لَبّوْة صمد

البارت ٢

#لَبّوُة _صمد

#Nabá_ baqer

البارت الثاني .......💬 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

من بعد محرك روحه صمد بالجكاير بقى يفتر بالكراج وهوه بيه حركة قلب بس الله يعرف حجمها ... اخذ سويجه وشخط سيارته وطلع

يفتر بشوارع بغداد بكل سرعته لحد مستقر بالگريعات صف سيارته ونزل بالكورنيش

كعد على رصيف الكورنيش وخله رجليه سايبه بالهوا ونهر دجله جواه ومناير الامام الكاظم (ع) كدامه ...

صمد يحجي بقلبه وهوه يدخن وعيونه مضيكها ع المناره وعبالك يوجهلها كلامه ..

--- اااااخ يااااناااار كلبي صرت اني ظاالم وطااغي وبلوه ..وين جان هذا الحجي يوم الجنت اشوف المررر واخاوي الوحوش بس حتى اعيشهم ... كلها تكلي ظالم وماعندك قلب بس محد سألني ليش انته هيج شنو اللي صار وياك واللي شفته وقسالك قلبك وخلاك مثل الحجر بدون مشاعر ..

محد بيهم مهتم يعرف شنو داعيشه يوميه او شنو اللي خسرته وخلاني اصير قاسي بس حتى احافظ على الشي الوحيد اللي بقالي ...

ايي لبوه هيه الوحيده اللي بقتلي وكل هذا اللي داسويه بس حتى احافظ عليها ولا اخسرها حالها حال نفسي واهلي ...

اهلي اللي خسرتهم واحد وره الثاني ..ونفسي جانت اخر خساراتي ولاجل عيونهم حطيت ايدي بايد المحتل وخسرتها ...

اول خساره جانت امي خسرتها بسبب غصون
امي روحي من الدنيا اللي خلصت كل سنين حياتها واني بحظنها ...  جانت تحلم تصير عدها بنيه ... رغم الخطوره ومنع الاطباء من تحمل مره ثانيه بس هيه ماسمعت  و ورى ١٥سنه حملت وجانت طايره من الفرح

وكل يوم جانت تروح للسوق تشتري وتجهز وهيه حتى متعرف جنس الطفل جنت اشوف الفرحه بعيونها والخوف بعيون ابوي ...

بس ماجنت اعرف ليش هذا الخوف ... موالمفروض يفرح لان راح يصير عدنه طفل جديد بالعائله ...وراح يصير اب من جديد ...

بعدين ياله عرفت وياريت ماعرفت ولا سمعت حجيهم ......

جنت توني راجع من الطوبه عمري بوقتها جان ١٥سنه ،،،،،،،شمرت الطوبه بالحديقه
ورحت فتحت بوري الابي الموجود بالحديقه
حتى اغسل رجلي لان الوالد لو شاف حالي وهدومي متربه راح يبسطني ويحرمني منها واني روحي بالطوبه كلش احب العب ويه ولد المنطقه بالساحه اللي ورانه .....

غسلت ونفضت هدومي من التراب وبللت شعري وخرت التراب منه ...
ودخلت على كيفي كلت اخذ ملابس وادخل اسبح بدون محد ينتبه واطلع ادرس ......

لان اذا ابقه بدون سبح راح يعرف اني جنت بالساحه من ريحتي مال التراب والعرق .....

فتت على روس اصابع رجلي واني اتلفت يمنه ويسرا ... خطفت من غرفة اهلي وسمعت اسمي بدون قصد ....