صحيت دهب و كانت نايمة في حضن مالك اتنهدت بتعب هو من ساعة لما عرف بحملها و هو بعيد عنها طول اليوم يصحى الصبح بدري يروح الشركة و مش بيكلمها في التليفون و بعدين بيرجع البيت بعد نص الليل و ياخدها في حضنه و ينام و يقوم الصبح قبل ما تصحى يروح الشركة
افتكرت لما دكتور دخل يطمن عليها و كانت نتيجة ده إنه طلع بجروح خفيفة في وشه و كسر في دراعه و ارتجاج في المخ و اترفد من المستشفى و من بعده و مفيش صنف راجل فكر يمشي في الدور اللي فيه أوضتها
افتكرت لما ممرضة كانت عايزة تساعدها تغير هدومها و في ثواني كان مسدسه في راسها و هددها إنه لو شاف خيالها في الأوضة هتكون نهايتها على إيده و من ساعتها ماشافتهاش
و كمان لما كان بيضطر يخرج عشان الشركة و ده نادرا ما كان بيحصل كان بيحط حرس على الأوضة و بيهددهم مايدخلوش حد إلا هو كان دايما يقولهم لو والدتها برة مادخلوهاش كان تقريبا شبه مقيم معاها في المستشفى
و مع كل الحاجات اللي كان بيعملها دي محاولش بقرب منها أبدا دايما بارد في تعامله معاها كانت بتقول دايما اهي فترة و هتعدي لكن أهو عدى ست شهور من يوم الخطوبة و لسة الوضع ماتغيرش
بس خلاص قررت إنها هتتصرف و هترجعه ليها و هتستخدم السلاح الفتاك لأي بنت من بنات حواء
فتح عينيه لقاها صاحية قام من جنبها ببرود شديد اتعودت عليه في آخر فترة اتنهدت بحزن و قررت تفجر قنبلتها اللي هتخلي هرمون القتل عنده عالي جدا
دهب بسرعة ،، مالك أنا عايزة أشتغل ،،
مالك وقف مكانه و لفلها براحة
مالك ،، عايزة ايه ماسمعتش ،،
بلعت ريقها بخوف بس قررت تبقى شجاعة
دهب ،، عايزة عايزة اشتغل ،،
ماشفتش حاجة بعد كدة غير انه في لمح البصر بقى اودامها
مالك بغضب ،، اطلبي كده تاني ،،
دهب بشجاعة ،، عايزة أشتغل يا مالك هاشتغل معاك في الشركة ،،
مالك ببرود ،، لأ ،،
دهب بمكر ،، هاشتغل يا مالك و مش هاتقدر تمنعني و لو مش عايزني أشتغل معاك يبقى هاروح أشتغل عند حد تاني ،،
أنت تقرأ
عشق بلون الذهب
Romanceماله اسمي عسل زيي بالظبط لأ اسمك رخم اهو انت اللي رخم و ستين رخم كمان انجر يلا انجر اتلمي يا ماما انتي ماتعرفيش أنا مين هه ميشرفنيش Covered by: @fminsuga16
