لان دنيا مش حتجي !
البنات في الحفلة : شن صار ؟ جاية ؟
رنيم : لا ، اشبح شن صاير معاها ،
***
طلع الدكتور : اهل الشاب ولا اللي جابه وين ؟
دنيا وقفت : انا دكتور ،
الدكتور : انتي اخته ؟ ،
دنيا : لا مانعرفاش جبته للاسعاف !
الدكتور : فاق الشاب والباين حاله باهي ويتكلم ، لكن ضروري من الصورة والتحاليل !
دنيا : حاضر به امتى نديروها ؟
الدكتور : مدابينا الليلة ،
دنيا : باهي تمام ، عندكم هني تصوير؟
الدكتور : اي ، تعالي شوية !
وخشت دنيا لحقت الدكتور ، ودارلها ورقة ،
خدتها من الدكتور : وينه هو ؟ الجهة هاذي ؟
الدكتور : تاني سرير ،
مشت دنيا جبدت الستار : السلام عليكم ،
(لقت مجدي راقد على ظهره و الممرضة تسحبله في دم ل التحاليل )
مجدي تلفت شاف دنيا : وعليكم السلام ،
طلعت الممرضة ،
دنيا : سامحني ، والله ماشفتك ،
مجدي وعيوونه فيها ماحولهمش (شن الجمال هذا ؟ )
مجدي : انا نحسابك وقفتيلي بش نقص بعدها ضي السيارة في عيوني و معش نندري على شي !
دنيا وهي خايفة ومتوترة : تو بيديرولك صورة ، وبنطمنوا عليك ،
مجدي : ما ادوري شي ، حالي باهي ، بسيطة ، احتمال حتى سكر هابط ،
دنيا : ان شاء الله انا مش مخلياتك لين نطمن عليك ،
وطلعت دنيا ، وقعمزت برا !
على جية العمدة خاش ومتغير من بنته (متكنطي)
العمدة : شن صار ؟
دنيا : فاق ، لكن طلبوا يديروله صورة وتحاليل بش يتاكدوا!
خش العمدة لمجدي : السلام عليكم
ومجدي مقعمز : وعليكم السلام ،
العمدة : الحمد لله على سلامتك ،
مجدي : الله يسلمك ،
العمدة : شن حالك توا ؟
مجدي : الحمد لله تمام ،
العمدة : سامحنا بالله ، البنت كيف متعلمة السواقة !
مجدي ابتسم : ما ادور شي !
خش الدكتور بيطمن على مجدي !
مجدي : دكتور ، بنروح مانقدرش نقعد لصبح !
الدكتور : ضروري تقعد تحت الملاحظة ، راسك حتى هو محصل خبطة ،
مجدي : اياه لا خبطة لا اتنين ، شوق من انخبطنا وما طرالنا شي !
الدكتور : مرات تطلع عليك اعراض تانية !
مجدي تكنطا من تعشيش الدكتور : ترا فكلي الطوبو اللي مشكلينه هذا ، احني حتى روسنا تنفتح من لعب الكورة حناي اديرلنا في قهوة ،
العمدة يضحك : هههه ،
الدكتور : باهي حتى ثلاثة ساعات تانيات وروح لازم تكمل التغذية !
(مجدي في باله امه وحناه وخوه الصغير قاعدين بروحهم )
تكنطا مجدي وفنص في الدكتور : تو بتحولها ولا نتلها بروحي ونطلع ،
العمدة لدكتور : باهي ديرله زي مايبي !
الدكتور طلع متكنطي ، وينادي : يا سيستر ، زودي نحيله التغذية الحالة بيروح ،
أنت تقرأ
حُب في خط النّار
Açãoما مصير الانتقام الذي بداخلك عندما يكون عشقك لإبنة قاتل أبيك ؟؟ 💔 احداث القصة جدآ مشوقة باللهجة الليبية من تأليفي ، 🌷" ندى أحمد" 🌷
