عشق بلون الذهب

part 21

خرجوا من المستشفى بعد فترة و راحوا القصر

مالك ،، دهب إسألي الدادة عن الأوضة اللي أنا قولتلها تجهزها لندى ،،

دهب ،، حاضر ،،

مالك ،، أيمن خد حبيبة و روحوا شقة أدهم لموا هدوم ندى و هاتوها و هاتوا عبد الرحمن و قمر و انتوا جايين ،،

أيمن ،، تمام ،،

مالك ،، ملك طلعي ندى مع دهب ،،

بعد ما نفذوا أوامره مش باقي غير إنهم يطلعوا ندى

ندى بتعب ،، لحظة بس لعلمك يا بشمهندس هانيا مش خاينة هانيا كانت بتحبك بجد إنت عارف كانت دايما تقولي إنتي هتحبي واحد زي أدهم ماتعرفش إن احنا هنحب نفس الأدهم كانت بتقول أشعار فيك طول ما هي قاعده مكانش ليها سيرة غيرك كانت بتعشقك ،،

أدهم بعصبية ،، و سابتني ليه اتخلت عني لما كنت محتاجها ،،

ندى دموعها نزلت ،، سابتك علشان قبل ما تسيبك اكتشفت إن عندها ورم سرطاني في المخ و كان في مراحله الأخيرة خلايا المخ كانت بتتدمر سابتك علشان ماكانتش عايزة تعذبك معاها سابتك علشان تكرهها و لما تموت تكمل حياتك سابتك علشان هي عارفة إن خسارة اللي بتحبه صعب هي خسرتك بس انت لسة موجود عايش في الدنيا و كان صعب جدا تخيل بقا لو خسرت شخص بتحبه و مابقاش موجود ع الدنيا
هانيا ماتت يا أدهم ماتت و هي بتقول اسمك بتقول سابتك لا يا أستاذ هانيا قبل ما تموت كانت بتدور عليك كانت كل يوم بتفتح عينيها على أمل تشوفك و لما فقدت آخر ذرة أمل عندها غمضت عنيها للأبد بس قبلها قدرت إنها تلغي كل حاجة عنك في حياتنا كلنا عارف ليه علشان تتأكد إنك مش هتعرف حاجة ما فرقش عندها إن تبقا صورتها وحشة عشان إنت تعيش مبسوط و ماتندمش
أحب أقولك يا بشمهندس برافو اتخليت عنها و هي بتموت ،،

طلعت مع دهب و ملك اللي كانوا بيعيطوا و مابقاش غير مالك و عبدالله و أدهم اللي كان واقف مصدوم و مش قادر يتكلمو بعدها بص لمالك و راح وقف اودامه

أدهم ،، اضربني يا مالك ،،

مالك ،، ........ ،،

أدهم ،، بالله عليك اضربني أبوس ايدك ،،

مالك ببرود ،، لأ مش هاضربك كفاية عليك كده المأذون جاي كمان شوية هتطلقها و بعدها مش عايز تشوف وشك هنا لو لمحتك بالصدفة يا أدهم هاقتلك و انت عارفني مش بيفرق معايا حد و الشركة مش هتدخلها أيمن هيديرها روح شوف حياتك بعيد ،،