لَبّوْة صمد

البارت ١٨

لَبّوْة _صمد

Nabà _baqer

البارت الثامن عشر .......⭐⭐⭐
بنات صارت عندي ظروف واحتمال انقطع فتره بين متكمل ظروفي ...

*********************

لهذاا يابني اني اخذت رأي الولد والبنيه وثنينهم موافقين ...اريد اعقدلهم وبس تمر سنه ازوجهم ...وكلت مايصير اتصرف بدون علمك لان انته بمثابة اخوهاا الكبير لبنت عمك ..

صمد جان يستمع بتمعن بس جواه براكين ثايره تزيد بهيجانهاا ويه كل كلمه يسمعهاا ...انتظر ابوحسام يكمل كلامه وهو تعدل بگعدته وصارت على وجهه ابتسامه شيطانيه ماكره ....

وحجه بنفس طبگة حواجبه وعيونه اللي تدور على حسام وابوه بنظرات محد عرف يفسرهن ..بس الاكيد هنه نظرات ظلام و وعيد ...

....والله يابو حسام اني ماعندي اشكال واذا تريد هساا اعقد الهم ...بس اريد اسأل حسام ...

..انته عادي عندك تزوج وحده مقريه فاتحتهاا على غيرك ومنهي عليهااا بعد ..

حسام فتح عيونه بصدمه ولتفت لابوه اللي صدمته جانت مواقل من ابنه ...انته شدتحجي فاتحة شنو نهوة شنوو ؟؟؟؟ ...

رجع صمد حجه بنفس النبره البارده الاستفزازيه ..ليش متفاجئين شنوو بنت عمي مابلغتكم احنه مقريه فاتحتنه وعلى ساس عقدنه قبل لايتوفه عمي الله يرحمه بيوم ...ولوما وفات عمي جان هساا احنه متزوجين وبشهر عسللنااا

حجه اخر كلمه وهو يشدد عليهاا ورفع حاجبه لحسام وبعيونه صارت نظرات استهزاء ...

...حجه ابو ..والله ياعمي هذا الحجي اول مره اسمعه منك ..ولوادري بيك رايدهاا لبنت عمك جان ماحجيت ولا فكرت بالموظوع اصلاً ...ولو هو صوج مومني ..من بنت اختي اللي استغفلتناا وظحكت عليناا ...

واني اعتذر واسحب كلامي واكيد حسام مراح يقبلهاا على نفسه يدخل بهيج قظيه خسرانه موصح يابه ....

حجه حسام  اللي  الكلمه تطلع من حلگه بالگوه شلون صغرته واستهزأءت بيه عمره مراح ينسالهاا هاي الدگه  ..صحيح يابه واني بعد اعتذر منك ابوشاهين ماجنت ادري بهذا الموظوع ..وياريت تنساا الحجي اللي سمعته ...

....صمد بنفس البرود الظاهر ..مصار شي وياريت تصيح للجماعه هم ياله نروح ..وراي شغل ....

گام حسام وهو يفتح ويسد بأيده من الغضب والعصبيه ..حس نفسه انسان مظحكه من استغفلته وظمت عليه هيج موظوع وهي هاي الفتره كلهاا مافكرت تحجي ولا تبين لا وفوگاهاا من فتح وياهاا موظوع خطبتهم وافقت بكل صلافه وعين وكحه ....

دك باب غرفة خواته اجاه صوت اخته الصغيره مسار <<تفظل >>  دخل وباوعلهاا بنظرات احتقار وقرف وحجه وهو يحاول يضبط اعصابه ....

مع الاسف عليج والله هاي جزاتي جنت مستعد اسوي اي شي حتى ماشوف دمعة عينج واحاول بكل جهدي اعوض مكان ابوج ولااخليج تحسين بغيابه تاليهااا تجازيني هيج مجازاة وتصغريني كدام ابن عمج وخطيبج ...وتطلعيني واحد مستغل ومستغفل ...هاي واني زلم مشوربه وعليهاا العتب اوگفها على تك رجل تاليهاا تجي وحده مثلج اتصغرني ولو تخسين تصغرين حسام مقداد ...وهسه يلااا گومي خطيبج منتظرج براا ...