لَبّوْة صمد

البارت ٤

#لَبّوة ـ صمد

#Nabà -baqer

البارت الرابع ........
...............................

فكرت اوافق بس فترة شهرين تلاثه واترك اكون لميتلي شكم فلس افتح بيه مشروع اعيش منه .........

وصدك اخذتلي كم يوم دانشت بيه فكري وبعدين وافقت و جان لازم ارجع لبغداد لان مركزهم جان هنااك ..... بس شلون ارجع واعوف ساهر وغصون لوحدهم هنااك هو مراهق وبدت تصرفاته تصير طايشه وممحسوبه وهي طفله وبنيه والوضع موأمان
حتى اعوفهم وارجع لبغداد لهذا چان لازم الگه حل  .........

والحمدلله ربي دزلي الحل اللي يريحني بدون ماافكر واتعب .....

خابرني عمي سلام اللي طلع للاردن بس سقطت بغداد وبعد مرجع واحناا هم مسألنه عليه ونقطعت الاخبار بينااا ...خابرني وكلي تعال هنااا عيش احسن وائمن الك ولخوانك لان انتو البقيتو من ريحة ابوكم .....

كتله اني ماأكدر لان عندي شغل بس راح ادز ساهر وغصون وكل شهر اجي اشوفهم وانطيهم مصرف .....

مكال شي الرجال بالعكس كيف وراح أجر شقه مقابيلهم وفتحها على شقتهم  و وسع بيته حتى يكفي للكل .....

واني هم جنت ظام شكم فلس للعوزه واجه وقتهم حطيتهم بيد ساهر واخذتهم للاردن أمنت عليهم ورجعت وستلمت شغلي .....

وأول مرحت منااا ودوني لسجن ابو غريب

سجن ابو غريب او مايعرف بسجن بغداد المركزي  بوقتنا الحالي يقع بالقرب من مدينة ابوغريب

غرب بغداد يبعد لمساحه ٣٢كلم وهو سجن تم بنائه من قبل متعهد بريطاني في خمسينات  القرن الماضي على مساحة ١.١٥كلم مربع ليضم ٢٤ابراج امنيه وفي عام ٢٠٠٢قامت حكومة صدام بزيادة عدد اقسامه وفي عام ٢٠٠٣ استلم من قبل الشرطه العسكريه الامريكيه واصبح المركز الاول للسجن او السجن الرئيسي  في بغداد .....

هاي معلومات صحيحه لسجن ابوغريب .....

ودوني هناك وصرت المترجم التابع لرئيس اركان بالشرطه الامريكيه .......

ومنااا جانت اخر وكفه الي واكبرر سبب بقساوة قلبي وظلامه .....

بسبب اللي شفته وعشته من تعذيب واغتصاب بابشع الطرق للسجناء .... ماعدا المعامله اللي جانت يتعاملونهاا ويه العراقين

اللي الحيوان مجان يقبل على نفسه يتعاملهااا

جنااا يوميه نفزز على اصوات الشباب وهي تنصعق بالكهرباء او يتجرب بيهم ابشع انواع الاغتصاب بحجة ان همه مقااومه مخربه

تابعه لصدام ..... شباب بعمر الورد جانت تنتهي كدام عيونااا ومجنااا گادرين نسوي شي لان مع الاسف مجانت عدناا حكومه بوقتهاا ولا برلمان لهذا چانت السلطه بيد الامريكان يلعبون بينااا بكيفهم ويسلبون منااا حياتنه بوجه ضاحكه حقيره ابشع من وجه الخنزير ..