#اخرجني_من_لحائي
بقلم محمد. النور +تارا
-22-
عثمان:ما في داعي من قعادكم بعد ده يلا كلكم امشو البيت لانه حاتعملو ازعاج لي ناس المستشفى واكرم
انا الليله حااكون هنا فما تخافو
ايمان: انا بمشي بعدين😁
عثمان: لالا امبارح خليتك تبيتي
مازن: خلاص انت امشي ياعثمان انا بقنعها وبجيبها معااي لانه دوامي خلص الليله
- طيب انا حااودي ناس امي واجي
- ونحن حانقعد لحدي ما انته تجي
مشو البيت كلهم وخلو ايمان مع مازن دخلو المكتب
- اسمعيني قومي ناكل من امبارح ما ماكلين حاجه
- ما عاوزه حاجه
- ياخ بتمرضي قومي اكلي ياخ
- قلت ليك ما عاوزه يااخ😤
- طيب انا زاتي ما عاوز
عاينت ليه بي قعر عينها
- انا ما شافعه تحنكني بي حنك انه لو ما اكلتي ما باكل ما عاوز تاكل ما تاكل
- خلاص كويس ما حااكل
قعدت مسافه وعاينت ليه لقته بعاين ليها كانه منتظرها تقول حاجه بعد شويه حنت عليه
-طيب امشي جيبه هنا انا ما بنزل
- كويس تاكلي شنو
- اي حاجه ما بتفرق معاي
جاب ليها الاكل وبدو ياكلو
- طيب انا دوامي خلص قبييل المفترض حسي ابقى نايم لانه تعبان من امبارح
- طيب امشي
- لالا انت حاتمشي معاي
- لا آسفه انا حااقعد هنا
- لي متين لمن اكرم يقوم من هنا؟؟
سكتت وما اتكلمت معاه
- قومي انتي قعادك هنا ما بينفعه بي حاجه ارح
-. .....
- عليك الله اسمعي كلامي ما تبقي راسك قوي قومي
- طيب يلا
مشى وداها لمن وصلو
- اهو وصلنا بكره بجي اسوقك الجامعه ما تقفلي تلفونك عشان لمن نكون طالعين اكلمك
- لا انا ما ماشه الجامعه
- لا امشي باقي ليك اسابيع وتخلصي رابعه فما تغيبي عشان ما حاتفهمي حاجه من المحاضرات لمن تغيبي
- لا انا عاوزه امشي لي اكرم
- لمن ينتهي الدوام انا مستعد اجيبك ليه تقعدي معاه نص ساعة ما زياده وارجعك
- طيب بشرط البرنامج ده كل يوم
- ايواا ما تقولي لي من الاول ابقى السواق بتاعك
ما اتكلمت دنقرت راسها وخجلت
-طيب يازوله ما مشكله نكسب فيك اجر
حمرت ليه.. وهو بقى يضحك
رجع بيتهم
- امي منى هنا مش
- ااي لكن نايمه امبارح ما نامت نهائي
- خلاص انا زاتي ماشي انوم بس لمن تصحى ما تحليها تمشي بيتها انا عاوزها ضروري
- لا انا زاتي ما حااخليها اليامات دي تمشي عشان بيتها فوق وهي في شهورها الاولى وزاتو لو قعدت هناك بتكون براها تقعد تتزكر اكرم وتبكي
دي لمن مرت جنب البيت ساي بقت تجوعر خليه من تمشي تسكن هناك
- خلاص تمام (حسي لو قلتي لي انه ما اليامات دي حاتقعد هنا ما احسن من التفاصيل دي)..بينه وبين نفسه طبعا.. يلا انا ماشه صحوني للظهر كويس
- طيب
صلت ركعتين وبقت تدعي انه اكرم يقوم بالسلامه
رقدت في السرير على امل انه يجيها نوم
بس بقت تفكر في وقفة مازن معاها الايام الفاتت وانه كيف بيقدر يقنعها تسمع كلامه لحدي ما نامت😍😴
- امي قالت انك عاوزني
- ااي اقعدي
انتي حاتمشي الجامعه اليامات دي ..كويس؟؟
-لا مستحيل ما حاامشي لحدي ما اكرم يبقى كويس
- اولا انتو السنه قربت تخلص كلها اسابيع فما حاتهملي محاضراتك ثانيا انتي ما حايخلوك تقعدي معاه كتير حاتعملي شنو
- لا انا عاوزه اقعد معاه وحايخلوني
- المستشفى دي شغال فيها انا اساليني عنها
- طيب انا لازم اشوف اكرم عليكم الله
- يلا انا وعدت ايمان كل يوم بعد تجو من الجامعه اوديكم ليه تقعدو ساعه لانه هو زاتو محتاج مساعدتكم وتتكلمو معاه كانه واعي بيكم عشان كده حااخليكم تمشو تتكلمو معاه وارجعكم البيت
- طيب كويس
- يلا من بكره حانمشي الجامعه
- بس..
- لا بس ولا حاجه ..يلا نمشي الغدا بعد ده
- طيب
وليهم 3 اسابيع في البرنامج ده الا يوم الجمعه واكرم ما صحى من الغيبوبه وايمان اتقربت لي مازن اكتر وكتير ما بيتغدو هي ومنى ومازن مع بعض
ومازن قدر يطلعهم الاتنين من الحزن الشديد الفيه
اسلام: الو
ايمان: هلا اسلام كيفك
- تمام الحمدلله انتي كيفك واكرم كيف
- والله في حالته
- ان شاء الله بيبقى كويس
وانا شفت لي دكتور عظام هنا كويس لو صحى يعملو ليه العمليه هنا
- ان شاء الله .. كيف نور وانور
- كويسين ناس البيت كلهم كويسيين؟؟وسلمى واولادها
- الحمدلله
- اها وانت عملتي شنو في موضوع مازن ول هو عمل شنو بعد ما كلمتيه
- والله يااسلام هو كويس معاي شديد
- يعني في احتمال تغيري رايك
-ما معروف لكن لمن ما الاقيه بحس بي يومي ناقص😶
- 😂😂ايوااا كويس
- طيب اسمعيني انا حااقفل لانه حاساك بتستهتري بي يلا
- انا..استهتر؟؟ حاشا وكلا
بس في ناس قاعده تتغير
- انا ما قاعده اتغير ولا حااتغير ما تخليني اتشاكل معاك
- انا قلت ايمان ؟؟
-ما قصدك انا اكيد
- الفي راسو ريشه بيهبشها
- اسلام قفلي بوزك قبل ما يجيك كف طائش
- يجيني بالتلفون😂
بعدين البرود مشى وين بقيتي تعصبي يااختي
وبعدها ما سمعت حاجه لانه ايمان قفلت الخط
#يتبع..
