في نص الليل في منطقة شعبية في القاهرة في واحدة من العمارات المتهالكة ندخل فيها نلاقي واحدة كبيرة في السن بتصوت و نازلة جري ع السلم وصلت لآخر الشارع كان في فيله كبيرةرنت الجرس و دموعها زي المطر على وشها
فتح الباب شاب عنده ٣٠ سنة و وراه مراته بعد ما صحيت من النوم مفزوعة
هي ،، أمانة عليك يا دكتور آدم بنتي بتموت اللي ما يتسمى ضربها لما عدمها العافية عشان ياخد منها فلوس الدوا و طبت ساكتة،،
آدم ،، اهدي بس يا ست أمينة بس انتِ عارفة إن حالة بنتك مش تخصصي دي محتاجة دكتور قلب يا حاجة ،،
امينة بانهيار ،، ابوس ايدك يابني هاديك اللي انت عاوزه خد خد الغويشة دي و الحلق كمان ،،
قالتها و هي بتقلع الغويشة اللي في ايديها و حلقها
آدم ،، اهدي يا حاجة خلي حاجاتك معاكي مريم هاتي كوباية ماية ،،
مريم ،، حاضر طب يا ادم ما تكلم مالك هو دكتور قلب صح ،،
آدم ،، صح خلاص يا حاجة اطمني أنا هاكلملك ابن خالتي و هييجي على طول خليكي انتِ جنب بنتك و أنا هجيبه و اجي ،،
امينة ،، ربنا يخليك يا بني و يرزقك الذرية الصالحة قادر يا كريم ،،
آدم ،، آمين يا حاجة آمين ،،
رجعت هي بيتها بخطوات أشبه بالجري علشان تلحق بنتها اللي بتموت و هي بتدعي ع اللي كان السبب دخلت شقتها و بعدها اوضة بنتها المرمية في الأرض و حاولت ترفعها على السرير و قدرت ترفعها بعد كام محاولة و لمت الحاجات اللي في الأوضة و بعدها بفترة الجرس رن جريت ع الباب
و فتحته لقت آدم و معاه شاب عنده حوالي ٢٦ سنة
أمينة ،، اتفضل يا بني اتفضل الأوضة اهيه ،،
دخل آدم و مالك و بعدها اتوجهوا للأوضة و أول لما مالك دخل بدأ يكشف على البنت و بعد فترة
مالك ،، بصي يا حاجة أنا مش هاكدب عليكي و اقولك ان هي كويسة بنت حضرتك محتاجة عملية و محتاجة تتنقل مستشفى قلبها مش هيستحمل كتير و كمان شكلها مش بتاخد دوا للقلب من فترة
طويلة و كمان اتعرضت لضرب وحشي و ده أثر عليها خدي دي علبة دوا للقلب و لما تخلص هاتي زيها و حاولوا تنقلوها مستشفى بأسرع ما يمكن ،،
امينة بهم ،، تسلم يا بني ربنا يوفقك و يوقفلك ولاد الحلال يا رب ،،
أنت تقرأ
عشق بلون الذهب
Romanceماله اسمي عسل زيي بالظبط لأ اسمك رخم اهو انت اللي رخم و ستين رخم كمان انجر يلا انجر اتلمي يا ماما انتي ماتعرفيش أنا مين هه ميشرفنيش Covered by: @fminsuga16
