لَبّوْة صمد

تكمله١٨ ..

لبوة_ صمد

Nabà _baqer

تكملة البارت الثامن عشر ........

اول شي السلام عليكم ...ردو السلام 😒

ثانياً .....

بنات اعتذر اذا مدجاوب على تعليقاتكم ...بس گتلكم صارت عندي ظروف ويادوب داگدر انزل البارت ....بس اتأكدو اني اقره كل تعليقاتكم وافرح بيهاا ....

وبنات ياريت تبطلعن هاي مال كملي لو عاشت ايدج
عفيه بنات اذا هيج تردن تعلقن اني مستغنيه عن هاي الكلمات ...اريدجن تتفاعلن ويه كل فقره وتعلقن عليهاا وتنطني رأيجن بيهاا مثل مصار بــبارت ١٧حيل حبيت تفاعلكم بيه ونطيتوني واهس اكمل ...لهذا اريدجن تستمرن نفس التفاعل ...وبدون متكتبن كملي وعاشت ايدج .... لان تفاعلجن ويه كل فقره  يفرحني اكثر من هاي الكلمات ....

احبكم بگد رحمة الله ....نبأ باقر ..Nabà baqer

⚙⚙⚙⚙⚙⚙⚙⚙⚙⚙⚙

عزاااا هذا شيحچي وشلون يباوع يمه احس روحي صخنت ...

رجع ساهر ضحك وحجه ...ياابه على كيفج ماگلت شي ليش هيج حمريتي ...

على كلاً لمار اني اليوم جاي حتى اصارحج بحقيقة مشاعري اللي صار فتره طويله واني عايش بيهاا ..

واني مااحب اللعب على بنات الناس ولا احب اسوي علاقات ومخابرات بأسم الحب ...اني عندي اذا احب

لازم اجي للي احبهاا من الباب مو من الشباك ...لهذا اني اليوم جاي حتى اگلج ...

...يابنت الناس اني احبج وگلبي تعلگ بهواج ...وعيوني ادمنت طيفج اللي مومفارگهاا ...ورايد اجي وادك بابكم واتقدملج ...شتگولين ...حتى اذا ماعندج اشكال فـــأني اليوم يمكم خطابه ...

واذا لأ ومشايفتني الرجال اللي تردين تكملين حياتج وياه ... فصدگيني راح اتقبل الموظوع بكل روح رياضيه واطلع مناا وبعد متشوفيني ...لان مااحب افرض نفسي على احد ولا كرامتي تسمحلي انرفض من اللي حبهاا گلبي وماتكون عندي ردة فعل ...وماأكلج ردة فعلي تكون عنيفه وليش وابقى ادور اسباب ...لا بالعكس راح احاول  اتقبل الموظوع واطلع من حياتج نهائياً ... وهسااا شنوو ردج !!!!

لمار جانت تستمع لكل كلامه بقلب يخفق وحساس يجنن نعش كل جسمهاا وبان على وجهاا ولمعة عيونهااا ....مگدرت تگله لا ....

شلون تگله لا وهي اللي جانت راح تموت على نظره منه ...وهسااا جاي ويعترفلهاا بحبه ويريدهاا اله وام بيته ...تطلع مخبله اذا متوافق ..بس جانت عدهاا مشكلتين .....!!!!!!!

.....الصراحه ماعرف شگلك فاجئتني وصدمتني عني ابد مجان أبالي امر بهيج موقف ...وو احم اسفه «صارت تتلعثم بالكلام ومتعرف شلون تحجي خجلهاا طغاا عليهاا » ....والصراحه انته انسان محترم وتعتبر امنية كل بينيه ....والاكثر من هذا أن اخلاقك تشهدلك ..عن طيب اصلك ومعدنك ....