مالك كان متعصب جدا و ماسك ايد دهب جامد و شاددها وراه و هي منهارة و بتحاول تجري عشان تلحقه وصلوا تحت الشركة و فتح باب العربية و زقها بالعافية جواها و لف ركب من الناحية التانية و كان سايق بأقصى سرعة
دهب بخوف ،، مالك اهدى شوية بالله عليك ،،
مالك ببرود ،، مش عايز اسمع صوتك ،،
دهب ،، مالك ،،
مالك بغضب ،، أنا قولت مش عايز اسمع صوتك ،،
دهب سكتت بخوف منه
وصلوا القصر و مالك شدها من ايديها و طلع بيها الأوضة
مالك بغضب ،، انت مش مسموحلك تطلعي من البيت ده تاني فاهمة ،،
دهب ،، لأ مش فاهمة يا مالك و أنا اعمل اللي انا عايزاه و أنا عند كلمتي لو ماشتغلتش عندك هاشتغل عند غير أنا مش واخدة الشهادة اعلقها ع الحيط فاهم ،،
مالك ،، انتي اتجننتي يا دهب انتي عايزة كلب ولا يسوى زي ده و أمثاله يبصولك ،،
دهب ،، مالك انت ملاحظ انك زودتها شوية انت هتحبسني في المكتب معاك و مش هاشوف حد غيرك انت متملك و أناني يا مالك و أنا مش موافقة ع اللي بيحصل ده ،،
لف ايديه على وسطها و قال بزعيق ،، ايوة أنا متملك و أناني كمان بس في حاجة واحدة بس في حبك يا دهب أنا ممكن اطير رقاب لمجرد غيرتي عشان كدة بحذرك لآخر مرة كله إلا غيرتي يا دهب كله إلا غيرتي ،،
سابها و دخل اوضة الهدوم و هي وقفت مكانها و بعدين قررت تروح لمروان و مراد
دخلت اوضتهم و كانت وردة و أمينة قاعدين بيهم
دهب ،، حبايبي ،،
وردة ،، تعالي لعيالك بيعيطوا من الصبح ،،
دهب ،، حبايب ماما بيعيطوا ليه ،،
قربت منها وأخدت مراد ترضعه و مروان بصلها كده
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
