خطوة نحو الجحيم ( باللهجة الجزانسية )

الحلقة 17

ﺍﻟﺤﻠﻘﺔ : 17
ﺃﻭﺱ ﻳﺤﻜﻲ ﻗﻤﺖ ﻟﻘﻴﺘﻬﺎ ﺍﻟﻈﻠﻤﺔ ﺑﺎﺯ ﺭﺍﺣﺖ ﻋﻠﻴﺎ ﺭﻗﺪﺓ ... ﻗﻤﺖ ﻏﺴﻠﺖ ﻭﺟﻬﻲ ﻭ ﺧﺮﺟﺖ ﺩﺧﻠﺖ ﺍﻟﺒﻴﻮﺕ ﺍﻟﻜﻞ ﻣﻔﻤﺎﺵ .. ﻧﺰﻟﺖ ﻟﺘﺤﺖ ﺯﺍﺩﺓ ﻭﻳﻦ ﺗﻜﻮﻥ ﺗﻮﺍﺍ ﺍﻟﻌﺸﺮﺓ ﻣﺘﺎﻉ ﺍﻟﻠﻴﻞ ... ﻋﺎﺭﺿﺘﻨﻲ ﺍﻟﺒﻮﻥ
- ﺁﻧﺠﻞ ﻭﻳﻦ ؟
- ﻓﺎﻟﭙﻴﺴﻴﻦ ﻣﺴﻴﻮ
ﺑﻴﺴﻴﻴﻴﻴﻴﻴﻴﻦ ﺗﻮﺍﺍﺍﺍ
ﺧﺮﺟﺖ ﻣﺸﻴﺖ ﻟﻠﭙﻴﺴﻴﻦ ... ﻭﻗﻔﺖ ﺟﻤﺪﺕ ﻓﺒﻼﺻﺘﻲ ... ﻣﻦ ﺍﻛﺎ ﺍﻟﻤﻨﻈﺮ ... ﺗﻲ ﭘﻴﻜﻴﻨﻲ ﺿﺮﺑﺔ ﻭﺣﺪﺓ ... ﻧﺎﻗﺺ ﻛﺎﻥ ﻣﻨﻈﺮ ﺍﻛﺎ ﻧﺼﺎﺹ ﺍﻟﻠﻴﻞ ... ﺧﺮﺟﺖ ﺭﺍﺳﻬﺎ ﻏﺰﺭﺗﻠﻲ ....
ﺍﻟﻴﻒ؛ ﺻﺤﺎ ﻧﻮﻡ
ﺃﻭﺱ؛ ﺗﻌﻮﻡ ﺗﻮﺍ ﻳﺎﺧﻲ !!
ﺍﻟﻴﻒ؛ ﻣﻤﻤﻢ ﻭﺵ ﻓﺎﻫﺎ ﺍﻟﻤﺎ ﺩﺍﻓﻲ ﺻﻴﻒ ﺭﺍﻫﻮ
ﺃﻭﺱ؛ ﺑﺎﻫﻲ
ﺍﻟﻴﻒ؛ ﺷﻨﻮﺓ ﺑﺮﻧﺎﻣﺠﻨﺎ ﻫﻮﻧﻲ ؟
ﺃﻭﺱ؛ ﻛﻲ ﺗﻜﻤﻞ ﻧﺤﻜﻴﻮ
ﺍﻟﻴﻒ؛ ﻻﺑﺎﺵ ﻧﺨﺮﺝ ﺭﺍﻧﻲ
ﺃﻭﺱ ﻳﺤﻜﻲ :
ﺗﺤﻜﻲ ﻣﻌﺎﻳﺎ ﻭ ﺗﻠﻌﺐ ﺑﺸﻌﺮﻫﺎ ﻭ ﻳﺪﻫﺎ ﻟﺨﺮﻯ ﺗﺘﺤﺮﻙ ﺑﺎﻫﺎ ﻓﺎﻟﻤﺎ .... ﻭﺻﻠﺘﻨﻲ ﻟﻠﺘﻮﺏ ﺍﻟﻔﺮﺣﺔ ﺑﻼ ﻣﺎ ﺗﺤﺲ ... ﺟﻴﺖ ﺷﻨﻤﺸﻲ ﺳﻘﺴﺎﺗﻨﻲ ﻋﻠﻰ ﺍﻟﺒﺮﻧﺎﻣﺞ ﻣﺘﺎﻉ ﻏﺪﻭﺓ ... ﺟﺎﺕ ﺷﺘﺨﺮﺝ ﻣﻦ ﺍﻟﺒﻴﺴﻴﻦ ﻣﺪﻳﺘﻠﻬﺎ ﻳﺪﻱ ﻃﻠﻌﺖ ﺍﻟﺪﺭﻭﺝ ﻣﺘﺎﻋﻮ
ﺍﻟﻴﻒ؛ ﻳﻌﻴﺸﻚ
ﻃﺒﺴﺖ ﻫﺰﻳﺖ ﺍﻟﺠﻴﺐ ﺍﻟﻔﻮﻗﺎﻧﻲ ﻣﺘﺎﻉ ﺍﻟﺒﻴﻜﻴﻨﻲ ﺭﺑﻄﺘﻮ ﻋﻠﻰ ﺧﺼﺮﻱ ... ﺑﺎﻗﻲ ﻳﻐﺰﺭﻟﻲ ﻛﺎﻧﻮﺍ ﺃﺛﺮﺕ ﻓﻴﻪ ﻫﻬﻬﻪ ... ﺧﻠﻲ ﻳﺘﻌﺬﺏ ﺷﻮﻱ ... ﺗﻠﻔﺘﺖ ﻟﻴﻪ ...
-- ﻭ ﺗﻮﺍ ﻧﺤﻜﻴﻮ ﺍﻳﺠﺎ ﻫﻮﻧﻲ
ﺃﻭﺱ؛ ﺑﺎﻫﻲ
ﺗﻜﺎﺕ ﻋﻠﻰ ﺍﻟﻜﺮﺳﻲ ﻣﺘﺎﻉ ﺍﻟﺒﻴﺴﻴﻦ ﻭ ﺃﻧﺎ ﻗﻌﺪﺕ ﻓﺎﻟﻜﺮﺳﻲ ﻟﻲ ﻗﺪﺍﻣﻬﺎ ﻧﻐﺰﺭﻟﻬﺎ ..
ﺍﻟﻴﻒ؛ ﻫﻴﺎ ﺷﺒﻴﻚ ﺳﺎﻛﺖ
ﻗﻤﺖ ﺑﺎﻗﻴﺔ ﻣﻘﺎﺑﻠﺘﻮ ﻧﻐﺰﺭﻟﻮ
ﺃﻭﺱ؛ ﺍﻟﻴﻒ ﻏﺪﻭﺓ ﻧﺤﻜﻴﻮ ﺑﻮﻧﻮﻱ
ﻗﻤﺖ ﻣﺸﻴﺖ ... ﻧﻌﺮﻑ ﻛﻮﻥ ﻧﺰﻳﺪ ﺩﻗﻴﻘﺔ ﻧﻐﻠﻂ ﻣﻌﺎﻫﺎ ... ﻭ ﻣﻨﺤﺒﺶ ﺍﻛﺎ ﺍﻟﺸﻲ ﻳﺼﻴﺮ ... ﺧﺎﺻﺔ ﺍﻧﻮ ﺍﻟﺒﻨﺎﺕ ﻋﻨﺪﻱ ... ﻋڨﺐ ﻭﻗﻴﺖ ﻭ ﺑﺮﺍ ... ﻫﻲ ﺑﺎﻟﺬﺍﺕ ﻣﻨﺤﺒﺶ ﻧﻐﻠﻂ ﻭ ﻧﻘﺪﻣﻠﻬﺎ .... ﻓﻤﺎ ﺧﺪﻣﺔ ﺑﻴﻨﺎﺗﻨﺎ ﻛﻬﻮ ... ﻭﻗﺖ ﺗﺤﻤﺎﺕ ﺑﻴﺎ ﻣﻨﺠﻤﺶ ﻧﺨﺬﻟﻬﺎ ... ﺧﺎﺻﺔ ﻭﺍﻧﻲ ﻣﺰﻟﺖ ﻧﺤﺐ ﺳﻴﺮﻳﻦ ... ﺩﺧﻠﺖ ﻟﻠﺪﻭﺵ ﺑﻼﻛﺸﻲ ﻧﺒﺮﺩ ﻭ ﻧﺤﻲ ﺍﻛﺎ ﺍﻷﻓﻜﺎﺭ ﻣﻦ ﺭﺍﺳﻲ ....
ﺍﻟﻴﻒ ﺗﺤﻜﻲ :
ﻧﻐﺰﺭ ﻟﻠﻨﺠﻮﻡ ... ﻧﺤﺐ ﻧﻮﺻﻞ ﻟﻴﻪ ﺑﺰﺭﺑﺔ ... ﻏﻠﺒﺖ ﻣﻦ ﺍﻟﺘﺨﻤﺎﻡ ﻋﻼﺵ ﺑﺮﻙ ... ﻗﺘﻠﻬﻢ ... ﺷﻤﺪﺧﻠﻬﻢ ﻫﻮﻣﺎ ﻓﻲ ﻋﺎﻟﻢ ﺍﻟﻤﺎﻓﻴﺎ ... ﻋﻼﺵ ... ﻧﺰﻟﺖ ﺩﻣﻌﺔ ﺳﺨﻮﻧﺔ ﻭﻗﺖ ﺗﻔﻜﺮﺕ ﺍﻣﻲ ... ﻃﻠﻌﺖ ﻧﺮﻗﺪ ... ﺑﺎﺯ ﻏﺪﻭﺓ ﺳﻜﻮﻥ ﻧﻬﺎﺭ ﻃﻮﻳﻞ ...
__________________
# ﻳﺴﺮﻯ _ ﺃﻣﺠﻮﺝ
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ