لَبّوْة صمد

اعلان ومشهد !!

السلام عليكم ..

اليوم جايتكم باعلان لقصتي الجديده
صحيح بعدني ممكمله ذيج قصتي اللي هيه غربه روح
بس صراحه مكدرت ماانزل الكم الاعلان لان فكرتها اجتني بلحظه خاطفه وبنفس الثانيه عفت كل الي بايدي ورحت كتبت مشهد من احداثها ...

هاي القصه حتكون مختلفه بعدد ابطالها وحتى الاعمار والاحداث

مراح اتعمق هوايه بتفاصيلها حتى لاتكون قضيتها حساسه لان موضوعها حيكون اول مره كاتبه تتطرقله وبصراحه اني نفسي معندي الجرئه حتى تعمق بالاحداث حتكون مجرد احاديث سطحيه عن اللي عاش بيه بطلنا بحرب 2003 ...

تعريف الشخصيات الرئيسيه :-

صمد مواليد 1980 خريج كليه الترجمه الجامعه المستنصريه ... سابقا كان يعمل مترجما مع الجيش الامريكي التابع الاحدى القواعد المتمركزه في العاصمه بغداد ,,,,,

لبوه مواليد 1990 خريجه طب قسم
( جراحه قلبيه) جامعه بغداد ,,,,

ساهر مواليد 1985 خريج اداره وقتصاد جامعه بغداد يعمل في تجاره العطور
يقوم باستيراد العطور العالميه (الماركه ) ويقوم بتوزيعها على محال العطور في بغداد وباقي المحافظات ...

لمار مواليد 1989 خريجه طب المستنصريه قسم سايكولوجي ..,,,..

,,,,,,مشهد ,,,,,,,

-انت مريض ..واحد مختل ..ومواني الأسلم حياتي بيد واحد مختل

- كام وهو قابظ خمسته بكل قوته حتى بين بياظ امشاطه الخمسه ..وعيونه تحولت لكتله من الهيب الاحمر ..
وحجه وهوه جاز على اسنانه ..

السانج ولج السانج هذا بتره راح يكون على ايدي
اذا ماخليتج تبوسين ادين ورجلين هذا المختل والمريض بس لحتى يعتقج ماكون اني صمد ..
وشوفي الايام بينه يا لبوة صمد !!!!!!

-هه حسبالك تخوفني بكلامك هذا !!!!
اعلى مابخيلك اركبه ..وايدك وماطول ..مولبوه اللي تخاف من تهديد واحد مريض وفارغ بس كلام !!!!!!
وهذا كلامي خليه دائما ابالك
عممممرري فاااهم شنو عممممرري مراح اصير الك
لبوه راح تكون باسم اللي يستحقها موو هه
الك ياااااااا مرررريضضضض ,,,,,,,,,

صمد - رفع ايده وتقدم الها وهوه شياطين الكون كله تكمز كدامه ..وهي تلقائين رجعت خطوه وره وغطت وجها بايده
راد يضربها بس جمده صوتها وهي تصيح بأعلى صوتها

-لااااااااااااااا صمممممممددددددددد

لتفت لمصدر الصوت ونصعق للمنظر الجان كدام عيونه اللي تحولت من نيران هايجه لجليد متصلب خالي من التعبير ..

راد يركضلها لكن سبقته لبوه وهي تركض وتصرخ بصوت عالي ودموع منهمره على خدودها تعثرت اكثر من مره وهي تركض من سيل دموعها الي غوش الرؤيه كدامها وصلت الها وهي تنحب بصوت مبحوح ومكسوره ..

لااااااااا دخيلللللجججججج كوووووومي لاتعوفيني انتي همين لاااااااااااااااااا كووووومي ...

,,,,,,,,,,,,,,,,,,,,

-منو صمد وشنو علاقته بلبوه ؟
-ولويش تكله مريض ؟ وصدوك هوه مريض لو بس كلام حتى تستفزه !!!!!
- وياترى لبوه حتكون اله وحيوفي بكلمته وتصير لبوة صمد ؟لو للقدر رأئي اخر !!
- وساهر ولمار شنو حيكون دورهم بقصتي ؟
وياترى حيكونون ابطال همينه لو مجرد اشخاص عابري سبيل في احداث القصه ,,,

بنات هاي قصتي الجديده وهذول ابطالها
صراحه معرف شوكت ابدي انزلها بس الاعرفه اني متتتتتحمسسسه كووووومه الها
وانشالله حبدي اكتبها بس اكمل كتابه غربه روح ...
على العموم بقوها محفوظه عدكم محتخسرون شي ...
وصح احب اذكركم ان قصصي كولها خياليه لا ابطالها ولا احداثها صايره بارض الواقع ان جان ..

قصه برمشة عين
او
قصه غربة روح
ولا حتى
لبوة صمد

كلهن من وحي خيالي !!!!!!

ونشالله التنزيل حيكون حسب وقت فراغي
يعني اني مملتزمه بوقت محدد لحتى انزل بيه ...
تردون اتابعون هلا وميه هلا بيكم هذا الشي يسعدني ويفرحني وطبعا تابعو وصوتو وعلقو لا تصيرون مثل اصنام قريش 😒

واذا متردون تابعون فهذا الشي راجع الكم اني من اكتب ما ادور عدد متابعات او شهره اني اكتب لنفسي لتسليه نفسي وقتل الروتين بحياتي واملاء وقت فراغي يعني بسسسسس
من يصير عندي وقت فراغ اكتب بيه مو يوميه ..

واحب اكول يممممه فديت كل اللي يصوتون ويعلقون وينطوني ارائهم بقصصي
تفداكم نبأ .. يابعد العمر وصاحبته 😘😘😘

والى اصنام قريش اكلكم 😒
بله شتحسون من تدخلون لقصه وتقرون بدون متعلقون ولا تصوتون هااااااا كووولو شتحسوب بله ...
صوتو بابا صوووووتووووووو مو صعبه والله هيه نجمه اضغط عليها وكلمه تشجيعيه اكتبها وخلاص ابوك الله يرحمه ...
طبعا هذا الحجي مو بس الي لا لهوايه بنات يكتبون وقصصهن حلوه وتستحق التصويت بس مع الاسف من تشوف المشاهدات تكول ماشالله ومن تباوع ع التصويت رائسن تعقج وجهك تصير مثل هذا 👈😟 ايي ليش المشاهدات بالالف والتصويت ميتجاوز الميه مادري اووف 😤 .....

المهم ,,,,,,

صوتولي حبابين 😊 ونطوني افكار من عدكم لان مثل مكلت القصه خياليه لهذا اريد مساعدتكم اريد اطلع الابداع المظموم بداخلكم وادري بيكم ..
ملياااانين ابداع مليااااانين 😁

وهاااي هيه 😌

يلا جاااااوو

Nabá baqer