خطوة نحو الجحيم ( باللهجة الجزانسية )

الحلقة 5

ﺍﻟﺤﻠﻘﺔ 5 :
ﺑﺎﺵ ﻳﺘﺤﻤﻞ ﻭﺟﻴﻌﺘﻲ ﺍﻟﻜﺒﻴﺮﺓ ﻧﺴﻤﺔ ﺑﺎﺭﺩﺓ ﺧﻼﺗﻨﻲ ﻧﺒﺮﺩ ﺷﻮﻱ ﺑﺮﺍ ﺣﺴﻴﺖ ﺑﺎﻟﻐﻄﺎ ﻓﻮﻕ ﻇﻬﺮﻱ ﺗﻠﻔﺘﺖ ﻟﻘﻴﺘﻮ ﻗﺎﻋﺪ ﺑﺠﻨﺒﻲ
ﺃﻭﺱ؛ ﺳﺎﻓﺎ ؟
ﺍﻟﻴﻒ؛ ﺍﻣﻤﻢ
ﺃﻭﺱ؛ ﻣﻜﺶ ﻣﺠﺒﻮﺭﺓ ﺗﻌﻤﻞ ﻫﺎﺩ ﺍﻟﺸﻲ ﺗﻮ ﻧﺸﻮﻑ ﻏﻴﺮﻙ ﻧﻌﺮﻑ ﻟﻤﻮﻗﻒ ﻟﻲ ﺗﺤﻄﻴﺖ ﻓﻴﻪ ﻣﻮﺵ ﺳﺎﻫﻞ ﻭ ﺣﺎﺱ ﺑﻮﺟﻴﻌﺘﻚ
ﺍﻟﻴﻒ؛ ﻫﻬﻪ ﺣﺎﺱ ﺑﻮﺟﻴﻌﺘﻲ ﻻ ﺍﻧﺘﺎ ﻣﺘﻨﺠﻤﺶ ﺗﺤﺲ ﺑﻮﺟﻴﻌﺘﻲ ﺗﻌﺮﻑ ﺷﻨﻮﺓ ﺷﻌﻮﺭ ﺃﻧﻮ ﺗﻔﻴﻖ ﻭ ﻣﺘﻠﻘﺎﺵ ﺃﻣﻚ ﻭ ﺑﻮﻙ ﻗﺪﺍﻣﻚ ﺗﻲ ﺗﺤﺲ ﺑﻠﻲ ﺍﻟﺪﻧﻴﺎ ﻃﻴﺸﺘﻚ ﻣﺮﺓ ﻭﺣﺪﺓ ﺗﻔﻴﻖ ﻋﻠﻰ ﺻﻮﺕ ﺃﻣﻚ ﺗﻘﻮﻡ ﻓﻴﻚ ﻭ ﺗﺮﻗﺪ ﻋﻠﻰ ﺻﻮﺕ ﺑﻮﻙ ﻭﻗﺖ ﻳﺪﺧﻞ ﻳﻄﻤﻦ ﻋﻠﻴﻚ ﻣﺘﻨﺠﻤﺶ ﺗﺤﺲ ﻓﻘﺪﺍﻧﻬﻢ ﺷﻨﻮﺓ ﻳﻨﺠﻢ ﻳﻌﻤﻞ ﻣﺎ ﺍﺧﺘﺮﺗﺶ ﻧﻌﺎﻭﻧﻚ ﺍﻧﺎ ﺍﺧﺘﺮﺕ ﻧﻌﺎﻭﻥ ﺭﻭﺣﻲ ﺑﺎﺵ ﺿﻤﻴﺮﻱ ﻳﺮﺗﺎﺡ ﻭ ﻫﻮﻣﺎ ﺯﺍﺩﺓ ﻳﺮﺗﺎﺣﻮ ﻓﻘﺒﺮﻫﻢ .... ﻧﺰﻟﻮﺍ ﺩﻣﻮﻋﻲ ﻟﻴﻦ ﻭﻟﻴﺖ ﻧﺒﻜﻲ ﺑﺎﻟﺸﻬﻘﺔ ...
ﺃﻭﺱ؛ ﻳﺰﻱ ﻣﻠﺒﻜﺎ ﺗﻮﺍ
... ﻣﺮﺩﺗﺶ ﻣﻨﺠﻤﺘﺶ ﻋﻠﻰ ﺍﻟﺒﻜﺎ ﻣﺘﺎﻋﻬﺎ ﻳﻤﻜﻦ ﻓﻜﺮﺗﻨﻲ ﻓﻨﻔﺴﻲ ﻣﻠﺪﺍﺧﻞ ﺳﺎﻋﺎﺕ ﻧﺒﺪﺍﻭ ﻗﻮﻳﻴﻦ ﻣﻦ ﺑﺮﺍ ﻣﻨﺘﺄﺛﺮﻭﺵ ﺑﺸﻲ ﺃﻣﺎ ﻛﻲ ﻧﺮﺟﻌﻮ ﻭﺣﺪﻧﺎ ﻧﻔﻴﻘﻮ ﻟﻲ ﺍﺣﻨﺎ ﺿﻌﺎﻑ ﻭ ﺿﻌﺎﻑ ﺑﺮﺷﺎ ﻗﻤﺖ ﻗﻮﻣﺘﻬﺎ ﻣﻌﺎﻳﺎ ﻏﺰﺭﺍﺗﻬﺎ ﺿﺎﻳﻌﺔ ﻛﺎﻧﻬﺎ ﻣﻮﺵ ﻫﻨﺎ ﻋﻨﻘﺘﻬﺎ ﺑﺎﻗﻲ ﺗﺒﻜﻲ ﺣﻄﻴﺖ ﻳﺪﻱ ﻋﻠﻰ ﺷﻌﺮﻫﺎ ﻧﻌﺪﻱ ﻓﻴﻬﺎ
ﺍﻟﻴﻒ؛ ﺗﻌﺒﺖ
ﺃﻭﺱ؛ ﻫﻴﺎ ﺗﺮﻗﺪ
.. ﻣﺸﻴﺖ ﻣﻌﺎﻫﺎ ﺩﺧﻠﺘﻬﺎ ﻟﺒﻴﺘﻬﺎ ﺗﺴﻄﺤﺖ ﻋﺎﻟﺴﺮﻳﺮ ﻏﻄﻴﺘﻬﺎ ﻃﻔﻴﺖ ﺍﻟﻀﻮ ﻧﻄﺮﺕ ﻣﻦ ﺑﻼﺻﺘﻬﺎ
ﺍﻟﻴﻒ؛ ﺷﻌﻠﻮﻭﻭﻭﺍ ﺍﻣﺎﺍﺍﻥ
ﺃﻭﺱ؛ ﺷﻔﻤﺎ !!
ﺍﻟﻴﻒ؛ ﻣﻨﺤﺒﺶ ﺍﻟﻈﻠﻤﺔ
ﺃﻭﺱ؛ ﺑﺎﻫﻲ ﺑﺎﻫﻲ ﺍﺗﺴﻄﺢ ﺗﻮ ﻧﺸﻌﻞ ﺍﻟﻔﻴﻮﺯ ﺑﺎﻫﻲ ﻫﻜﺎ ... ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ﺷﻌﻠﺘﻮﺍ ﻭ ﺧﺮﺟﺖ ﺭﺣﺖ ﻟﺒﻴﺘﻲ ﻧﺨﻤﻢ ﻓﻠﻲ ﺟﺎﻱ ﻣﻠﻴﻮﻡ ﺑﺎﺵ ﻧﺒﺪﺍ ﺍﻭﻝ ﺧﻄﻮﺓ ﻣﻌﺎﻫﺎ ﻭﺟﻴﻌﺘﻬﺎ ﺑﺎﺵ ﺩﻣﺮ ﻛﻠﺸﻲ ﻭ ﻭﺟﻴﻌﺘﻲ ﺯﺍﺩﺓ ...
ﺍﻟﻴﻒ؛ .. ﻓﻘﺖ ﺍﻟﺼﺒﺎﺡ ﻋﻴﻨﻴﺎ ﻳﻮﺟﻌﻮ ﻣﻦ ﻟﺒﻜﺎ ﻭ ﻣﻨﻔﻮﺧﻴﻦ ﺯﺍﺩﺓ ﺩﺧﻠﺖ ﻟﺒﻴﺖ ﺍﻟﺒﺎﻧﻮ ﺧﺬﻳﺖ ﺩﻭﺵ ﺗﻔﺮﻫﺪﺕ ﺑﻴﻪ ﻣﻠﻴﻮﻡ ﺭﺣﻠﺔ ﺍﻧﺘﻘﺎﻣﻲ ﺑﺎﺵ ﺗﺒﺪﺍ ﻟﺒﺴﺖ ﺍﻟﮕﺎﭖ ﺧﺮﺟﺖ ﺷﻌﺮﻱ ﻣﻦ ﺗﺤﺘﻮ ﻭ ﺧﺮﺟﺖ ﺗﻲ ﻧﺴﻴﺖ ﺍﻧﻮﺍ ﺩﺑﺸﻲ ﻣﻔﻤﺎﺵ ﻫﻮﻧﻲ ﻭ ﺍﻟﺨﺰﺍﻧﺔ ﻓﺎﺭﻏﺔ ﻣﻔﻤﺎﺵ ﺣﻞ ﻏﻴﺮ ﻧﺮﻭﺡ ﻋﻨﺪﻭ ﺧﺮﺟﺖ ﺟﻴﺖ ﺑﺎﺵ ﻧﺪﻕ ﻟﻘﻴﺘﻮ ﺣﻠﻮ ﺑﺎﺵ ﻳﺨﺮﺝ ﺟﺎﺕ ﻳﺪﻱ ﻋﻠﻰ ﺳﺪﺭﻭ
ﺃﻭﺱ؛ ... ﻏﺰﺭﺗﻠﻬﺎ ﻣﻠﻔﻮﻕ ﻟﺘﺤﺖ ﻣﺎﻻ ﻣﻨﻈﺮ ﻋﺎﺍﺻﺒﺎﺡ .. ﺑﻮﻧﺠﻮﺭ
ﺍﻟﻴﻒ؛ ﺑﻮﻧﺠﻮﺭ ﺟﻴﺖ ﺷﻨﻘﻠﻚ ﻟﻲ ﺩﺑﺸﻲ ﻣﻮﺵ ﻫﻮﻧﻲ ﺗﻨﺠﻢ ﺗﻌﻄﻴﻨﻲ ﺗﺮﻳﻜﻮ ﻭﻻ ﺷﻮﻣﻴﺰ ﻧﺪﺑﺮ ﺭﻭﺣﻲ
ﺃﻭﺱ؛ ﺍﻣﻤﻢ ﺑﺎﻫﻲ ﺑﺎﻫﻲ ﻫﻮﻛﺎ ﺍﻟﺨﺰﺍﻧﺔ ﺍﺟﺒﺪ ﻟﻲ ﺗﺤﺐ ﻫﺎﻧﻲ ﻟﻮﻃﺔ
ﺍﻟﻴﻒ؛ ﻣﺮﺳﻲ ... ﺗﻲ ﺷﺒﻴﻪ ﻣﺰﺭﻭﺏ ﻋﺎﻟﺼﺒﺎﺡ ﺍﻛﺎ ﺍﻓﻒ ﺷﺪﺧﻠﻨﻲ ﻓﻴﻪ ﺍﻟﻤﻬﻢ ﻧﻠﻘﺎ ﺷﻲ ﻧﻠﺒﺴﻮﺍ ﺣﻠﻴﺖ ﺍﻟﺨﺰﺍﻧﺔ ﺗﻲ ﻣﻌﻤﺮﺓ ﻗﺶ ﻭ ﻫﻮ ﻋﺎﻟﻌﺎﻡ ﻣﻮﺵ ﻻﺑﺲ ﻣﻠﻔﻮﻕ ﻋﺎﻣﻠﻲ ﻓﻴﻬﺎ ﺍﺳﺘﻌﺮﺍﺽ ﻋﻀﻼﺕ ﺗﻲ ﺷﻤﺪﺧﻠﻨﻲ ﻓﻴﻪ ﺍﻭﻓﻒ ﻟﺴﺎﻧﻲ ﻫﺰﻳﺖ ﺗﺮﻳﻜﻮ ﺑﻴﺾ ﺷﻮﻱ ﻃﻮﻳﻞ ﻭ ﻋﺮﻳﺾ ﻟﺒﺴﺘﻮﺍ ﺟﺎﻧﻲ ﻓﻮﻕ ﺍﻟﺮﻛﺒﺔ ﺷﻮﻱ ﺟﻴﺖ ﺧﺎﺭﺟﺔ ﻋﺎﺭﺿﺘﻨﻲ ﻓﻮﻃﻮ ﻣﺘﺎﻉ ﻭﺣﺪﺓ ﻣﺮﺳﻮﻣﺔ ﻋﺎﻟﺤﻴﻂ ﺍﻟﻜﻞ ﺑﻨﻴﺔ ﻣﺎﺣﻼﻫﺎ ﺗﻌﻤﻞ ﻓﺎﻝ 22 ﺍﻛﺎﻙ ﺷﻌﺮﻫﺎ ﻣﺎﻏﻮﻥ ﻭ ﻋﻴﻨﻴﻬﺎ ﺧﻀﺮ ﺑﻴﻀﺎ ﺷﻔﺎﻳﻔﻬﺎ ﺻﻐﺎﺭ
----------------------------
ﺗﻔﺎﻋﻠﻮﻭﻭﺍ
# ﻳﺴﺮﻯ _ ﺃﻣﺠﻮﺝ
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ