لَبّوْة صمد

البارت ١٥

#لبوة _صمد

#Nabà _baqer

البارت الخامس عشر .........❤❤❤

•••••••••••••••••••••••••••

اول الغيث قطره وهاي القطره جانت طلب صمد تعجيل الخطبه بينه وبين لبوه ....

وهنااا جانت صاعقه بالنسبه للبوه اللي جانت رايحه تصيحهم حتى يشربون چاي وقبل لا دوگ الباب سمعت كل كلامهم .....

صمد ...وهساا شگلت عمي لونقره الفاتحه اليوم  والخميس العقد ....

لبوه من سمعت اخر جمله بعد مگدرت تسكت فتحت الباب عليهم وبگلبهااا انولد حقد على صمد وعلى ابوهاا ....معقوله هي الهل درجه ثقيله عليه حتى يزوجهااا بدون علمهاا وحتى مكلف نفسه يسألهااا اذا جانت موافقه لو لأ ...

....الفاااااتحه انشاالله نقراااهااااا على روحك يااااجاااهل يامتخلف ...منووووگلك اصلااااااً اني قابله بيك ... لوتبقه اخر واحد بالدنيااا مااااتزوجك يااهمجي .....

ولتفتت على ابوهاا .....

ليشششش بااباا ليش هيج اني صايره حمل ولگمتي ثقل علييك حتى تزوجني لهذااااا !!!!!

صمد بقه مذهول من السانهااا وصلافتهااا شلون دخلت عليهم مثل الثور الهاايج .... وتهلهل عليهم بكلامهااا السم العايقه .... راد يسكتهااا بطريقته ويفرك حلگهااا هذا العايق ....

بس سبقه عمه وسكتهااا براشدي خلاهااا تتيبس  بمكانهااا وعيونهااا مفتوحه على وسعهااا ومتروسات دمع ....

..... عافتهم وصعدت لغرفتهااا وقفلت الباب عليهااا

وابوهاا بقه يعتذر من ابن عمهاااا ....

.....امسحهااا بوجهي يابه ... ولاتنقهر من كلامهااا ...
اضاهر هذا دلالي الزايد خربهااا ...وبدال لاتجازيني برفعة الراس ... نزلت راسي وخلت وجهي اسود گدامك .....

....صمد ماهان عليه كسرة عمه وراسه النازل من قهره وفشلته ....راح باس راس عمه ورفعه ...

....راسك مرفوع دوم ياعمي ...لاتحجي هيج ...ابنك اني وماقبل تحجي على هذا حچيك  ...واذا على لبوه اعذرهااا عمي ... حقهااا من صدمتهاااا حجت هشكل ..هسه بس تهدا تعرف غلطهااا وتندم عليه ....

....الله يبارك بيك ياأبني ... ويحفظلك شبابك ...
بقى ساكت ومرارة حلگه بانت بملامح وجه ...

....عمي اني اترخص هساااا وانشالله امرلك قبل لاألتحق حتى اعرف جوابك وجواب لبوه ....

عمه باوعله مامصدگ بعده رايدهااا كل ضنه بطل العزم بس سمع كلامهاااا ....مايدري بصمد مايهون عزمه لومو سمعته كلام ..لومطرت عليه رصاص ..ياخذهااا يعني ياخذهااا !!!!

من بعد ماطلع صمد وهو يتوعدلهااا بقلبه ....
امهااا راحت وصعدتلهااا ...رادت تفتح البااب لگته مقفول .....