جبروت الشيخ وقلبي للكاتبة بنين الطائي

البارت 35

#جبروت الشيخ وقلبي

البارت الخامس والثلاثون
...
............................

...
غاليه
بعد ماتركت امل ابنها وراحت ..
بقينه كلنا نستغربين ومصدكين يعني شلون ام تكدر تعوف ابنها بعده ماصار عمره سنه وتمشي
وكته نقهرت على هل طفل ان امه هيج تخلت عنه ومشت بسهوله يعني لو ابني اطلعه من عيونه وماامشي الا هو وياي ..وماظن شهاب جان بقى تمسك بي مايكدر بالاخير يبعده عن امه ..بس هي تركته ومشت
اول يوم بقى الطفل خطيه يلوب ..مانام الا طلع روح خالتي ..
ثاني يوم شهاب التحق من الصبح
وصاني بالطفل ان اهتم بي الخاطره ..
طبعا بلا مايكلي ان استخطي ان طفل بريء مااله ذنب
بس المشكله ان الطفل ابد ماتتعود عليه
امل ماجانت تخلي يوصل يمي ولا تقبل العب ويه او شيله لو يم خالتي لو يم ابو لذلك مايريدني وبس اشيله يفحط ويبجي الا خالتي تاخذه يالله يسكت
شكد حاولت ويه مايتقبلني نهائي يتخبل مني وحتى لقاء يروح عليها ويكعد بحظنها بس اني لو شلته يفحط
شيب كلب خالتي بس يبجي ويتنعوص
وبليل مايقبل ينام وبقت شايلته تفتر بي وهي مريضه مابيه حيل ..اخذ منها نوب يبقى فاحط
اخر شي اخذ زيدون وطلع بي برا ..وبقى يفتر بي
اشتراله ملاعيب وطوبات صغار وجابه يلعب بيهن
عاد شويه سكت وبقى يلعب لحد ماتعب ونام

وبقى هيج كل الاسبوع مايسكت بس يبجي وحتى بليل اسمع صوت بجيه انزل اخذه من خالتي اريد اسكت نوب يزيد ويبجي الايرجع عليها ..وهم مايسكت ياشرعلى باب يريد يطلع
ويكعد زيدون ب3 بليل ياخذ يفتر بي بالشارع
يتعب ويجيب يالله ينام ..تشعوطنه بي بس يبجي وماتعرفين شيريد ..
ويوم جان زيدون هو لقاء بايتين بيت عمي ..وبقينه اني وخالتي بس بالبيت ..
اخذته سبحته وبدلته طبعا هاي بالشافعات يا لله  اكدر اسبحه وبدله وخالتي مابيها لاتغسل ولاتبدل كله عليه ونوب يتخبل مني يبقى يضرب بي يشبعني كتل وهلس يالله اكدر اغسله لو ابدله ..
والله نوبات تحصرني البجيه من كثر ماتعذبت ويه هل طفل ..والله استغفر الله يعني احسه كنما امل تقصدت تخلفه وتشمر علي حتى تشوفني نجوم الظهر
المهم كملته واريد اوكله ومايقبل يحط اي شي بحلكه بس فاحط ..اخذت خالتي وهم نفس شي فاحط
وردنه ويه وشلع كلبنه وماسكت على بجيه وحده من الوحده الظهر لل3
تالي خالتي خابرت على زيدون يجي يطلعه يشوف شيسويله ..بس دك ماتحصل موبايله كله مغلق
واني حطه وسكت بي وهو فاحط بيدي
تالي دكت خالتي على عمتي ام جهاد ..وكلتله اذا واحد. من ولد موجود يجي ياخذ علاوي شويه يفتر بي فاحط علينه مايقبل يسكت ..
شويه وندكت الباب وطلعت خالتي تفتح ..اني حطيت شالي على راسي
ودخل مرتضى وهو يحجي ..شكوا شصاير منو عدكم طاكه علي عبوه

خالتي .. ولك ماجوز من سوالفك ..تعال اخذ ابن شهاب افتر بي شويه وشتريله بلكي يسكت بيدك

اجه دخل مرتضى وسلم علي وتقرب اخذه من ايدي وهو يحجي .. يبوو يربي على ابوك عكره وماترضى ببسهوله