عشق بلون الذهب

part 19

مالك ،، فهمتيني يا دهب ،،

دهب ،، أنا مش قادرة أصدق اللي انت قولته ده ،،

مالك ،، مش لازم تصدقي المهم تعرفي دورك كويس هننفذ بعد فرح أدهم تمام ،،

دهب ،، ماشي ربنا يستر ،،

**
**
**
**

عدى أسبوعين ما بين استعدادات البنات للفرح و خوف ندى من اللي جاي و فرحة عبد الرحمن و أيمن و استفزاز جميلة لآدم و خطط إبراهيم و سالم و أخيرا خوف دهب من اللي مالك قالهولها و اللي هيحصل بعد الفرح بس هل فعلا هيحصل ولا ..... ؟؟ هنعرف بعدين

المهم النهاردة اليوم الفاصل في معظم قصص الحب اللي في الراوية بحيث كل قصة هتاخد منحنى مختلف تماما بين سعادة و حب و.. وجع

الساعة ٩ الصبح

بالنسبة للبنات قمر كالعادة نايمة

ندى نايمة في سريرها سرحانة في اللي جاي

حبيبة قاعدة في أوضة بتكلم أيمن ع التليفون لأن مامتها و وردة منعوهم يناموا سوا بقالهم عشر أيام و ده طبعا مجنن أيمن ع الآخر

دهب نايمة في حضن مالك ميتة من التعب و جنبهم مراد اللي كان سخن طول الليل و كانت سهرانة جنبه

جميلة بتعمل رياضتها الصباحية اللي متعودة عليها من زمان

أما بالنسبة للشباب

عبد الرحمن بيحاول يوصل لقمر بس طبعا تليفونها صامت أثناء النوم

أدهم في صراع جواه مش عارف اللي هو عايز يعمله ده صح ولا غلط

أيمن بيكلم حبيبة و هيتجنن مش قادر يقرب منها بقاله عشر أيام

آدم قاعد على سريره بيدخن سيجارته و بيفكر ازاي جميلة اللي كان بيعتبرها أخته قدرت تعمل فيه كل ده بقا مش عارف يعدي يوم من غير لما يشوفها و بيتجنن لما يلاقي حد بيبصلها قبل كده كان بيهزر معاها بالإيد و كان ممكن يحضنها حضن أخوي لكن دلوقتي مش قادر يقرب حاسس بإنها بتاعته جزء منه ماينفعش حد يبصله غيره جوهرة لازم يحافظ عليها

مالك صاحي و دهب في حضنه إيديه بتلعب في شعرها و سرحان خايف على ابنه الصغير اللي كان سخن هو عارف إنه مجرد برد عادي أشرف عليهم بعد ولادتهم بنفسه و عمل فحوصات كذا مرة عشان يتأكد إن مفيش حد منهم ورث المرض منها و طلعوا تمام كان خوفه كمان من اللي هيعملوه بعد الفرح بس كان خوفه أقل بكتير من خوف دهب هو مكانش خايف بالمعنى الأصح كان قلقان عليها مكانش حابب يدخلها في الموضوع ده لكن هي الهدف و هتكون هي الطعم