#اخرجني_من_لحائي
بقلم محمد النور + تارا
-21-
عثمان: العمليه نجحت بس هو دخل في غيبوبه ما معروف يصحى منها متين
- لاا لاا غيبوبه لا
- ام منى:قولي الحمدلله انه عايش احمدي الله
- غيبوبه يعني شنو انت عارفه؟؟؟
يعني ميت سريريا😭..يعني عايش حياه احسن منها الموت..يعني ما حانسمع صوته..يعني ممكن برضو يموت في اي لحظه😭💔😭
- انتي ليه متشائمة كده حايقوم ان شاء الله بس انتي ادعي ليه وكوني جنبه واذكري الله
- ااي ياامي ادعي ليه وان شاء الله يقوم بالسلامه وين ناس ابوي
- في المسجد
- خلاص انا ماشي ليهم
- اسمعني يامحمود اكرم عمليته نجحت بس دخل في غيبوبه
- لا حول ولا قوة الا بالله ربنا يعين خلي ابوي يخلص
- المشكله انه نحن ما حانقدر نسفره بي حالته دي الا يقوم من الغيبوبه
- لا ان شاء الله بيقوم منها ربك كريم
وحايقوم قريب خلاص انت كلم ابوي انا ما بقدر اكلمه ماشي اكلم مازن عشان يكلم منى
- خلاص كويس
- امي تعالي
- ايوه يامازن
- ارح معاي انا بستناك بره المسجد انتي ادخلي نادي لي ايمان
- كويس
- ما توريها تمام
- كويس
مشت نادتها وجات
- ايمان قومي ارح معاي المكتب
- لا ما ماشه
- ايمان اسمعي كلامي ولو لمره واحده في عمرك
مشت معاه بعد وصلو وقعدت
- انت قاعده تحضري افلام ومسلسلات؟؟
- حسي ده وقت تسالني سؤال زي ده واكرم جوه حالته صعبه😒
- انتي جاوبيني خسرانه شنو
- ما خسرانه حاجه وما حااجاوبك
- ءالمهم انا كنت عاوزه اوصل ليك المعلومه بي طريقه تانيه بس لو مصره
- في شنو اكرم ماله
وبقت تبكي
جاء قعد قدامها
-اسمعيني كل حاجه بي يد ربنا ونحن بس علينا نصبر وانت بس صل على النبي
- وهي بتبكي و
سااكته بس ما اتكلمت
- صل على النبي ياايمان
- عليه الصلاة والسلام
- يلا اكرم ما مات بس هو دخل غيبوبه
- شنووو وبقت تبكي تاني
- مالك انت احمدي ربك انه بقى كويس وما حصل ليه حاجه بي حالته الجاء المستشفى بيها ما كان في امل
ومسح ليها دموعها
- بس انا ما حااسمع صوته قريب
- انتي كان في احتمال ما تسمعي صوته نهااائي احمدي ربك بس
- الحمدلله على كل حال
- طيب قومي معاي ارح نمشي لي منى
- لا انا عاوزه امشي لي اكرم
- انتي مجنونه الزياره ممنوعه وحاينقلوه العنايه المركزه على طول
- طيب انا عاوزه اشوفه اثناء ما بينقلوه
- طيب يلا اها قبال ما يطلعو سرييع
ومشو مع بعض وشافو لمن طلعوه
وامه بدت تصرخ😭😭😭💔
- لا اله الا الله
حسبي الله ونعم الوكيل
جات ايمان مسكتها
- امي خلاص اهدي هو حايقوم بالسلامه انتي اهدي بس
-واااي ياانا ااخر حاجه قالها لي اكرم العفو والعافيه وااااي
ياارب يقوم بالسلامه
-حايكون كويس ياخالتي انتي بس ادعي ليه
وقعدوها
بعد دقيقتين مشو مازن وايمان لي منى لقوها بتدمع وما قادره تتحرك
- منى حمدلله ع السلامه
ما في رد
- عايني اكرم ما مات عايش بس دخل غيبوبه
- انت قايل نفسك كده بتبشرني لا انت كده زدت الطين بله😭😭
- لا هو حايبقى كويس ويقوم ويكون جنبنا
- منى انتي حسي كيف
- الحمدلله
- طيب يلا ارحك البيت
وما رضت الا بعد اقناع طوييل مشت مع امها وابوها
مازن لانه دوامه ليلي حايكون قاعد
- عثمان:محمود قوم سوق امي وابوي البيت وانا بجيب ايمان وبجي
وبرضو نفس الحنك ابو يمشو بس اقنعهم
فضل عثمان ومازن وايمان
- يلا ياايمان نحن زاتنا نمشي البيت مازن دوامه ليلي
- لا انا الباب ده ما بقلع منه كراعي
- كيف يعني وحاتقعدي وين وعندك بكره جامعه
- جامعة شنو البمشي ليها
وانا بقعد في اي محل ان شاء الله في الشارع بس ما بمشي الليله دي
- طيب كيف يعني تقعدي في الشارع انتي مجنونه
فكرت كدااا
- طيب بقعد مع مازن في المكتب
- كيف يعني انا عندي عمليات وبتجي حالات طوارئ فجاه وحسي المفترض امشي اجيب عربيه اكرم من هناك
- حايخطفوني من المكتب امشي وتعال والعربيه خلي عثمان يجيبها
ما لقو حيله وهي ابت ترضى
قعدت وعثمان مشى محل الحادث بالمواصلات عشان يجيب العربيه
في البيت
- ايمان وينها
- ابت تجي خليتها هناك
-كيف يعني
- قاعده مع مازن ما تخافي
اها انتو عملتو شنو
- انا ضربت لي سلمى المفترض امشي بكره عشان اجيبها
- ابوه:اها هي كيفها وكيف اسلام وعزام
- كويسين بس انا خايف انهو عزام ما يستحمل السفر
- عثمان : لا ان شاء الله ما بيحصل ليه حاجه بس غطوه كويس
- حاج حسين :حسي اكرم حا ياخد محله في الشغل منو انا حسي متحير شدييد
- اصلا ياابوي نحن السنه دي ما حانسافر لانه عزام صغير شدييد في اجازتي دي انا حااشتغل بدله بس انت علمني شغله كيف
- طيب كويس يلا تصبحو على خير
في المستشفى
جات ممرضه ماليه وشها بالألوان والكريمات داخله
- دكتور مازن تعال في واحده من حالاتك حالتها صعبه
- ايمان عاينت ليها بي قعر عينها كده وزحت وشها
مازن قام على حيله سرعه ومشى
جاء راجع
- دي منو
- دي الممرضة المساعده حقتي
- غيرها
- شنوو
- قلت ليك غيرها
-لي شنو
- ما شايف وشها عامل كيف
وعاين ليها جات خاشه سااي ما دقت الباب
عاين ليها كده وبقى يتبسم
- مالك انا قلت شي بيضحك
- لالا ابدا بغيرها يازولة ما عندك مشكله
سكتت واستوعبت نفسها
-(واااي ده شنو الهببته انا.حسي فهمني كييف انا ليه عملت كده مالي ومالها ان شاء الله يبقى وشها كله الوان انا مالي واااي)اتلفتت عليه لقته لسه بيعاين ليها ويتبسم
دنقرت راسها من الخجل وتاني عينها ما جابتها في عينه بعد مسافه كده نامت والساعه كانت 2ص وراقده في كرسيها داك
مازن عاين ليها لقاها نامت مشى جاب ليه ملايه من الممرضات وغطاها وهو زاته نام في كرسيه داك
الصباح عثمان جاء دخل المكتب لقاهم نايمين دخل غرفه اكرم لسه في غيبوبة😔 ياارب تصحى سرييع
بعد شويه ناس البيت كللهم جو وديل صحو وعشان عثمان هو المسؤول قدر يخليهم يدخلو واحد واحد
- منى:اكرم عليك الله قووم عشاني ما تطول نحن مستننك قوم عشان لو تعبت تهتم بي وتوديني المستشفى عشان اعذبك ايام الوحم واخليك تجيب لي اي حاجه عاوزاها الله يهديك قووم عليك الله عشانا
وطلعت دخلو كلهم واي زول يتكلم معاه ايمان بس عاينت ليه وبقت تدمع وتتامل في وشه وطلعت وهي بتبكي
#يتبع
ونتلاقى البارت الجاي
