عشق بلون الذهب

part 29

مالك و ندى و دهب قاعدين في المستشفى دهب واخدة ندى في حضنها و بتحاول تهديها علشان بتعيط جامد و مالك واقف أودام الأوضة بتوتر

الدكتور خرج من الأوضة مالك مسكه من دراعه

مالك ،، أدهم ماله كويس انطق ،،

الدكتور بخوف ،، يا مالك بيه الباشا كان جايله سخونية جامدة و ماخدش أي حاجة ليها و ده خلا يحصل مضاعفات و آثار جانبية و التعب زاد عليه هو بس عايز راحة و اهتمام و هيبقى كويس ،،

مالك بعصبية ،، غور من وشي ،،

دهب قامت من جنب ندى و راحت حضنته علشان يهدى حضنها عمل فيه حاجات كتير كان محتاجه فعلا لف ايديه على وسطها و شدها ناحيته أكتر و باس راسها أودام الدكتور اللي لسة واقف و صدمته زادت أضعااف

مالك بصله بصه جانبية خلته يطير لتحت

ندى لسة قاعدة مكانها بس هديت

دهب ،، انت كويس ،،

مالك ،، كويس ،،

دهب ،، هو أدهم هيروح معانا ،،

مالك ،، ايوة مش هسيبه هنا خطر عليه و هاجيبله ممرضة تاخد بالها منه ،،

ندى بسرعة ،، لأ ماتجيبش ممرضة أنا هاخد بالي منه ،،

مالك ،، لا مش لازم علشان ماتتعبيش ،،

ندى ،، مش هاتعب مش هاتعب و الله ،،

مالك ،، تمام براحتك ،،

بعد مدة مش قصيرة كان مالك موجود في أوضته على سريره و ندى قاعدة على طرف السرير بتبصله سمعت صوت طالع منه بس كان مش مسموع قربت منه شوية

أدهم ،، ندى أنا بحبك ماتسيبنيش ،،

دموعها نزلت من غير إرادتها

ندى بصوت عالي ،، هرموونات متخلفة ،،

أدهم فتح عنيه فجأة بس كانت شبه مقفولة

ندى بنفس نبرة الصوت ،، أنا اللي غبية ،،

أدهم بتعب ،، انتي بتزعقي تاني ،،

ندى بصوت أعلى ،، براحتي بقا ،،

أدهم حاول يضحك بس مكنش قادر و كان بيكح جامد ندى راحت ع الكومودينو اللي جنب ااسرير و خدت مياه و ادتهاله و طبطبت على ضهره