حُب في خط النّار

الحلقة الحادي عشر : النهاية و تحولات غير متوقعة

حب في خط النار ❤🔥
كتابة ⚘ندى أحمد⚘

الحلقة [11] الاخيرة : -

خشت بسرعة لدار اللي راقدة فيها ،
بحكم وساع الحوش وكثر الديار كل واحد واخد دار ،

حطت سوسن الاوراق وكل شي في الشنطة ، ودستها ، واتصلت بمصطفى ،
مصطفى كان راقد من التعب على الكنبة ،
رد وهو مدهشره النوم
مصطفى : ايوه ، شن صار معاك
سوسن وهي تتكلم بحدر وبصوت واطي ،
سوسن : لقيتهم ،
مصطفى فاق وناض قعمز : لقيتيهم كلهم؟
سوسن : اللي قلتلي عليهم ،
مصطفى : به وتي روحك ، واطلعي على رجليك ، تو نجيك ،
سوسن : كيف بنطلع الحوش مسكرينه بالقفل ،
مصطفى : دبري انقزي حتى من السطح ،
سوسن : الصبح خليها خير ، توا صعب ،
مصطفى : تمام كان على كلامك هذا ، وين مكانها الفيلا ؟
سوسن وصفتله المكان

و صكر الخط ،
وسوسن على نار تستنى في الصبح امتى يطلع ،
ضوت الدنيا ،
وقعدت ادور تزربز كيف بتطلع وكيف بيفتحوا الباب ،
طلعت سوسن من الدار مع ال8 الصبح  ، لقت العمدة في المطبخ واقف يشرب في المية ،
سوسن : صباح الخير ،
العمدة : صباح النور ، بالله يا سوسن ديريلنا فطور امبرزم النفس ساخفة على طاولة مفتلكة ،

خشت سوسن تحضر في الفطور ،

العمدة مشي قعمز في المربوعة ،
على خشة مجدي ،
مجدي : صباح الخير ،
العمدة : صباح الخير ،
وقعمز مجدي مقابله ،
مجدي : شن صار فكرت في الموضوع ؟
العمدة : اليوم بنحجزلكم في تذاكر لتونس ، ومن تونس اطلعوا لتركيا ،
مجدي : به وكيف بيصير معاك ؟
العمدة : كيف ؟ على الامانة ؟
مجدي : اي ،
العمدة : اليوم الجماعة بيجوا بياخدوا الامانة ، وغدوة انا لاحقكم نتم شوية امور هني قبل ،
مجدي : مش مطمن يا عمدة في حاجة مش مزبوطة ، ما قالولكش امتى بيجوك ؟
العمدة : ال9:30 بيجوا هني ،
مجدي سرحان يفكر : ....
العمدة : كون هاني ان شاء الله تمشي على خير ،

وتت سوسن الفطور وكبهم ناضوا ،
خشتلها نبيهة : صباح الخير ، يعطيك الصحة نايضة بكري اليوم
سوسن ابتسمت مجاملة : اي ، ماجانيش نوم طول الليل تغير عليا المكان  ،
نبيهة : اسمعي حطيلنا كلنا طاولة وحدة ،
سوسن : تم باهي ، (وهي تفكر كيف بتطلع وبس )
حطت الفطور على الطاولة وقعمزوا كللللللهم يفطروا مع بعض ،
دنيا : سوسو زودي افطري معانا !
سوسن : فطرت امبكري كولوا انتم صحتين ،
العمدة : كيف حالك يا حاجة ،
خديجة امبمبكة ومتحشمة شبه متلفتة بالظهر
العمدة يضحك وكلم نبيهة بصوت واطي : متحشمة الحاجة ،
نبيهة شادة ضحكتها : يا حاااجة هذا العمدة زي وليدك ، خيرك متلفتة خودي راحتك ،
خديجة تتكلم مع نبيهة بالشوي : كيف ولدي ، لا جايباته ولا مرضعاته
نبيهة :يا حاجة  زي امه يشوف فيك ،
خديجة : لا يا ودي ،
العمدة ياشر لنبيهة  : خليها براحتها ،
دنيا تشبح لخديجة مقابلتها وشادة ضحكتها وتفطر ،
مجدي جنب حناه ومقابل دنيا ،
يتلفت  لحناه مرة مرة كيف مبمبكة ومبتسم
ويبادل في الابتسامات هو ودنيا ،
وردة : عمتي افطري ما كليتي شي ،
خديجة : اسكتي انتي ، توا دايرة روحك ماتعرفيش علاش   ،
وردة لنبيهة : تتحشم تاكل قدام راجل براني ،
نبيهة : اااههه فهمت ،