#اخرجني_من_لحائي
بقلم محمد النور + تارا
-20-
عثمان: للاسف اكرم حالته صعبة شدييد 💔 ومحتاج لي نقل دم هسي انا ماشي اتبرع ليه😢
ارح يامحمود انت زاتك دمك زي دمه😕
مني: انا زاتي ماشه معاكم ارح افحصو لي😭😭
عثنااان: انتي مجنونه يفحصو ليك بتاع الساعه كم انتي حامل ونحن دمنا ان شاء الله بيكفي ايمان وينها هي فصيلتها O ممكن تتبرع لي اي زول
مني: ايمان في العربيه خليتها 😭
- شنو كيف يعني بتي قاعده هناك براها واااي ياانا وااي خلوني امشي ليها😭😭😭
ام منى:مازن مشى يجيبها اهدي خليك.حسي جنب اكرم واقري ليه لحدي ما يخلص العمليه😭😢
- ان شاء الله ربنا يقومو لي بالسلامه
- اااميين ياارب
تلفون ام منى دق
مازن: ايوه يامازن
- ااي ياامي اديني منى كدي
- منى هاك ده مازن
- اااي انت محلكم بي وين بالظبط جنب ياتو محل
ووصفت ليه
لحدي ما وصل وشاف العربيه
جرى عليها فتحها لقاها جوه والعربيه مسخخنه والحاله صععبه وبالبلا ☹️😢شالها وركبها في عربيته نزل جاب مويه وعصير وجاها رشاها بي مويه في وشها ابت تقوم بي سهوله وهو خاايف عليها في الاخ
ر قامت استوعبت الحصل وبقت تكورك 😭😭😭😭😭😭😭
ايمان بهلوسه اكرم اكرم طقشته العربيه اكرم طار فوق لااا اكرم وينه حسي😭😭😭😭
وهي بتبكي وتكورك
مازن: مسكها من يدها اسمعيني اكرم حسي في المستشفى عثمان معاه وناس بيتكم كلهم مستننه وبيدعو ليه انت زاتك ادعي ليه معاهم حسي قومي😭😭
- لا انا عاوزه اكرم حسي
- حايبقى كويس بس انتي ادعي ليهو وهاك اشربي العصير ده لانك مهبطه💔
- انا ما عاوزه عصير عاوزه اكرم واخوي بس (يا ريت لو انا اكرم دا) 😂😂
- لا انت اشربيه عشان تقدري تقومي على حيلك ونمشي المستشفى😕
- لا
- طيب انا ما حااتحرك من هنا الا تشربي العصير
- انا بمشي براي
فتحت الباب وطلعت من العربيه مشت 4خطوات حيلها ما شالها ونزلت علي رجلينها 💔
مازن جاء ماشي عليها وسندها عليه ورجعت العربيه
- كلمتك ما بتقدري هاك اشربي العصير ده
شربت منه
مازن اتحرك بالعربيه ومشى على المستشفى وصلو
امها شافتهم جرت عليها وحضنتها هي مسكت امها وبقت تبكي وتصرخ
وامها شغاله تقول لا اله الا الله انا لله وانا اليه راجعون
- لكن ياامي ده اكرم اخوي اكرم مشى خلانا لااا
عثمان جاء داخل على كلمة خلانا دي
- انتي جنيتي اكرم عايش لسه وعاوزين ليه دم قومي ارح نوديك انت زاتك
- مازن:لا خليها هي زاتها تعبانه ومهبطة انا بتبرع بدلها
- طيب يلا
مشى اتبرع ليه وهو في نص العمليه وعثمان دخل ليه وطلع
- وقالوا انه في كسر في الجمجمه وكراعه والسلسله وحسي عاوزين ينقذو راسه عشان حالته صعبه ادعو ليه بس ..
- ومنى وايمان بدو يكوركو
عثمان: ابوي اكرم لو قام بالسلامه من العمليه دي شوفو ليكم طريقه نسفره بره لي السلسله الفقريه لانه هنا نسبة نجاحها 20%
- اكيد بس ان شاء الله تنتهي العمليه على خير
- ان شاء الله يلا انا داخل
بعد شويه منى اغمى عليها 💔 ساقوها مازن وامها وركبو ليها درب
واي زول على اعصابه
بس الممرضين والممرضات بقو فجاه يدخلو ويطلعو من غرفة العمليات ويجرو ويجيبو في الحاجات
بس ام اكرم وقفت واحده
- في شنو حاصل شنو ولدي حاصل ليه حاجه مالكم بتطلعو وبتدخلو سريع كده وروني في شنو اكرم مالو 😭😭
واحده من الممرضات : اسمعيني ياخاله ادعي ليه نبضه ضعف شدييد ربنا يقومه بالسلامه ويصبركم
-لاا ياولدي انا السب انا القلت ليك جيب العيش ما كان ننوم جعانين واااي 😭😭ياارب يقوم بالسلامه يااارب تصبرنا ياارب
وهي شايفه الناس تمشي وتجي وايمان ديك خلاص غبت زاتها قعدت في الكرسي😭😭
ديك هناك سمعو الصرخه منى خلاص قالت مات😭😭
وهي راقده في سريرها فكت الدرب وبتكفت في نفسها اكرم لا اكرااام😢😭
امها ومازن مسكوها والممرضه جات ادتها مهدئ ونامت وبعد نامت طلعو بره عشان يشوفو الحاصل شنو
ام منى قعدت
- استغفري يافاطمه كله قدر ربنا وكله لي خير ما تقولي انتي السبب وادعي ليه دعاء الوالده مستجاب
- يااارب😭😭
اما مازن مشى قعد جنب ايمان
- اطمني اكرم حايبقى كويس وعثمان دكتور شاطر وهو الاخصائي المسؤول ان شاء الله ما بيحصل ليه حاجه
- اكرم نبضه ضعيف يامازن اكرم ممكن يروح فيها وتاني ما نشوفه😭💔😢
- لا ما تقولي كده اكرم حايعيش ويجي يكون بيناتنا بس انتي قومي صلي ركعتين وادعي ليه
قومها ومشى معاها وداها جنب المصلى بتاع النسوان وهو مشى محل الرجال وبقو يصلو ويدعو ليه
وجو ابواكرم وابومازن ومحمود حصلوهم
وبي هناك امه وام منى مسكو المصحف وبقو يقرو في يس كم مره
بعد شويه عثمان طلع وبرضو محبط☹
- اها ياعثمان اكرم مالو 😳
- عثمان:.......
#يتبع
