اخرجني من لحائي

15

#اخرجني_من_لحائي
بقلم محمد النور + تارا

-15-
في الجامعه
آلاء: وااو انا ما مصدقه شهرين ونخلص تالته والله حاجه رهييبه
وعد:ااي والله الحمد لله بس
سنتين مرو بي حلوهم ومرهم
-علا:اسكتي ما تجيبي سيرة مر في خشمك
-ايمان:اها وانتي ما رضيتي بالدكتور البيجري وراك؟؟
-اسكتي ده مكرهني العيشه
-الاء:احسن ليك ارضي بيه عشان ما تندمي زيي
-علا:بس انتي  حبيتي احمد بعد ما مشى وبعد عنك وخلا الجامعه
انا ده مش لو خلا الجامعه لو مات واتفطس ما حااحبه
-الاء: كلام ساااي
حسي انا بتمنى انه يرجع يقول لي انا بحبك تاني بس تاني مستحيل الم فيه من اليوم القال لي انا بحبك وانا قلت ليه انا بكرهك

ايمان: والله كل واحده اتغيرت في حاجه
دي بقت بتحب احمد بعد ما كانت بتكرهه ودي خلت الاكل الكتير والتالته بقت حفارة وبتجي اولة الدفعه الحمد لله بس الغريبه انا الوحيده الما اتغيرت
-علا:اسكتي عشان ما ابلعك لسانك حاتتغيري حاتتغيري انا حاسه بي كده بيغيرك زول
-منو البيغيرني قلت ليكم لسه ما اتولد في الدنيا
-وعد:اها انتي خبر اسلام شنو والبابو الجديد كيف
-ياحليلها امي زاتها سافرت ليها هناك قاعدين انا والاولاد
-احيي ياحليلك ماسكه البيت
-اسكتي بس ياالاء تلقيها لا ماسكاه ولا حاجه سلمى ماسكاهو اليوم داك مشيت لقيتها راقده نايمه وسلمى في المطبخ
-والله بشتغل معاها مرات لكن والله اسلام فرقت معاي شديد اتخيلي لي سنه ونص ما شفتها وانور وشقاوته وااي ياحليلهم وحسي امي لحقتهم
-ايوااا انتي ياوعد المره الجايه لمن تمشي ليها كلميني امشي معاك ولا مرة ما  جيتكم في البيت
-لالا ما تجيني اليامات  دي خليك شويه كده لمن امي تجي (خايفاها تجي تشوف عثمان هناك)😂😂
-الاء:دي طرده بالواضح
خلاص اسمعوني خلونا نقوم نمشي البيت
-الله يستر ما يلاقيني عثمان ده تاني
-وعد:انتي هو عرفك كيف
-يعني انت ما عارفه
-لا نسيتي انا لي اسبوعين ما جيت فما حاضره الاحداث
-يازوله ده عنده اختو بتقرا في الجامعه هنا وجاها يوم لانه نست مطبقة القروش والتلفون ووهو طالع شافني
جاني اليوم التاني بقى يقول لي اديني رقمك وانا عاوز اتقدم ليك واهو جاني تلاته مرات
-انتي ما تقعدي معاه احتمال يكون جادي
-لو جادي بيمشي يدق باب بيتنا ما بيجيني انا
-ايمان:يعني لو جاء واتقدم لي اهلك رسمي انت بترضي بيه
-اكيد ممكن ارضى بيه بس اديه رقمي ول اتكلم معاه كده بيححلم
-وعد:وانت كي ما عرفتي اخته منو
-ياريتني لو عرفتها كان اتكلمت معاها وفكيت رقبتي منه
-ايمان:😇
-الاء:انا

الاء:انا ماشه الترحيل بتاعي جاء
-الكل:مع السلامه
-ايمان:يلا ياعلا نحن زاتنا نمشي مواصلات بعد ده ما بتتلقي
-وعد:انا الليله ماشه ناس حبوبه ارحكم اقدمكم معاي
-بالجد ارح والله ريحتينا
-علا:انت بتتعبي هو انتي مواصلات واحده بتصلي انا بعديك بركب اتنيين
-خلاص تعالي اسكني معانا
-يارييت لو سكنت معاكم
-ايمان:احتمال
-شنو الاحتمال
-انسي انسي
-لا ما بنسى لازم...
-خلاص يلا ارحكم اتاخرنا
-طيب يلا

-سلمى:ايمان ايمان ارح نمشي لي منى امها جات من السفر
-خلاص كويس..عايني خلينا نتغدى اول
-طيب امشي نادي اخوانك وانا بخت ليكم الغداء
- خلاص كويس انتي ما عاوزة تتغدي
-لالا انا بستنى محمود لمن يجي
-خلاص كويس

- ايمان :عثمان عندي ليك خبر حلو
-اها بشري
-كنا قاعدين انا والبنات آلاء قامت قالت ليها (وحكت ليه الحصل)
- انت جاده يعني امشي بيتهم على طول
-ااي جرب حظك
-اكرم:مبرووك يااخ
-كدي لمن يتم بعداك بارك
-ااي خلاص
وانت اها حاتديها حاجات الشيله متين لانه العرس حايكون في الاجازة
-والله لمن تجي امي
-ايمان:لكن امي ما بتجي لي الشهر الجاي
-لالا قالت اجلته لقت حجز قريب
-كذااب  متين وليه ما في زول كلمني
-انا زاتي كلمتني امبارح بالليل
-وااي اخيرا امي حاتجي اشتقت ليها والله
حظها شافت بريطانيا وااو
-عثمان:انتي نفسك تسافري وين
-العالم كله
-ليه قايله نفسك ماجلان
-اكرم:اضضررب اول مره يتماسخوا عليك وتسكتي
-شوف واستنى انا لو ما درت دول العالم كلهم بعدين اتزكر
-نحيا ونشوف

في بيت ناس مني
-سلمى:الف الحمد لله علي السلامه
-الله يسلمك يابتي
انت كيفك وكيف اسلام الصغيره مالك ما جبتيها
-انت عارفاها لمن تشوف عثمان تاني ما بتجي لي زول مع انه دايما بيجضمها

-السلام عليكم
-هلا وعليكم السلام كيف ياايمان
-الحمدلله حمدلله على سلامتك
-الله يسلمك انتي كيف مع القرايه
-الحمدلله .. انتي بقيتي كيف
-احسن كتيير الحمدلله
وقعدوا مسافه
-طيب ياايمان ارح نمشي
-منى:ما تقعدوا شويه
-لالا بمشي بعد ده محمود بيكون جاء
-طيب ما مشكله يلا سلام
-ام منى :ايمان دقيقه ما تمشي عاوزة اتكلم معاك
-طيب ياايمان انا حاامشي يلا سلام
-منى ممكن تقفلي الباب وراك
-كويس ياامي
-اها ياخالتي
-ايمان اعفي لي في العملته فيك..
سكتت ما اتكلمت
-اسمعيني انا حالتي كانت خطره وممكن اموت في اي لحظه عشان كده انا قلت اامن مستقبل اولادي ولمن عرفت انه عنده مشاعر ليك فما صدقت انه حايلقى بت كويسه ليه وما تكون طمعانه فيه ولا تزعله وواحده اخلاقها كويسه عشان كده اصريت عليك
-بس
#يتبع