خطوة نحو الجحيم ( باللهجة الجزانسية )

الحلقة 1

بونصواغ عليكم الكل 😘😘...
بعد كرونيك #حين_جمعتنا_باريس 🗼و  #اغتصبني_ليلة_زواجنا 😨💘لي دارت حالة وليت بكرونيك😍  #خطوة_نحو_الجحيم مختلفة برشا على النوع لي نكتبوا 😮 وين باش ندخل أنا و انتوا لعالم المافيا 😱🔫🔪🔫💣نعرف قداش تحبوه ❤ باش نخليكم تعيشوا الكرونيك كانكم انتو أبطالها 😌 باش نتعمقوا فعالمهم وين فما
كره ..خيانة 👥... حقد😒 ... اغتصاب😭😭 ... مخدرات 💊💉..أرواح😞 ....وحب ❤❤
من توا نقولكم لي لكرونيك في طور الكتابة يعني على قد ما نكتب نحط ... نتمنى لي التفاعل يكون مليح .. و بلا كملي هاديك الماسطة تقدري تخلي كلمة حلوة و لا توقعك شباش يصير   أما بلاش كملي هاديك نتمنى تعجبكم
لي تحب تنقل تحط اسمي كهو نوكل عليها ربي لي تحطها تحت اسمها علا خاتر صراتلي من قبل فالكرونيكات لولين
باز كثرت الهدرة 😷😂 هيا بينولي قداش من وحدة شتبع كرونيكتي نلقا تفاعلكم نبدا نزل 😘😇
الكاتبة #يسرى_أمجوج ❤
الحلقة 1 :
-مدموزال اجتماعك على 10 باش يجي متعاقد جديد تنظميلوا حفل الزفاف متاعو و زادة فما اجتماع على 12 باش تتحاسبي مع الوكالة متاع الديكور و...
-باهي باهي توا جيبيلي كاس نيسكافي يكون مدوزي باش نصحصح شوي
-أمرك مدموزال اليف
حطيت راسي على البيرو الفترة هادي فما برشا خدمة وقت الصيف متاع عراس وين يطلع الدخل متاع الشركة أما متوقعتش العام هادا باش يكون الضغط هاكا نذكر اول ما فتحت الشركة كنت نحكم عروض صغيرة متاع عراس متوسطة اما دوكا عراس متاع ولاد الوزراء الممثلين و اصحاب الطبقات الراقية وين يلزم يكون كلش كيما يقولو هوما parfait 
- تفضل مدموزال القهوة متاعك
-مرسي لينة جيبلي الدوسيات متاع العرس تاع أوس بن عبد المالك
-ايه تفكرت اتصلوا البارح و اكدوا أنو يكون التوليپ حاضر
-هه من حقهم يتشرطو الواحد يعرس مرة كهو
- باش نجيبلك الدوسيات
فات نهار الكل خدمة جيب ادي خطط وصي على طلبية غدوة نهار مهم برشا شهر و انا نحضرلوا العرس هادا وميلزمش تكون فما غلطة روحت للدار على 20 تاعبة  علخر طيشت المفاتح عل الكوافوز خذيت دوش نحيت بيه تعب اليوم درت سندويش خفيف كليتوا و تكيت في بلاصتي غطست فالنوم مكملتش نومتي نوقز تيليفوني
-اففففف مالا حالة تي النومة منتهناوش باها ياخي 😕 آلوو
-مدموزال ديزولي نعرف قلقتك اما فما مشكل
-شنوة زادة موش تأكدت من كلش اليوم
- وي أما طلبية ورد التوليپ موصلتش حتى لدوكا ر ركبنا الديكور الكل كان هي
- تييي ماو موش اول مرة نطلبوه شنية صار المرة هادي
- قالو لي مفماش توليپ صفر باش يسغرقو يومين يجيبوه من فرنسا
- افففف مالا وحلة نص ليل باهي علق توا نشوف شنجم نعمل
علقت عليه كشاكشي طالعة موش وقتو جملة كيف هكا اما الغلطة في صحاب العرس كان لازم يدومنديو طلبهم قبل قمت لبست خلعة بروتال فلكحل مع جينز و اديداس بيض فرجلي شعري مسيب تي مزال مبلل من الدوش هزيت تيليفون مفاتحي وخرجت ديراكسيون قصر بن عبد المالك نحل المشكل قبل العرس لازم حل وسط نص ساعة كنت فما صونيت حل العساس ماو صار يعرفني دخلت للصالة متاعهم البون خبرتني لي هوما مفماش اما اوس فالقصر و باش ينزل بقيت نص ساعة نستنا أكثر شي نفد منو أني نستنا حد وقفت جيت باش نمشي وقفني صوتو من التالي
-شنوة قلقت و نتي تستنا
تلفت نشوف معاه لابس شورت كهو مالا بدن مخدوم شعرو للتالي لحية محجمة و معدولة كتر على حياتي تي بقلاوة تركية..