رواية عاهرة العباسية كاملة

الحلقة الأولى والثانية

#عاهرة_العباسية

#noosa

الحلقة الأولى

قبلي ما احكي ليكم قصتي البدت قبلي ٤٠ سنة حابة انوه انو الأسماء ح تجي مستعارة عشان الناس ما تسأل من الحقيقة ..

اسيبكم مع الرواية ..

أنا مهيرة بابكر من مواليد شندي ١٩٦٢ أبوي كان تاجر اجمالي مشهور في أم درمان وأمي داية خاصة عندي أخوي أصغر مني بي ٤ سنوات اسمه ماهر ..

بدت حكايتي سنة ١٩٧٧

رجعت من مدرستي للبيت قبل نهاية اليوم متهربة من حصة اللغة البدرسنا ليها شيخ عبدالصمد ، وصلت البيت وطلعت المفتاح وفتحت الباب ودخلت زي الحرامي عشان أمي ما تسمعني .

وفي أثناء ما بتسحب على الحيطة أسمع ليك تأوهات جاية من غرفة أمي ، الصوت كان عالي (آآاااه وااي وااااي) ، في اللحظة ديك اتجمدت مكاني من الخوف ، معقولة أمي تكون بتخون أبوي !

انسحبت سريع وطلعت الشارع وأنا مصدومة وما عارفة أقبل وين ،وأثناء ما بحاول أهدي نفسي فجأة لاقتني هدى .. هدى بت عمي محمد بيتهم قريب مننا كانت طالبة في جامعة مشهورة بتدرس الطب ، سلمت علي وسألتني من أخباري .. فجأة جاتني فكرة أمش بيتهم عشان أهرب من مخاوفي دي ..

- كيفك يا هدى وكيف الجامعة ؟

- تمام والحمد لله انتي كيفك ومالك منفسنة كده ؟

- والله فكونا بدري الليلة ومفتاح البيت ما شايلاه وماف زول فتح لي الباب ..

- طيب تعالي معاي بيتنا غيري هدومك واستكيني معانا للمساء كده وارجعي .

مشيت معاها البيت ، بيتهم كان متواضع جدا بالنسبة لي بيتنا ، بيتهم كان عبارة عن أرضي سقف بلدي ٤ غرف وصالون ومطبخ وكان عندهم حوشين رجال و نسوان .

(وفي بيت ناس هدى)

- شنطتك تقيلة لكن يا مهيرة !

- ههههه وده الحالة ما شايلة فيها الكتب ..

- خلاص هاك القميص ده مقاسك أمشي أستحمي وغيري وتعالي عشان نكمل ونسة !

استحميت ولبست القميص وقعدت أتونس مع بت عمي ..

- انتي يا هدى وين ناس أمك شايفة البيت مقفل ؟!

- مشوا كلهم ناس جدي عندنا بكا من أول أمس ..

- البركة فيكم مات ليكم منو ؟!

- البركة في أمة محمد ، اتوفى أخو جدي والله .

- وانتي ما مشيتي مالك ؟!

- والله كنت ماشة لكن الجامعة ما بتريح كلو كلو !

..

نمنا النهارية ديك ..

صحيت قريب المغرب على صوت هدى في المطبخ مشيت لقيتا عملت الغدا ، بعد اتغدينا أنا وهدى ودعتها وشلت حاجاتي ومرقت على بيتنا ..