جبروت الشيخ وقلبي للكاتبة بنين الطائي

البارت 24

#جبروت الشيخ وقلبي

البارت الرابع والعشرون

............................

جان كلب يطب من الخوف ..خاصه على شهاب
شويه وسمعت صوت جهاد ..وهو يحجي اركض بسرعه شهاب ..
عاد خالتي فتحت الباب ..وطلعت وهي تحجي يمه شصاير جهاد ..اني خليت على راسي شال ولحكتها وقفت بالصاله اسمعهم شيحجوا هم مجموعين بالمطبخ
جهاد حجه عمه .. اكوا سلابه مهاجمين على الحلال والكيعان مالتهم ..
شهاب  ..شلون عرفتوا
رد جهاد ..بويه اجانه اتصال يالله امشينه ماعدنه وكت لو نلحك عليهم لو مانلحك ..
.وطلعوا بسرعه بسيارة شهاب
بقيت اباوع عليهم من جامة جانوا كلهم ملثمين لفين شماغاتهم على وجوهم ..وشايلين اسلحتهم
كلبي نمعط وراهم من طلعوا ..
اجتي خالتي تباوع من شباج وهي تدعي الله يحفظهم ..
اجتي رقيه ..وحجت ويه خالتي تدخل ترتاح وانشاء الله يرجعوا بسلامه ..
خالتي بس على السانها ..امين ..امين ..يحفظكم الرحمن يمه ..ربي دخليك تحفظهم دخيلك ياعلي امنتهم يمكم تردهم الي بسلامه ..
طبعا امل ولا يمها ولا تدري ومحد هم بلغه
بقينه كاعدين الليل كله ..وخالتي توسلت بيها تنام تكلي شلون تغفه عيوني وابني راح بنص الخطر ..
نوب شهاب ناسي موبايله ورايح فبقينه بقلق ..
وكلهم ندك عليهم محد يرد ..
لحد الساعه تسعه الصبح  ..دخلوا علينه ..جان علي ..وجهاد وساندين شهاب من جهتين ..
من شفته احس كلبي نمرد ..راحت روحي علي وخفت كلش ..
وخالتي تخبلت ركضنه كلنه  علي وخالتي حجت..يمه وليدي شصار بي ..ولك يمه شهاب ..
علي .. على كيفجن بوويه كلشي مابي ..هي ضربه سطحيه ..لاتخبصنه ..خلي نحطه بالغرفه ..
خالتي .. لا جذبوا علي ..كلولي الصدك شبي شهوبي شبي وليدي
شهاب بتعب .. كلشي مابيه وداعتج يالغاليه
دخلوا جوا للغرفه .. ونوموا ..وحجه علي ..بعد ماخالتي ظلت تلح ..كلشي مابيه بوويه هاي يمج وفحصي ..
هي ضربه بسيطه اجتي بيده من فوك ..وداعتج شغله بسيطه كلش ..
وبعدين عرفت ان صدك بس ضربه سطحيه بذراعه ..وعرفت ان شهاب والولد هاجمين على ذولك وكادرين يخلصون الحلال وكلشي من اديهم ..بس مصوبين اثنين منهم وشهاب ..وذولك هم متصوبين منهم

للعصر جانت الكل تدري وصارت ناسي كلها تجي تتحمد بالسلامه لشهاب ..
ومهند وفاتن اجوا ..وجان البيت هوسه ..
بعدها شهاب صار يون من ذراعه كال توجعني كلش ..
اخذ علي ..ومهند للمستشفى ولكوا الجرح ملتهب
وكالوا لزم يوميا تغير وتنظف للجرح ..
ولزم واحد ينتبه على حرارته لاترتفع بالليل
اول مره جابوا مضمد ينظفها بعدين صاروا هم الولد ينظفونها ..واني جنت دائما وياهم واشوفهم من يسونه اني وخالتي ..
ومره تاخروا مااجوا ..وجان لزم واحد يغير الجرح
دك شهاب عليهم ما حصل احد
خالتي لبست عبايته وراحت دور مضمد بس جانت الدنيا ظهر ومالكت احد ..
بعدين حجيت ويه خالتي ..خاله اني ابدله اله ..ترى مايراد شي ..واني جنت اراقبهم من يسوا كلشي مايرادله ..
خالتي .. والله مادري يمه ..بس اذا مالكينه احد ..سوي انتي احسن مايبقى هواي موزين علي ..
خالتي كالت لشهاب ..اني خلي غاليه تسوي الك ..
امل بسرعه اعترضت ..ان اني شفهمني ..وهاي شغله صعبه مولعب جهال ..
شهاب .. خاف عليج ..خاف شكل الجرح يلعب نفسج
غاليه شوف هذا ماايدري ان كلبي يشوف كلشي منه حلو
وهذا جرح اتمنى بيه مو بي
حجيت .. لا عادي ..
صاحلي ..اجي اسوي ..بس توتر كلها واقفه فوك راسي
وكعدت فتحته ..واسوي بي ..جنت قريبه منه كلش وهل شي لوبغير  ظروف يوترني بس جنت مركز وكملت
غاليه .. خلصت
شهاب .. معقولة .. مااحسيت بشي
امل .. تلكيها ماانظفته زين ..كتلكم جيبوله واحد يفتهم بهل شغلات ..
على هل حجي دخل مهند ..هااا ..اسف تاخرت عليك جان اكوا ازدحام
خالتي .. ليش يمه ما طلعت من وكت اخوك يلوب صار ساعتين ..تالي بنت عمك سوته اله ..
مهند بااستغراب ..هااا ..خلي اشوفه بس
بعد ماارجع فتح وباوع بي
ضحك وباوعلي .. والله ذيبه ..عفيه عليج اضبط من الولد منظفته ..جااا هاي نسوان المعدله ترهم لكلشي
شهاب بغيره .. خومااكوا شي بوويه
مهند .. هههههههه لا عمي مااكوا ..جاي احمد بنت عمي انت شكوا ..بعد راح اخلص منك هي تتولى امورك 
فرحت ان سويته مضبوط
ورديت على مهند .. بفضلك غير ..جنت راقبك من تشتغل ..
جانت امل تباوع علي وتخزر واني مبتسمه
مااحسيت غير شهاب صاح بيه لزم يخرب ام لحظه
شهاب .. دمشي سوينه شي نزقنب بي ..لو راح تظلين واقفه على راسي ..
كتلكم لزم ينعل ام لحظه ..حتى بالجذب كول شكرا
شي حلو ..ابدا ..تفشيله كبل لو ساكت احسن ..