جبروت الشيخ وقلبي للكاتبة بنين الطائي

البارت 26

#جبروت الشيخ وقلبي

البارت السادس والعشرون ..

.........................

شهاب ..
بعد ردها علي ..مااطخيت راسي ورحت اسال عنها ..اصلا ماحسبت حسابي ..اخذت مانع ومن وراي ..يعني هاي شكبرها سواتهه..واحد غيري والله مايخليها على ذمته ..وفوكها هي جاي تتركني وتروح ..لمت كل غراضها وطلعت ..
بس والله خليج تتندمين ياغاليه ..
سمعت الباب ندكت ..حجيت تعال ادخل منو ..
امل ..اني ..شهاب ..اريد احجي وياك
شهاب ..ماتحجين ..منو كاظج
امل ..شنو رايك ..انقل غراضي وملابسي وغراض ابنه هنا يمك ..حتى خاف نحتاج شي شياتين ..نلكيك قريب منه ...
شهاب ..لا ..وانتي قابل وين بحزيزه ..وهاي بصفي غرفتج ..هاي الغرفه مو الج ..ولاتحلمين يوم تصير الج
امل .. شنو شقصدك ..اذا هي صاحبته مااتريدك بعد شنو جلب بيها قوه ..لو تتوسل بيهاا..
وكتها عصبت بس هديت نفسي شكد ماكدر..شوفي ..ما اريد اسوي شي اتندم علي ..سالفه تخص غاليه انتي لاتحجين بيها ولا تدخلين بيها سمعتي ..الي بيني وبينها مايخص احد غيرنه سمعتي لو اعيد ..

امل بصوت وعصبيه.. لزم تحبها هلكد ..شبيها مميز عن الباقين ..بشنو احسن مني ..كل وكت اتحملك ..واتحمل كلشي منك ..وعفت كلشي الخاطرك ..وقدمتلك كل الحب ..وحتى ابنك شلته الك ..الي هي قررت تحرمك منه ..

شهاب بصوت.. كافي خربطه ..انتي تردين واحد بي حيل لغوا وياج ..اكوم اطلع احسلي البيت صاير جحيم بس المشاكل ..
عفت واخذت غراضي وطلعت ..مارجعت تالي الليل ..
اول ما دخلت ..طبيت سبحت ..وجاي ابدل ..
حسيت باامل دخلت علي ..وهي تبجي وتحجي ..
امل ..شهاب ..الحكني ..راح اموت ..الم بطني ..الحكني ..
ركضت عليها بخوف ولزمتها وحجيت ..شنو شبيج خاف جاي تطلكين ..
امل ..ماادري ..بس دكتوره كالت مااتجيبين طبيعي ..لزم عمليه ..ااخ ..الحكني ..شهاااااب
رجعت اركض لبست شلون ماجان ..وصحت رقيه ..كمت اصيح ..
اجتي تركض ..هي وغاليه
شهاب ..بسرعه حظري غراض امل ..وجيبي عبايه خلينا على راسها ..بسرررعه
دكيت على امي واني مخبوص اول مره اصير بهيج موقف
دك ..وطلعت امي كالت الوو يمه خومااكوا شي
شهاب ..يمه تحظري بسرعه ..راح اجيج هسه ..هاي امل جاي تطلك يمكن
امي ..يالله على كيفك لاتنخبص ..هي بجر ..ماتجيب بسرعه ..جيبها وتعال على كيفك من الطريق ..
سديت ..واخذت اكود بيها بعد مالبست عباته وشحاطتها ..ونزلت رقيه تركض خلت غراض الطفل بالسيارة ..
طلعت على امي كبل ..وامل تصرخ وتبجي .. تضرب بالكشنات ..
وصلنه لامي ..واخذته وطلعنه للمستشفى خاصه
هناك عدنه هواي عرف ..وصيتهم بيها ..
ودخلوا ..كالوا  بعد ساعه وتجيب ..
بس قبل ماتخلص الساعه صاحوا امي ..واخذ ملابس منها ..
اجتي كتلها ..هايمه ..كالت مبروك يمه اجاك ولد ..
صدك وكتها فرحتي ماتنوصف ..شكرت الله الف مره ..

كلولي شنو تسمي ..كتله يمه انتي سمي ..
امي ..لا يمه جنت ناوي اسمي ابنك صحيح ..بس هذا لا انت سمي احسن
ماحجيت ..وكتلهم ..علي من معزة ابو حسين
امي فرحت وباسة راسي كالت ..الله يخلي الكم يارب
جابته واجتي ..انطتنيه
ماعرفت اشيله بعده صغير ..وشكله ماوضح ..
بس كلبي كام يرف علي ..واحسه قطع مني .. صح فرحتي بي ماتنوصف ..بس بنفس الوكت احس مخنوك وضايج
بعدها دخلونه على امل ..جانت شكلها تعبان ..
كتله ..الحمد الله على السلامه
ردت بتعب ..الله يسلمك ..
امي تقربت باسته وحجت ..الف مبروك يمه يتربه بعزكم
امل ..تسلمين عمه..انطينيه اشيله ..
اخذت بحظنها ..وهي فرحانه ..حجت شهاب دك على ماما طمنها علي هسه بقلق تبقى هي وبابا ..
مااحجيت طلعت موبايلي ودكيت ونطيتها الموبايل تحجيهم ..بقوا يسلموا عليها ويحجوا ساعه لحد مااطفل كام يبجي بيدها ..
عاد امي حجت وياها ..كاافي عمه عوفي الموبايل و شو في ابنج خلي يرضع
امل .. ماابيه حيل ارضعه ..هااج اخذي انتي سويله مامه
طبعا رغم تصرفها ماعجبني بس كلت توها جايب مو مال حجي هسه ..
امي اخذته منها وهي مااراضيه بس هم سكتت ..حجت يمه شهاب ..هاك الزمه اني راح اسويله مامه
وبقت خطيه امي تهتم بي كل الوكت ..امل عافته عليها ونامت ..
اني هم نمت ماكدرت تعبان ..بس كعدت الصبح من غبشه جان الجو بار ..بس غرفة المستشفى دافيه ..كعدت لكيت امي خطيه جاي تسوي مامه ..للطفل
شهاب ..يمه شنو ظليتي كاعده الليل كله علي
امي .. لا يمه كعدت بس مرتين ..مره بتلاثه انطيته ماما ..ونام وهسه هم راح يشربها وينام ..
شهاب .. يمه فدوة رحتلج انت بيج حيل الجهال ..هاي ماكعدت ولا حست على ابنه ابد ..
امي ..عوفها يمه لسه تعبانه الولاده مو شويه ترى ..خلها اليوم ترتاح ملحكه على سهر ..
شهاب ..لا مبين عليها راح تسهر على ابنها هواي ..
جاي نحجي وندكت الباب ..
رحت فتحت ..جانوا امها وابوها ..سلموا علي وكالوا الف مبروك يتربى بعزكم ..رديت رحمه والديكم تفضلوا ..
دخلوا ..وكعدت بنتهم بقوا يحجوا وياها ويبوسونه..
اني عفتهم وطلعت ..
رحت كبل للكافتريا مال مستشفى جاي اخذ ريوك لكيت
عمتي جايه علي
كالت لاتاخذ شي جبتلكم كلشي ..
سلمت وحجت منو يم مرتك ..كتله اهله بس
عمتي طبعا تموت من امها وكل اهلي يكرهونها بعد سوته بابوي
حجت عمتي وهي تعوج بحلكها ..اجابهم من الصبح عود انه مكيفه جايه من وكت حتى مااشوفهم ..صخام اي والله ..
اجه جهاد وكف يمي باركلي ..وحجه تعالى نكعد هناك وخلهن ناس تاكل ناس مبينه راح تشتغل الحرب البارده
بين كل الاطراف
رحنه كعدنه اني وجهاد ..وخلصت الوكت
الظهر الدكتورة كتبتلها خروج ..امها ردت تاخذها وياها هي وطفل ..
بس امي ماقبلت وكالت ان يكمل اسبوع يمنه يالله تاخذي وطلعي ..وناس تجي علينه من كل صوب تشوفه للطفل ..
وصارت بينهن مشددات ..امها تصيح بنتي تعبانه وماتتحمل وحدها اني هناك اساعدها ودير بالي عليها
وامي تحجي دنيا بارد ومايصير طلعن الطفل كل هاي المسافه ..واذا على مدارت هنا هم نداريها
عاد تدخلت وحجيت
خليها اسبوع يمنه وابقي انتي هم يمها معزز مكرمه
تكظي الاسبوع عود اخذيهم يمج ..
عاد سكتن ..
وبيوم الي رجعتهم للبيت ..التمت الناس من كل صوب ..
كتلهم على كيفكم راح تخبلون وليدي ..لاتلتمون علي
ظلن يضحك عماتي ..بس بصراحه ما شفت فرحه بعيونهم ..صح يباركولي ..بس ابد مافرحانين
وشفت عمتي عافتنه وراحت للمطبخ ..
لحكتها وشفتها واقفه وحاظنه غاليه وتحجي ..لاتضوجين يمه ..انتي يتيمه ومايصير واحد يقهرج (فأمااليتيم فلاتقهر ) ..يمه الماله اب اله رب هو ياخذ حقه ..
غاليه .. فدوه رحتلج عمه ..والله مامقهوره بالعكس فرحانه ربي يسعدهم ..ويخليلهم ابنهم ..واني عندي حياتي ..ماخسرانه شي يجي يوم واعوض كلشي فقدته
عمتي ..الله يوفقج بنتي ..ويخليج هذا العقل الشايلته ..
غاليه ..تسلمين عمه ..