مالك و أيمن و عبدالله و حبيبة و ملك و ندى كانوا قاعدين في صالون القصر
أيمن ،، أنا مش فاهم حاجة ايه اللي يخلي دهب تفقد الذاكرة ،،
عبدالله ،، مش عارف ،،
مالك كان قاعد باصص اودامه بشرود و مش مشارك معاهم في الحوار
عبدالله ،، مالك انت كويس ،،
ماردش عليه و الكل انتبه إن مالك من ساعة ما نزل من جناحهم ساكت
FLASH BACK
الدكتور ،، للأسف المدام عندها فقدان ذاكرة مؤقت ،،
مالك بصله بعصبية و قام وقف و مسكه من رقبته و رفعه ع الجدار
مالك بعصبية و عنيه بقا لونها أسود و عروق جسمه برزت
مالك ،، انت اتجننت أنا هاقتلك ازاي ده يحصل و انت لازمتك اييه أنا هاقتلك و هاشرب من دمك ،،
صوته طلع جهوري و عالي عمل رجة في المستشفى كلها و عنيه كانت بتطلع نار و وش الراجل اللي كان في ايده بدأ يبقى أزرق و بقا مش قادر ياخد نفسه
و من ناحية تانية أدهم و أيمن بيحاولوا يشدوه و عبدالله و عبد الرحمن بيحاولوا يفكوا ايديه من على رقبة الراجل بس كل ده ما أثرش فيه ولا حركه و لو مللي واحد كأنه آلة مهمتها القتل ما أثرش فيه غير صوت زعيقها و عياطها من الأوضة بتاعتها
ساب الراجل يقع ع الأرض و اتوجه ناحية باب الأوضة بتاعتها بس لف للدكتور اللي واقع ع الأرض بياخد نفسه بصعوبة
مالك بغضب ،، لو لمحت ضلك في مكان يبقى تتشاهد على روحك ،،
الدكتور وقف بفزع و جري برا المستشفى و مالك دخل أوضة دهب لقى واحد بيحاول يحقنها بحاجة مالك جري عليه بس لما قرب نط من الشباك زعق بغضب بس لما جه ينط وراه لمح دهب اللي كانت ع الأرض بشرتها شاحبة و جسمها بيرتعش و دموعها نازلة
قرب منها و ملامح ندم بتسيطر عليه رجعت لورا حس إنها خايفة منه قلبه وجعه و قعد على ركبته اودامها
مالك بحب ،، اهدي يا دهب أنا مش هأذيكي ،،
نبرة الحب و الأمان في صوته خلتها تهدى حست إن صوته مألوف خوفها بدأ يتلاشى و حست إنه هيحميها مهما حصل و في لحظة وقعت بين ايديه كان آخر حاجة سمعتها اسمها أو هي بتعتقد إنه إسمها اللي طلع من بين شفايفه بفزع و نبرة وجع
أنت تقرأ
عشق بلون الذهب
Romanceماله اسمي عسل زيي بالظبط لأ اسمك رخم اهو انت اللي رخم و ستين رخم كمان انجر يلا انجر اتلمي يا ماما انتي ماتعرفيش أنا مين هه ميشرفنيش Covered by: @fminsuga16
