جبروت الشيخ وقلبي للكاتبة بنين الطائي

البارت 2

#جبروت الشيخ وقلبي

#البارت الثاني

شهاب .. جنت راجع من دوامي تعبان .. اني من ارجع اول يوم اكوم اشخبط وعصبي اصير بسرعه من التعب والبهذله الشوفها .. ثاني يوم لا ارجع طبيعي المهم جان المفروض اليوم اخواني يرجعوا لبغداد بس علمود دورة السنه مال ابوي .. بقوا

طلعن نفتر اني وزيدون ومهند .. جان علي مخلي جكم شغله علي من ارجع اخذتهم وخلصنه .. بسرعه عفت بيتنه متروس نسوان نسوان اخوي .. وبنات عمي وعماتي .. كلتهم من تكملون دكوا علي .. هم لو كملوا ناخذ الجدوره ونطلع كلنه للقريه بيت نسوان ابوي الكبار .. هناك بيتنه الجبير .. نتجمع كلنه حتى خواتي الكبار هن ورجولتهن .. فاامي تطبخ هي وعماتي ونروح كلنه هناك هيج كل سنه

المهم .. خلصت شغلي وكعدنه اني والولد على نهر ..نشرب اركيله  واجه جهاد .. كمنه سوالف وضحك وراها طلع مهند وزيدون للبيت واخذوا السيارة .. واني كعدت ويه جهاد ..دك علي رقم

شهاب .. مااجاوب .. لو ماتريد تحجي كدامي

جهاد .. جاا اسكت يمعود .. والله وحده لزكه صارلها اسبوع ..

شهاب .. جاا هاا هي لزكه

جهاد .. وداعت ابوي حتى كتله مزوج .. وهي تكلي ميخالف كابله بيك .. شسويلها بعد

شهاب .. هههههه .. لا ياابوي شسوي عداك العيب .. جاا شتريد لزكه لعد

جهاد .. تكلي معجبه .. وتريد صدك نوبات من فارغ وماعندي شي .. احجي وياها اكضي وكت هههه

شهاب .. جاا شفت وتكلي ليش تكره النسوان .. بويه هاي ابوها لو اخوها لو يدري بيها شيصير بي .. يتعب ويربي وهي تروح تلزك لليسوا ومايسوا .. هاي نسوان

جهاد .. جاا سويتني مااسوا مشكور يخوي هههههه

شهاب .. ههههه جا شنو فلمك ما فهمت القصد

جهاد .. اي يخوي فهمت .. خلنه نرجع لا امك تسويلنه سالفه ..

شهاب .. اي وعلي امشينه

رجعت للبيت جانت امي والبناات باره بالكراج ومشغلين العيون يطبخوا سلمت وطبيت بسرعه .. صايره هوسه .. دخلت تلكني عماتي تبوس وهلا بشيخنه وهلا .. سلمت عليهن .. وكالتلي عمتي تعال اريد احجي وياك اشوفك لاتجي ولاتسال .. كتله بس ابدل واجي

جاي اصعد وتلكتني لقاء بنت عمي ..

لقاء .. جاا شلونك ابن عمي .. لاتسال لاتكول

شهاب .. هلا بنت عمي .. والله شغل وتعب ومالتهي .. ماعندي وكت

لقاء .. هيج .. صاير مانشوفك .. عمك دوم بطاريك .. يكول شهاب عندي مثل وليدي .. وانتي ماتسال علي

شهاب .. جاا .. اي حقه عن قريب انشاء الله ازورا .. يالله من رخصتج ابدل وانزل ..

لقاء .. مرخوص ابن عمي