جبروت الشيخ وقلبي للكاتبة بنين الطائي

البارت 39

#جبروت الشيخ وقلبي

البارت التاسع والثلاثون

مساء الخير والعافيه على الكل
بنات هواي رسايل توصلني وتعليقات واسئله
صح مالحك ارد على الكل ..ولا جاوب الكل لان هواي
بس اجاوب هناا
الي تسال قصه حقيقيه لو لا
نعم حبي حقيقيه والبطله متواجد ويانه ..
والي تسال شوكت نهايه
فهي قريب كلش ماحبيت اختصر لان هواي الاف البنات يكتبن لاتختصرين اكتبي على راحتج
فااني اخذ راحتي بسرد القصه ..
والي تسال ليش ماتنشرين يوميا والي تكتب فدوه يوميا بارت وهواي انتقادات بهذا الخصوص
فاعتذر منكم ماكدر يوميا لان ضروفي هيج اني عندي هواي التزمات والكتابه جانب منهم ماكدر اهمل باقي حياتي فعذروني
واني ماقصدر وياكم البارت الي انزله
ترى بي بحدود ال8000 الالف كلمه ..يعني بارتين عدل ..
وهاي انشاء الله رديت على اكثر اسالتكم
اترككم ويه البارت متابعه طيبه حبايبي
الكاتبه بنين الطائي ..❤🦋
...............................

رقيه
جنت احجي ويه غاليه والبنات .. وكلت اروح اشرب مي تركهن وكتلهن هسه اجي
جانت نهاية الدوام ..دخلت للكافتريا اجيت اكف اخذ بطل مي ..بس ماحسيت غير حسين بصفي وحجه
هاا رقيه شتردين
كتله بس مي
كلي ..لحظه هسه اجيبلج واجي
وراح جابلي واجه ..وجنه نمشي ونحجي
لمن سالني هو .. شلونج ويه جهاد ..مرتاحه

ابتسمت لسؤاله ورديت ..تدري انت اول واحد يسالني هل سؤال ..لدرجه حسيت ان الكل ماصدك يخلص مني
بس الحمد الله جهاد زين وياي وجاي احاول اكون احسن ويه ..
حسين .. لا تزعلين مني بس انت مقصره ويه هواي ..لدرجة نوبات استخطي والله

بقيت فاتحه عيوني عليه ورديت ..ليش يعني شوفني بشنو مقصره ويه
حسين .. خليني اكلج شغله انت تشوفين شكد جنت حريص عليج وجنت هواي اراقبج يمكن هل شي حتى ضوجج مني وخلاج تكرهيني او تحسيني مقيدج ..

رقيه ..حسين هل شي صار وانتهى عوف هل موضوع هذا ..احنه حاليا مثل الاخوان واحسكم انت ومرتضى مثل مهند وشهاب وزيدون وعلي ..اخواني فااي شي صار بالماضي اتركه للماضي

حسين ..بس لزم تعرفين سبب تصرفاتي وياج ..وليش انتي بالذات ..وخليني احجي بلا ماتقاطعيني
صراحه اني اعرف ان جهاد يحبج من زمان ..مو بس اني حتى مرتضى بس جان يكابر ومايعترف بهل شي ..والاكثر جان يراقبج من بعيد بس علمود ان مايخسر اخوانج احتفظ بهل شي لنفسه ..
واني ومرتضى صراحه اتفقنه ان انتي تكونين تحت جناحنه يعني نراقبج بداله ومانخلي احد يتواصل وياج لحد ماهو يعترف لج بنفسه ..طول وكت واني مرتضى نسمج مرت اخوي ... حتى نوبات مرتضى يجي عليه ويبقى يدور عليج ويكلي وينها مرات اخوك ..جان لزم تبقين تحت عيونه ..بس مشكله ان اني جنت الاقرب لقسمج وكدامج فصارت مهمة مراقبتج اكثر عليه ..بس كله الخاطر ماتروحين لو احد ثاني غير جهاد ..

بقيت صافنه لا اخذ ولا انطي ماجنت متوقعه هل شي ابد فحجيت ..لحظه اول شي انتم شلون عرفتوا جهاد يحبني
حسين .. عرفنه من خلال اللابتوب شخصي مالته اذا تفتحي وتدخلين راح تعرفين كلشي ..
رقيه .. من شوكت تعرفوا ..وليش ماكتولي
حسين ..نعرف من اول مادخلتي سادس اعدادي ..ماترهم يعني اجي اكلج اخوي يحبج ..جا غير هو يكلج