جبروت الشيخ وقلبي للكاتبة بنين الطائي

البارت 36

#جبروت الشيخ وقلبي

البارت السادس والثلاثون

............................

رقيه ..
جنت واكفه بالسنتر ولازمه الموبايل
اجتي سميه يمي وحجت .. هاا ماترحين ناكل ترى جعت
رديت واني اغلق الجهاز ..اي يالله
طلعنه رحنه نجيب اكل واحنه جاي نمشي
لمحت هيثم وهو واكف ويه جماعته ..بقيت واكف مكاني
واني احس نفسي مرتكبه جريمه بحقه
ولا اكدر احط عيني بعينه بعد ..
حجيت واني اباوع على سميه ..امشي استعجلي
سميه ..ليش شكوا
رقيه .. بس امشي هسه وبعدين احجليج
رجعنه لمكانه ..واخذت نفسي وكعدت
سميه .. هو انتي راح تظلين تتشردين من هيثم هواي
رقيه .. مالي عين احطه بعينه بعد كلشي سوا وياي احس نفسي خاينه رغم ماخنته ولا شي بس هي ظروفنه جانت مامتوالمه ابد ..

سميه ..بالعكس احسن شي سويتي ان تركتي هيثم ..لان لو باقيه ويه جان ضلمتي وياج ..لان انت تحبي لجهاد بجنون واي احد يصير مكانه راح ينضلم وبعدين هيثم انسان راقي وخلوق وكلبه طيب ويستاهل وحده مو بس تحبه لا ماتشوف بالدنيا غيره

رقيه .. صح والله كلامج لذلك متجنبته ماريد اباوع بوجهه مستحيه منه

سميه .. لا عادي ماعنده مشكله ان يشوفج بالعكس هو اي يسالني عنج ويحب يعرف اخبارج لان يحسج صديقه قريبه منه ..

رقيه .. الله يوفقه بحياته
كملت محاضراتي ..ولكيت مرتضى جاي يطلع من قسم حسين ..اشرتله يجي
اجه وكالي ..والله مااشيل اي شي

رديت علي .. عز غير نفسيه عليك ..وبعدين شمدريك اريد اشيلك شي

مرتضى ..على كولت اللمبي انت ماتعرفنيش غير لما  يكون في مصلحه ..بالعراقي ماتعرفيني وتصيحيلي غير وكت عندج مصلحه ..

رقيه .. قابل لعد شسوي بيك اصيحلك ..هااك شيل ملازمي واسبقني للخط

مرتضى .. حاضر ست رقيه ..اي طلبات ثانيه
رقيه .. حاليا لا
اخذ مرتضى ملازمي وطلع للخط كدامي ..شفت حسين جاي بتجاهنه
حجه ..هاا يالله نطلع خلصتي لو بعدج
جاوبت ..اي ..بس هاك اخذ علاكتي وياك ..عود دير بالك بيها غراض مهمه ..عود اني اجي وراكم

حسين ..اموت واعرف هاي العلاليك اليوميا شايلهن شاحطه بيهن
رقيه ..روح وانت ساكت
حسين ..امري  لله

راحوا واني بقيت انتظر غاليه..اجتي هي وصديقاتها
ورحنه سوا للخط ..واني التفت يمنه ويسرى
غاليا .. شبيج شكلج واحد مسويله عمله بس تتلفتين

رقيه ..لا هيج ..بس تاكد من شغله
غاليا ..يالله من شغلاتج شكوا جديد
رقيه ..ماكوا شبيج ..بس ماريد هيثم يشوفني لان اكيد راح يسالني ويحجي وياي واني ماعرف شنو احجي وشنو اكول
غاليه..خلص لاتحجين ولا ابد لاتنسين انتي وحده متزوجه حاليا وجهاد ..امر من شهاب بعد اذا لمحج لو عرف حاجيه ويه الا يكلب على راسج الدنيا