رواية عاهرة العباسية كاملة

فلم الختام ١

#عاهرة_العباسية

#noosa

فلم الختام ١ .

أثناء ما عمي بيحكي يدخل علينا كمال وفجأة أنا رفعت الطرحة في راسي ، كنت لابسة عباية وخاتة الطرحة في كتفي ..

- معليش للمقاطعة ، أستأذنكم !

كان طالع وعاوز يمرق ، عمي ناداه !

- تعال أقعد يا كمال انت ما غريب

كمال جا وقعد في الكنبة المقابلاني وكان مدنقر راسو ..

- طبعا يا كمال نحن كنا بنتكلم عن الحاجة الكلمتك بيها أمس !

- جاتا برضو !؟

عمي عاين لي وابتسم وطلع السيجارة وولعها !

أثناء ما بولع في السيجارة أنا اتكلمت ..

- أاأ (ارتباك) ااي جاتني !

كمال رفع عيونو وعاين لي أبوه وابتسم !

- ممكن تكون ياها يا أبوي ؟!

- ياها (يبتسم ويجر نفس) ياها ! ..

(دق دق دق) (الباب يدق)

كمال مشى يفتح الباب ..

عمي طلع قروش من جيبو خمسة جنيه تقريبا ولفاهم ..

- أمس كنت مع أمك وقالت مسافرة الأبيض في خبر انو أبوك هناك ، كنت عاوز أمش لكن أمك أصرت تمش براها ! .. (خمسة ثوان صمت) .. أخوك عشان مؤجز ساقتو معاها قالت انتي ما عليك خوف ، المهم القروش ديل وصية ليك !

- حا تغيب هناك كم ؟

- ما حا تجي قبل امتحاناتك ! ..

سرحت مساااافة !

- مم (تردد) ممكن أمش أقعد في الداخلية ؟!

عمي طفا السيجارة في الطفاية ..

- كدي انتي أمشي غرفة هدى وفكري في الفترة الجاية دي كويس وبعدين نتفاهم في الموضوع .

أثناء ما أنا طالعة من الصالون عمي ناداني !

- مهيرة !

- أيوه يا عمي !

- أكتبي معاك الوصف في ورقة ..

- طيب !

مشيت غرفة هدى ..

هدى كانت جهزت فطور في الغرفة وعزمتني .. أثناء ما بناكل اتونسنا عن المذاكرة بتاعت هدى ..

هدى كانت فاهمة مجالها شديد ، كانت بتشرح لي موادهم زي الكأنها مدرسة ما طالبة !

- (السلايفا) بتم افرازو نقي وما فيو ميكروبات عشان كده الحيوانات بتستعملو كمطهر للجروح .

- ده شنو السلايفا ده ؟!

- ده اللعاب العادي ده ههههه

- أااا عشان كده الكدايس الصغار لمن يتشاكلو بليل الصباح بشوفهم بتلاحسو هههههه !