لَبّوْة صمد

البارت ١٩

لبوة _صمد

Nabà_ baqer

البارت التاسع عشر ...........❤❤❤

،،،،،،،،،،،،،،،،،،،،،،،،،،،،،،،،،،،،،،،،،،،،،،،

دخلت شافت الغرفة عباره عن ظلام بظلام ...بقت واگفه بالباب ماتعرف شتسوي ووين تروح وتخاف تفتح الضوا خاف يعيط بيهاا ....

بقت تتلمس بالحايط وتمشي طخت رجلهاا بشي طلع صوت تلمست طلعت الطابوريه ..وخرت منهاا ورجعت تتلمس تريد توصل للكنتور ..بس حتى لو وصلتله شلون تشوف تطلع ملابسهاا ...

كملت تتلمس وتمشي رجعت عثرت بشي اقوى وگع وطلع صوت تكسر جفلت وبقت متصلبه بمكانها ماتعرف شنو اللي انكسر وخاف تمشي ويدخل برجلهاا اگزاز ... رجعت تمشي للورا تريد تگعد ع الطابوريه ملازم الكنتور هساا ... انفتح الظوا وصار صمد بوجهاا ولان هو اطول واظخم منهاا راسهاا واصل لصدره اللي جان عاري بدون تشيرت او تعلاگه

رجعت خطوتين ورا والخجل جان طاغي عليهاا ...اول مره تنحط بهيج موقف ...ولا مره وگفت يم رجال عاري الصدر ...ومن صارت صارت ويه صمد وفوگاهاا زوجهاا ....

سحبهاا من خصرهااا وارتطمت بصدره رفع راسهاا بأيده وعيونهاا اجت بعيونه ....

جان يباوعلهاا بطريقه غريبه ...اول مره تشوف بعيونه هاي النظرات ....

....ليش متگعدين راحاا ...حجه وعيونه على شفايفهاا اللي يرجفن وخدودهاا اللي راح ينفجرن من الاحمرار ...

هممم ليش ماتحجين شبيج ساكته .... حجه بهمس ذوبهاا ...

لبوه ...اول مره يصير وياي هيج ...طوله وهيبة عرضه خلتني ابين گدامه مثل النمله ...وفوگاهاا عطره وعيونه الذايبه من تباوعلي وهمسه ...دمرني وحسيت نفسي راح افقد واطيح بين اديه ...

مادري ليش حسيت الدنياا صغيره واني بين اديه
معقوله !!!!! لا لبوه لا انتبهي لنفسج ..مستحيل توگعين نفسج بشباكه ...وتخلينه يأثر عليج ويسيطر على حواسج .... حاولت اسيطر على نفسي وماأخليه ينتبه على ضعفي ...سحبت ايده من خصري وردت ادفعه  وگتله....
«صمد وخر اياني وياك تلزمني .»
بس هو جان اسرع مني ورجع سحبني لحظنه وحط راسه برگبتي ...واني احس نفسي دخت بالزايد وروحي راحت حاولت ادفعه ميندفع مثل الحايط صلب وميتحرك .....

.....افيششش ياااريحتج ....ليش هيج ريحتج جنهاا الدنيااا حجه هيج وحظني بالزايد وطبگ جسمي بجسمه ...بقيت ساكته ومتصلبه وهو اخذله دقيقه على نفس وظعه بعدين سحبني من ايدي واخذني للفراش ...

هنااا اني متت خوف كلشي ولايقتربلي ...سحبت ايدي من ايده وبقيت واگفه واحس دگات قلبي ترست الدنياا ...هو اتمدد على الفراش وحط ايده جوه راسه وبقه يباوعلي من فوگ ليجوه ....

احس العرگ گام يصب من كل مكان بجسمي والحراره تطلع من وجهي ....

گلي روحي بدلي وتعاي بحظني .....