وقعت على الأرض من قوة القلم اللي نزل على وشها و دموعها نزلت
قمر بصدمة ،، انت بتضربني ،،
عبد الرحمن بعصبية ،، و اكسر رقبتك لو فكرتي تقولي الكلمة دي تاني ،،
قمر ،، أنا فعلا اخترت غلط لما افتكرت إنك هتحبني و هتحميني ماتوقعتش إنك تمد ايدك عليا طلقني يا عبد الرحمن و سيبني امشي ،،
عبد الرحمن ،، مش هاطلقك يا قمر ولا هاصالحك و تقومي دلوقتي تلمي هدومك علشان أوصلك عند أخوكي ،،
بصتله بصدمة و هي مش مصدقة إن الأمور بينهم وصلت للدرجة دي لدرجة إنه يطلب منها تبعد عنه هو بالرغم من خلافاتهم كان بييجي بالليل مش بيعرف ينام غير في حضنها كأنه طفل و محتاج حنان أمه و هي هي ازاي هتنام بره حضنه اللي بقا المملكة بتاعتها اللي بتستنى آخر الليل علشان تستريح فيها كل اللي جه في بالها إن كل حاجة بينهم انتهت
قمر ،، مش هالم حاجة أنا عايزة أروح لهادي على طول ،،
عبد الرحمن ،، تمام البسي حاجة عدلة و تعالي تحت ،،
قمر بدموع ،، أنا هاروح كده ملكش دعوة ،،
عبد الرحمن بعصبية ،، قمرررررر انجري من اودامي البسي حاجة استري جسمك ده و ماتطلعيش عفاريتي عليكي دلوقتي ،،
قامت من مكانها راحت ناحية الأوضة أوضتهم اللي اتأدى فيها مشهد البداية و كمان اتأدى فيها مشهد النهاية ماحستش بحاجة حواليها و الدنيا دارت بيها و آخر حاجة سمعتها اسمها و هو بيناديه بلهفة و اتقفل الستار
_________________________________________
كانت قاعدة جنبه على كرسي جنب السرير و بتبصله بغضب و هو قاعد و كل اللي في عنيه نظرة استمتاع
ندى بعصبية ،، ماتبصليش كده ،،
أدهم ،، براحتي واحد بيبص لمراته إنتي مالك ،،
ندى ،، و الله ،،
أدهم ،، و ربنا ،،
ندى ،، ولا قوم ياض من السرير و بطل استهبال بقالك عشر ايام نايم ليه عندك ايه يا زفت و مقعدني جنبك كده بطل استهبال ،،
أدهم ببراءة مزيفة ،، أنا باستهبل ظالماني كدهوت على طول ده أنا غلباان ،،
ندى ،، غلبان ده انت ماشفتش غلب في حياتك يابن سالم قال غلبان قال ،،
أنت تقرأ
عشق بلون الذهب
Romanceماله اسمي عسل زيي بالظبط لأ اسمك رخم اهو انت اللي رخم و ستين رخم كمان انجر يلا انجر اتلمي يا ماما انتي ماتعرفيش أنا مين هه ميشرفنيش Covered by: @fminsuga16
