#اخرجني_من_لحائي
بقلم محمد النور + تارا
-16-
ايمان: بس انتي ياخالتي استغليتيني واستغليتي نقطة ضعفي لو كان جيتي طلبتي مني مش كان احسن من انك تجرحيني بالطريقه دي
-انا لو جيت وقلت ليك كنت حاترضي؟؟
اكيد لا
انا عارفه انه طريقتي دي كعبه وما طريقة ناس لكن ما كان عندي خيار تاني ..
-انتي لو كان منى بنتك اتعمل فيها زي ما اتعمل فيني بترضي ليها
-ايوه صاح ما برضى ليها بس انتي كمان ختي نفسك مكاني
الزمن العلينا ده زمن صعب والبنات بقو كعبات ما كنت عاوزه امشي واخلي ولدي يتجهجه بي بت ما ياها وما بتستاهلو
وتانيا مازن ولدي زول كويس والله وانتي زي بتي فلو ولدي كان كعب ما كنت حاارضاهو يعرسك
-طيب هو لو كان زول كويس يتقدم لي بالطريقه دي لي شنو ليه يسمع كلامك
- انا مازن ولدي كان عاوز يتقدم ليك رسمي بس بعد يخلص العقد بس انا كنت عارفه انك حاترفضي وقلبه حايتكسر فانا قلت ليه انه عقد اخته ما حايتم هو عمل كده لانه خايف على اخته زي ما اكرم كان مستعد يلغي العقد عشان خايف عليك
-بس لو ما سمعتكم اسلام كان حاتعملو شنو يعني لو العقد اتلغى في يوم العقد الناس تقول شنو عن منى
- انا ختيت في بالي انه اكرم ممكن ما يوريك بس خليتها علي الله ودعيت ولي حظي اسلام سمعت الكلام
-انتي ياخالتي باين عليك بتحضري هنود كتيير
-😂ااي بحبهم ءالمهم انت سامحتيني
-البيسامح ربنا ياخالتي ما انا وبعد ده انا ماشه البيت عشان ما اتاخر تصبحي على خير
-وانت من اهله يابتي
ايمان: منو الفي الباب
-ده انا عثمان
-اتفضل الباب مفتوح
-اسمعيني لمن امي تجي عاوزها تمشي معاي ناس علا
-طيب انا مالي
-دايرك انتي تكلميها عن علا وكده
-طيب ما مشكلة
-اوو شكرا اتاريك بي فائده
-متين سمعت بي ما مني فايده
-لالا معقوله زول يقدر (خايفها تغير رايها)😂
-طيب تاني عاوز حاجه
- طرده يعني
ااي يازول انا ما ناقصاك لا انت ولا علا وعاوزه اضرب لي اسلام اشوف نور وانور كويسين
-طيب انا زاتي عاوزها اضربي ليها
-لالا يااخوي عندك تلفون خليني اتكلم معاها بي راحتي واتكلم بي تلفونك
-مع انك ما خسرانه حاجه لكن ما مشكله انا طاير
- مع السلامه
-اوو محمود
- هلا كيفك عثمان وكيف الشغل ماشي معاك
- الحمدلله ماشي الحال
ولمن تجي امي نمشي كلنا نخطب البت وحسي ماشي لي ابوي
-كويس يازول ربنا يوفقك
-اامين يارب
-ايمان صاحيه
-ااي حسي جيت منها قالت عاوزه تتكلم مع اسلام
-ايوااا كويس
- سلام عليكم
- وعليكم
السلام
اسلام: كيف ياايمان يومك
- الحمد لله
-سلمى قالت لي قبيل كنتو عند ناس مازن وما جيتي معاها لانه امه قالت عاوزاك
-ااي
-فتحت معاك موضوع العرس ول حاجه ول دايراك في شنو
- لالا بس سالتني من التجهيزات لي عرس اكرم ومنى وكده
-ايواا خلاص كويس
بعد اسبوع امهم جات وودو سد المال ومشوا اتقدموا لي علا وادتهم الموافقه بعد أسبوعين في الاجازه حايكون العقد والعرس بعد سنه
قبل عرس اكرم بي أسبوعين
ايمان:علا عاوزه اكلمك بي حاجه
-في شنو
- انا اخت عثمان
- انا عارفه
-وكيف عرفتي
- الشبه ظاهر بيناتكم ولمن جاء عشان يجيب ليك حاجاتك اول مره في الجامعه قال اخته اسمها ايمان انا سمعته بيسال زول عنها وعرس اخوه وعرس اخوك في نفس اليوم ده الا كان ابقى غبيه عشان ما اعرف وكنت عاوزاك تكلميني بس ليه ما اتكلمتي معاي
- انا ما عاوزه أتدخل دي حاجه خاصه بيكم بس لمن قلتي انه لو جاء بيتكم بترضي انا وريت عثمان عشان كده جاكم
- يلا اش معنى الليله
- الليله اخر يوم في الجامعه وبعد اسبوعين حايكون عرس اكرم وعقدكم بعده بي شهر فانت اكيد حاتجي عرس اكرم ءالمهم افهميها
- فهمتها
- وعد:هو انا فهمتها هي ما تكون فهمتها
ءاامهم سيبكم من ده الليله الاء وين
-ايمان:اكيد جات عشان الليله في امتحان
- ااي بس وينها
-علا:ليها كم يوم بتطلع بعد الامتحان طوالي مالها
-وعد:بقت حفاره يااختي
-ايمان:باقي ليك كده
-اااي
قبل العرس بي يوم
-ابو مازن:ياحاج حسن اسمعني رايك شنو نعمل العقد بكره مع العرس
-لكن نحن ما جاهزين ولا حاجه
-ما عاوز تجهيز اصلا الناس معزومين للعرس بدل ما نعمل العقد وتاني العرس نعملهم الاتنين في يوم واحد وكده نكون اتفكينا من موضوع العزومه مرتين والتفاصيل الكتيره دي
-بس لكن ياحاج علي ايمان بتي قالت بعد تخلص الجامعه ودة كان شرطها
-هي قالت العرس نحن نعمل العقد بكره والعرس بعد ما تتخرج
-لكن احتمال ما ترضى
-هي لو وافقت بي ولدي من البدايه معناها اكيد ما عندها مشكله
-انت وريت ناس البيت يعني
-ااي وريتهم عشان يجهزو لي بكره واصلا اي حاجه جاهزه عشان في عرس
-خلاص كويس
-انت وري ناس بيتكم عشان لي بكره لو عندهم حاجه يجهزو
-طيب يلا عشان يجهزو هم زاتهم
وابو ايمان ورى امها وبقت تزغرد ومبسووطه
-ايمان اسمعيني حاج علي قبيل جاء اتكلم معاي
-اها
-قال لي نعمل ليكم العقد مع العرس مره واحده وانا وافقتو
-شنوو كيف يعني وانا موضعي شنو من الاعراب ليه ما في زول😤 يستشيرني وانا قلت ليكم انه لازم بعد الدراسه
-اسمعيني هنا😡
#يتبع
