جبروت الشيخ وقلبي للكاتبة بنين الطائي

البارت 34

#جبروت الشيخ وقلبي

البارت الرابع والثلاثون

....................

غاليه
غفيت بحظنه ماحسيت غير ثاني يوم الصبح
كعدت باوعت ..لكيت نايم وحظني رفعت نفسي وردت اكوم .. بس كعد وحجه
شهاب .. بيش الساعه هسه
غاليه .. بالتسعه الصبح
شهاب ..يابه كل هذا نايمن والله ماحسيت للصبح
غاليه ..اي اني هم ماحسيت ..شلون صرت هسه
قربت حطيت ايدي على كصته وحجيت الحمد الله ما عندك حراره
لزم ايدي نزلها وحجه ..مادام انتي يمي اني زين حتى المرض يروح وينتهي مني

ماحجيت بس بقيت اباوعله واني ماعرف شكول
لزم يدي باسه وحجه .. غاليه انتي عندي اغلى شي بالدنيا واحلى شي ..والخاطرج مستعد اسوي اي شي
بس ابد لاتحرميني يوم منج لان بدونج ماعيش ..

غاليه ... كافي شهاب  كل هاي مره وحده راح تسوي بي جلطه ..جنت اريد كلمه وحده منك ..اليوم كله هذا حجي طلعته ..

شهاب ..اليوم وباجر والعمر كله ..لان ماجنت اعرف قيمتج قبل وعذبتج وياي هواي وتحملتي مني هواي ..من حقج علي اعيش ملكه والي تطلبي تلكي بس كولي ..

غاليه .. ماريد شي ..دام انت يمي ماراح احتاج شي

شهاب .. احبج ..واموت عليج

وكت دنكت وماعرفت ارد او تخربطت او مامصدكه عبالك بحلم ..
تقرب مني وعض خدي وحجه ..لسه تخجلين مني ولعد وين حجي البارحه واحبك وماكدر اعيش من دونك ترى جنت تعبان هسه صاحي الج

غاليه .. كافي يالله ننزل نتريك ..حتى انطيك علاجك
سحبني بحظنه وحجه ..لا موبسهوله عبالج تنهزمين مني ..بعدين ماريد لا اكل ولا شرب ولا دواء دامج يمي انتي كلشي ..

طبعا ماعرف ليش ضاع الحجي مني ونبلع الساني ..يمكن اول مره نعبر بيها لبعض لذلك ما عرفت احجي ولا اعبر
رفع راسي وحجه .. شنو احس اتجاهج ..احس اني مو بس احبج لا اعشقج هم
وانتي شنو بحياتي .. انتي كل حياتي واغلى واحلى مابيها كبلج ماجنت عايش وياج بدا العمر ..

دمعت عيوني بكلامه عبالك جاي احلم  وحجيت بشويه توتر ..اني ..هم ..احبك شهاب ..وهواي اكثر من ماتتصور
قرب مني واخذ شفتي ..بس هل مره غير عن اي مره باسني بيها ..جنت احس بحساس غير
بحيث جان كلش رقيقه وهادي عكس كل مره وانطاني مجال اني ابادله ..وحاول وياي ولان جان كلش حنين وياي صرت لا شعوريا ابادله بوسته ..
وطولنه بحيث اخذت كل نفسنه ..من تركني حط كصته على كصتي ..وحجه ..احبج وبجنون
ورجع من جديد يبوس بيه واني صرت بادله بكل حب وهدوا
صار فوكي ..وفصل بوسته
حطيت ايدي على صدره وحجيت ..شهاب بعدك مريض
مو هسه ..
شهاب .. لج هي هاي شغلات الطيب وترجع الصحه

غاليه .. والله تحجي صدك انت
شهاب .. تعالي اشوفج بعينج
وصار يبوس بيه بكل مكان
واني هم استسلمت بيده وهل مره غير كل مرات
جان كلشي يسوي بس حتى يحركني بيه ..وتركلي الحريه عكس كل مره يكون بيها هو المسيطره وماينطي اي فرصه .. هل مره تركني بادله وتفاعل ويه بكل حريه
ورغم ان اول مره ابادله بس تركت نفسي اتصرف حسب حساسي ويه وجان كله حب ولهف ..
ورحنه احنه الاثنين بعالمنه الخاصه