اخرجني من لحائي

23

#اخرجني_من_لحائي
بقلم محمد النور +تارا

-23-
اذا لاح ضوء مضيت اليه
فيجري بعيدا ..ويهرب مني
واسقط في الارض اغفو قليلا
وارفع رأسي وافتح عيني
فيبدو مع الافق ضوء بعيد
فاجري اليه..
وما زلت اجري..واجري..واجري
حزين غنائي
ولكن حلمي عنيد..
عنيد
فما زلت اعرف ماذا اريد

اكرم:: (شايف ظلام وسامع همهمات.. دقيقه..دقيقه..في صوت
ده صوت منى..ااي ده صوتها متاكد
منى انتي وين انا ما شايفك
ليه ما قادر اتحرك )😭😭😭
مني: اكرم لو سامعني عليك الله قوم
-  (سامعك بس ما قادر اتحرك ما قادر افتح عيوني)
ومشت منه منى

في يوم جمعه
عثمان دخل غرفه اكرم يونسه شويه زي ما بيعمل دائما
مشى قعد جنبه واتنهد وقام بيعاين بالشباك ودخل يدينه في جيبه
- احي يااكرم نفسي اعرف كيف انت واخبارك
- الحمدلله بس ضهري واجعني شدييد
فتح عيونه😳
-  (انا سمعت صوته ول حلمان)
اتلفت عليه لقاه مفتح
دعك عيونه
- اكرم معقوله ياخ حمدلله ع السلامه ياخ خوفتنا عليك😍😍😍😍😁
ومشى عليه ومسك يده وهو مبسوووط وفرحان شدييد
- الله يسلمك....
وعثمان يعاين ليه وما مصدق وبتامل في وشه
- بالمناسبه انا بشر ما جان ولا حاجه متنح فيني كده😄😌
- ياخ ما مصدق دقيقه خليني ادق لي ايمان عامله فيها كئيبة اليامات الفاتت كلها
- بالجد ياحليلها والله
ومنى كيف
- كويسه والله زي رفيقتها قاعده اليامات الفاتت عند ناس امها وتعبانه كانو بيجوك كل يوم
خلاص ما تشغلني خليني القى بشارتي منهم
- طماع لكن

- الو😶
- ايوه ياايمان
- اها مالك
- عاوز البشاره 😍😍
- بشارة شنو؟؟ ما تقول لي بس😆
- ااي
وفكتها زغرووده😍😍😍😇
- احيي صنيتي لي اضاني
وتاني زغردت
- العن شكلك زاتو اضاني اتقلعت
- بعد التلفون من اضانك هينه
ءاالمهم اديني ليه
- لا آسف التلفون ممنوع
كلمي ناس امي ومنى وتعالو هنا
- خلاص هنديل ليهم بيدقو الباب اظنهم سمعو الزغاريد يلا اقطع وشك
فتحت الباب
لقتهم كلها في وشها جرت علي ابوها وحضنته
- حمدلله ع السلامه
الناس كلها فرحت وبكو دموع فرح حتى ابوها
- الحمد لله الحمدلله يااارب 😢
- طيب انا ماشه اضرب لي منى ابشرها

-(احيي انا منها ما بترد الكلبه انا اعمل شنو) ياربي اعملها ول لا اضرب في تلفونه..
انا المخليني ما اشيل تلفون خالتي شنو
اوووف طيب حااضرب ليه

جاء من صلاه الجمعه تعباان..طلع الطاقيه واتجدع في السرير وكان بيفكر في ايمان وكلامها وخجلها واي حاجه
-  (ياربي اعمل شنو انا ما بقدر اطلقها بس هي عاوزه الطلاق يارب تغير رايها ياارب بي هي تعبت شدييد من موضوع العرس ده وده كله بي سببي انا..ااخ ياانا يااارب صبرني)
 طلعه من تفكيره تلفون الضرب
شافه ختاه تاني رجعه قدام وشه وبقى يرمش كتيير احساس مخلوع وكده وما مستوعب
- (ياربي ده رقمها ول انا حلمان معقوله ضاربه لي )
ورد عليها
- الو
- اهلين وعليكم السلام
- احم كيفك
عرفها خجلانه بقى يضحك
- مالك كلامك مقطع مقطع كده
- ما مقطع ولا شيء
- طيب كويس كيفك انتي وكيف مع الدراسه
- اممم الحمدلله
- اها المناسبه الخلتني احب التلفون لاول مره في حياتي شنو
- ......
- طيب سكت بالمناسبه كنت بفكر فيك
وهي خلاص الخجل قاتلها
- اسمعني انا كنت بضرب في تلفون منى بس ما بترد ...
عاوزه اقول ليكم انه اكرم صحى
- كذاابه وواااو خبر بيفرح حمدلله ع السلامه
- الله يسلمك
- طيب انا حااكلمها
- لا انا عاوزه اكلمها
- لا ما حزرتي انا حااكلمها دي بشاره بي ملايين
قامت على حيلها ولبس توبها سرييع وطلعت الشارع وبقت تشغله بالتلفون عشان ما يمشي لي منى يوريها
وصلت بيتهم ودخلت وهي التلفون في اضانها
- اها انا ماشه معاكم لانه عربيه محمود مليانه
- خلاص كويس
- اسمعني يامازن انا اسفه
- لي شنو
- انا حااوري منى بالخبر
- ما حاتقدري انا معاها في نفس البيت
- وانا حاليا في نفس الغرفه😈
- شنوو
قفل التلفون وجرى على الغرفه
- منى اسمعيني
ومازن وصل وهو كان جااري ونفسه قايم
- ايمان استني
- لا انا حااوريها...منى
جرى عليها وختى يده في خشمها
- منى:في شنو
- فكني
- طيب خلاص نتفق نقول ليها مع بعض
- طيب..
- مازن وايمان:منى اسمعي.. واحد.. اتنين..تلاته اكرم قام من الغيبوبه
- كذااابين
- والبيخلينا نكذب شنو
واتحمست وبقت تصرخ وجات حضنتهم الاتنين مع بعض🙈وايمان اتخلعت من الحركه العملتها وخجلت
فكتهم وديك طواالي طارت علي بيتهم
واي زول غير ملابسوو عشان يمشو
وطلعو عربيه مازن وعربيه محمود لي اكرم
ووصلو وشافوه وحايعملو كرامه بي طلعته
#يتبع...