خطوة نحو الجحيم ( باللهجة الجزانسية )

الحلقة 38

ﺍﻟﺤﻠﻘﺔ : 38
ﺍﻟﻴﻒ ﺗﺤﻜﻲ :
ﺿﺮﺏ ﺿﻮ ﻓﻲ ﻋﻴﻨﻲ ﻫﺰﻳﺖ ﺭﺍﺳﻲ ... ﺗﻔﻜﺮﺕ ﻟﻲ ﺿﺎﺭ ... ﺗﻠﻔﺘﺖ ﻏﺰﺭﺗﻠﻮﺍ ﺭﺍﻗﺪ ... ﺷﻌﺮﻭ ﺩﺍﺧﻞ ﺑﻌﻀﻮ ... ﻟﻴﻮﻡ ﺑﺎﺵ ﻳﺨﺮﺝ ﻣﻦ ﺍﻟﻜﻠﻴﻨﻴﻚ ﺗﻘﻌﺪﺕ ﻣﻦ ﺑﻼﺻﺘﻲ ... ﺭﺣﺖ ﻟﻠﺘﺎﻗﺔ ... ﺑﺮﺷﺎ ﺣﻮﺍﻳﺞ ﺻﺮﺍﻭ ﺣﺘﻰ ﻟﺘﻮﺍ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻓﻮﻕ ﺍﻟﺠﺮﺡ ﻣﺘﺎﻉ ﺍﻟﻌﻤﻠﻴﺔ . .. ﺗﺒﺴﻤﺖ ﻭ ﻏﺰﺭﺕ ﻟﻠﺸﻤﺲ ﻟﻲ ﺑﺎﺵ ﺗﺸﺮﻕ ... ﺟﺎ ﻓﻲ ﺑﺎﻟﻲ ﺍﻛﺎ ﺍﻟﺤﻠﻢ ... ﻟﻲ ﻳﺤﻜﻲ ﻋﻠﻰ ﺍﻟﺼﺢ ... ﺧﺎﺗﺮ ﻓﻠﺨﺮ ﻫﻮ ﻳﺤﺐ ﺳﻴﺮﻳﻦ ... ﻭ ﻛﺎﻥ ﻧﺠﻢ ﻳﺤﺐ ﻫﺎﻭ ﺣﺐ ﺳﻴﻼ .. 3 ﺳﻨﻴﻦ ﺗﻌﺪﺍﻭ ﻋﻠﻰ ﻣﻮﺗﻬﺎ ... ﻭ ﻣﺰﺍﻝ ﻳﺤﺒﻬﺎ .. ﺑﺼﺤﺘﻬﺎ ﻋﻨﺪﻫﺎ ﻭﺍﺣﺪ ﺍﻛﺎ ... ﻗﺺ ﻋﻠﻴﺎ ﺳﺮﺣﺘﻲ ﻛﻲ ﻟﻒ ﻳﺪﻳﻪ ﻋﻠﻰ ﻭﺳﻄﻲ ... ﺗﺒﺴﻤﺖ ..
ﺃﻭﺱ؛ ﺑﻮﻧﺠﻮﺭ
ﺍﻟﻴﻒ؛ ﺑﻮﻧﺠﻮﺭ ﺻﺎﻓﺎ _ ؟
ﺃﻭﺱ؛ ﺣﻤﺪ ﺍﻟﻠﻪ ﻭ ﺍﻧﺘﻲ ؟
ﺍﻟﻴﻒ؛ ﻣﻠﻴﺤﺔ ﺣﻤﺪ ﺍﻟﻠﻪ
ﺃﻭﺱ؛ ﻣﻦ ﻭﻗﺘﺎﺵ ﻓﺎﻳﻘﺔ ﺍﻧﺘﻲ؟
ﺍﻟﻴﻒ؛ ﻣﻮﺵ ﺑﺮﺷﺎ
ﺟﻴﺖ ﻧﺠﺒﺪ ﺭﻭﺣﻲ ﻣﻨﻮ ﻛﺒﺲ ﻋﻠﻴﺎ ﻓﻮﻕ ﺍﻟﺠﺮﺡ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭ ﻓﺘﺤﺘﻬﻢ ... ﻭﺟﻌﻨﻲ .... ﺭﺟﻒ
ﺕ ﺑﻴﻦ ﻳﺪﻳﻪ ....
ﺃﻭﺱ؛ ﺷﺒﻴﻚ ؟
ﺍﻟﻴﻒ؛ ﺷﻲ ﻧﺠﻴﺒﻠﻚ ﻓﻄﻮﺭ ﺗﻮﺍ
ﻃﻠﻘﻨﻲ ﺗﻠﻔﺘﺖ ﻏﺰﺭﺗﻠﻮﺍ ... ﻏﺰﺭﻟﻲ ﻧﺪﺭﺍ ﻛﻴﻒ ... ﺗﺒﺴﻤﺘﻠﻮﺍ ﺗﺒﺴﻴﻤﺔ ﺧﻔﻴﻔﺔ ﻫﺰﻳﺖ ﺭﻭﺣﻲ ﻭ ﺧﺮﺟﺖ ... ﺗﻔﻜﻴﺮﻱ ﺿﺎﻳﻊ ﺑﺮﺷﺎ ...... ﻧﺰﻟﺖ ﻫﺰﻳﺖ . ﻓﻄﻮﺭﻭ ﻓﻲ ﻳﺪﻱ ﻭ ﻃﻠﻌﺖ ... ﻟﻘﻴﺘﻮﺍ ﻣﺰﺍﻝ ﻓﻲ ﻧﻔﺲ ﺍﻟﺒﻼﺻﺔ ...
- ﺍﻳﺠﺎ ﺗﻔﻄﺮ
ﺃﻭﺱ ﻳﺤﻜﻲ :
ﺗﻠﻔﺘﺖ ﻏﺰﺭﺗﻠﻬﺎ ﻭ ﺭﺣﺖ ﻗﻌﺪﺕ .... ﻏﺰﺭﺕ ﻟﻠﺴﻴﻨﻴﺔ
- ﻣﻨﺎﻛﻠﺶ ﺍﻟﻤﺎﻛﻠﺔ ﺍﻟﺼﺤﻴﺔ ﻣﺘﺎﻋﻬﻢ
ڨﺤﺮﺗﻠﻲ
ﺍﻟﻴﻒ؛ﻣﻮﺵ ﻭﻗﺖ ﺩﻻﻟﻚ ﺗﻮﺍ
ﺃﻭﺱ؛ ﺷﺒﻴﻚ ﻋﺎﻟﺼﺒﺎﺡ ﺍﻧﺘﻲ
ﺍﻟﻴﻒ؛ ﺷﻲ ﻟﻴﻮﻡ ﺑﺎﺵ ﺗﺨﺮﺝ ﺗﻮ ﻳﺠﻲ ﺍﻟﻄﺒﻴﺐ ﻳﻌﺪﻱ ﻋﻠﻴﻚ ...
ﻛﻤﻞ ﻳﻔﻄﺮ ... ﻫﺎﺯﺓ ﺍﻟﻜﺎﺱ ﻣﺘﺎﻉ ﺍﻟﺠﻲ .... ﺗﻔﻜﻴﺮﻱ ﺑﻌﻴﺪ ﺑﺮﺷﺎ .. ﺍﻛﺎ ﺍﻟﺤﻠﻢ ﺧﻼﻧﻲ ﻧﻔﻄﻦ ﻋﻠﻰ ﻭﺍﻗﻊ ﻟﻲ ﻫﻮ ﻟﻴﻬﺎ ... ﻭ ﺑﺎﺵ ﻳﺒﻘﻰ ﻟﻴﻬﺎ ﻣﻬﻤﺎ ﻋﻤﻠﺖ ... ﺟﻤﻴﻊ ﺧﻄﻮﺍﺗﻲ ﻓﺎﻟﺤﻴﺎﺓ .. ﻛﻨﺖ ﻧﺤﺴﺒﻠﻬﺎ ﺃﻣﺎ ﺧﻄﻮﺓ ﺍﻧﻲ ﻧﺤﺒﻮ .. ﺻﺮﺍﺕ ﺑﻼ ﻣﺎ ﻧﺤﺴﺒﻠﻬﺎ ... ﺗﻮﺍ ﻣﻨﻌﺮﺵ ﺷﻨﻴﺔ ﻟﻲ ﺟﺎﻱ ... ﻏﻴﺮ ﺛﻨﻴﺘﻲ ﺍﻧﻲ ﻧﺎﺧﻮ ﺣﻖ ﻋﺎﻳﻠﺘﻲ ... ﺗﻠﻔﺖ ﻏﺰﺭﺗﻠﻮﺍ ﻛﻲ ﺑﺎﻗﻲ ﻳﻐﺰﺭﻟﻲ ... ﺗﺒﺴﻤﺘﻠﻮﺍ ﺷﻄﺮ ﺗﺒﺴﻴﻤﺔ ... ﺣﻄﻴﺖ ﺍﻟﻜﺎﺱ ﻓﺎﻟﺴﻴﻨﻴﺔ ... ﻫﺰﻳﺘﻮ ﻭ ﺧﺮﺟﺖ ...
ﺃﻭﺱ ﻳﺤﻜﻲ :
ﺩﺧﻠﺖ ﻟﺤﻴﺎﺗﻲ ﺧﻠﻄﺘﻬﺎ ... ﺻﺤﻴﺢ ﻣﺰﻟﺖ ﻧﺤﺐ ﺳﻴﺮﻳﻦ ... ﻭ ﺯﺍﺩﺓ ﻣﻨﺠﻤﺶ ﻧﺴﺘﻐﻨﻰ ﻋﻼﻫﺎ .... ﻣﻨﻌﺮﺵ ﺷﺒﻴﻨﻲ ﺍﻛﺎ ... ﺍﻭﻝ ﻣﺮﺓ ﻧﺤﺘﺎﺭ ... ﺩﺧﻞ ﺍﻟﻄﺒﻴﺐ ... ﺑﺎﻗﻲ ﻳﻔﺤﺺ ﻓﻴﺎ ...
ﺍﻟﻄﺒﻴﺐ؛ ﻛﻠﺶ ﻣﻠﻴﺢ ﺗﻮﺍ ﺗﻨﺠﻢ ﺗﺨﺮﺝ ﻭ ﺭﺩ ﺑﺎﻟﻚ ﻋﻠﻰ ﺻﺤﺘﻚ
ﺃﻭﺱ؛ ﺃﻭﻛﻲ
ﺩﺧﻠﺖ ﻓﻲ ﻳﺪﻫﺎ ﺳﺎﺷﻲ ... ﻏﺰﺭﺗﻠﻬﺎ ... ﻏﺰﺭﺕ ﻟﻠﻄﺒﻴﺐ ﻣﺒﻌﺪ ﺧﺮﺝ ... ﻗﺪﻣﺖ ﺣﻄﺖ ﺍﻟﺴﺎﺷﻲ ﻋﻠﻰ ﺍﻟﺴﺮﻳﺮ ...
ﺍﻟﻴﻒ؛ ﻫﺎﻭ ﺩﺑﺸﻚ ... ﺑﺪﻝ ﻫﺎﻧﻲ ﻧﺴﺘﻨﺎ ﻓﻴﻚ ﺑﺮﺍ ... ﺓ
ﺃﻭﺱ؛ ﻣﻨﺠﻤﺶ ﻭﺣﺪﻱ
ﺍﻟﻴﻒ؛ ﻭﻗﻔﺖ ﻏﺰﺭﺗﻠﻮﺍ ﻧﺤﻜﻲ
- ﺗﻮﺍ ﻧﺨﺒﺮ ﻣﻤﺮﺽ ﻳﺠﻲ ﻳﻌﺎﻭﻧﻚ
ﺃﻭﺱ؛ ﺧﺒﺮ ﻣﻤﺮﺿﺔ ﺧﻴﺮ
ﺍﻟﻴﻒ؛ ﺑﺎﻫﻲ ﻛﻴﻒ ﻣﺎ ﺗﺤﺐ
ﺟﻴﺖ ﺷﻨﺨﺮﺝ ﺟﺒﺪﻧﻲ ﻣﻦ ﻳﺪﻱ ... ﺗﻠﻔﺖ ﻏﺰﺭﺗﻠﻮﺍ ﻣﺴﺘﻐﺮﺑﺔ ...
- ﺷﺸﻔﻤﺎ ؟
ﺃﻭﺱ؛ ﺷﺒﻴﻚ ﻟﻴﻮﻡ ؟
ﺍﻟﻴﻒ؛ ﺷﻲ ﻋﻼﺵ
ﺃﻭﺱ؛ ﻭﺟﻬﻚ ﻣﺒﺪﻝ ... ﻓﺎﺯﺍﺕ ﻣﺘﺎﻋﻚ ﻋﺎﻟﺼﺒﺎﺡ ﺍﺣﻜﻲ ﺷﺒﻴﻚ
ﺍﻟﻴﻒ؛ ﺃﻭﺱ ﻣﻔﻤﺎ ﺷﻲ
ﺣﻜﻤﻨﻲ ﻣﻦ ﻛﺘﺎﻓﻲ ... ﻭ ﻣﺸﺎ ﺑﻴﺎ ﻟﻠﺘﺎﻟﻲ ﺣﺘﻰ ﻭﺻﻞ ﻟﻠﺤﻴﻂ .. ﻫﺒﻂ ﻳﺪﻳﻪ ﻟﻮﺳﻄﻲ ﻭ ﻛﺒﺲ ﻋﻠﻴﺎ ... ﺣﺎﻭﻟﺖ ﺃﻧﻲ ﻣﻨﺒﻴﻨﺶ ﻭﺟﻴﻌﺘﻲ ﺃﻣﺎ ﺷﻲ
ﺃﻭﺱ؛ ﻣﺎ ﺗﺤﻜﻲ ﻛﺎﻥ ﻛﻲ ﻧﻌﻀﻚ ﻭ ﻻ ﻧﻜﺒﺲ ﻋﻠﻴﻚ ﻳﺎﺧﻲ ﻋﻼﺵ ﺗﺤﺐ ﺍﻟﻌﻨﻒ ﺍﻧﺘﻲ ؟؟
_______________
# ﻳﺴﺮﻯ _ ﺃﻣﺠﻮﺝ
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ