ورمضان كريم على الجميع ...وصحه وسلامه ونشالله ينعاد عليكم لافاقدين ولامفقودين ...
......
بنات اليوم اجيتكم بقصتي الجديده اللي هي نبض دافي ..
وموضوعهاا حيكون عن كلام الناس وشلون اله تأثير على حياتنه وشلون يقلبهاا رأساً على عقب ....
تابعوهاا ونتظروهاا ...
معرف شوكت انزلهاا لان موظوعهاا يمس ناس قريبين مني وعانو منه ....بس حتكون خياليه يعني مراح اذكر من الواقع اي شي واذا نذكر حنوه ان هذا واقع اما غيرهاا فهي خياليه ....
لهذا داكتب بيهاا على اقل من مهلي ...
وبنفس الوقت رمضان وصيام ورگظة الفطور ومسلسلات الليل ورگظة السحور وعبادة الفجر
يعني ابد ماعندي وقت بس احاول اكتب منهاا حتى كل مصارلي مجال انزل منهااا ....
وشنوو الأثمان اللي حتندفع لحتى القدر يحصل على اللي يريده ويجمعهم ....
...المشهد ...
لا مهيمن لا ابوس ايدك لاتزوجني ابوس رجلك بس عوفني حتى لوخدامه هناا شمرني بس لاتزوجني
....لججججج بااااااباااا انتي هساااا صرتي على كل لسان سيرتج صار يحجي بيهاا الزين والموزين لازم ازوجج واخلص منج صرتي حمل علي وعلى خوانج وماكو غير نزوجج ونخلص منج ...
....لا مهيمن لا والله حرام والنبي حراام ...لك حسين احجي كلمه اني مواختك ليش ساكت ليش ماواحد بيكم يخلصني ليش كلكم صرتو علي ...
..جاوبهاا حسين والدمعه بطرف عينه بس مجبور يسكت
...گومي نبض وكافي بچي ارضي بنصيبج وسكتي لان مهيمن يسوي هيج لمصلحتج ...صدگيني خيتي المنطقه كلهاا تحجي والناس گامت تحجي بيج بالموزين ..وبس ياسر قبل ياخذج وماهتم لحچي الناس ...كافي بچي وگومي ونتي حاطه عينج بعين رب العالمين ...ياخذ حقج من كل للسان حجه عليج بالموزين ....
رفعهاا من الگاع واشر لسوسن اجت اخذتها ودخلتهاا لغرفتهاا وهو طلع وخاطره مكسور عليهاا بعدهاا طفله وشافت اشكال وراح تنجبر تتزوج واحد ماتعرفه ولاشايفته بس حتى تخلص من حجي واتهامات هي اصلاً ممسويتهاا ولا تعرف عنهاا شي .......
كلام الناس هو سلاح ذو حدين اما يرفعك لسابع سماا يا ينزلك لسابع ارض ...
ومابين هاي وهاي المفروض احناا منسمع لكلام الناس ولا نخليه يأثر على حياتناا ...
لان الناس مترحم ومحد يخلص من للسانهم ...
وعلى رأي الشاعر ....
لسانك لا تنطق به عورة امراً فكُلك عورات وللناس الِسنُ وعينك ان بدت لك بموخطأً فـغُظهااا وقلّ ياعين للناسِ اعينُ
بس محد يسمع الكلام ودائماً كفة كلام الناس هي اللي تربح وتثقل وبسببهاا تدمر حياتناا وتنقلب رأسن على عقب ....ونخسر هواي اشياء وتوصل بيناا الخساير حتى لنفسناا ونخسرهاا ...
وياما وياما ناس انتحرت من وره القيل والقال ... لوعوائل ادمرت من وره نفس السالفه ... وبنات هوايه انتهت حياتهن من وراهم ومن وره لسانهم اللي ميرحم لاصغير ولا كبير ...وبطلة قصتناا هم راح تصيبهاا كل هاي الخساير من وره كلام الناس ....
انتظروني بقصتي الجديده وهم خياليه حالهاا حال غيرهاا من قصصي ...
