#اخرجني_من_لحائي
بقلم محمد النور +تارا
-18-
ايمان: السلام عليكم
مازن: وعليكم السلام كيفك😊
- الحمدلل☺️ه
- الاجازه كيف معاك
- الحمدلله 🙂
- ممكن تجيبي تلفونك📲
- عاوز بيه شنو🤨
- ثواني بس جيبيه😒
-لا انا ما بدي تلفوني لي زول 😏
- شنو 😁
- انت سمعتني😒
- طيب في رقم نهايته 772 ده رقمي لمن اضرب ليك ردي فيه تمام😒😕
- كويس😕
-طيب يلا مع السلامه
- سلام
بعد ما وصلت غرفتها
-الو
- ااي سجلتي الرقم عندك
- ااي سجلتو
-وحكاية ما بدي تلفوني لي اي زول😒 دي حانخليها. 🤚 انا ما كنت عاوز اتجسس عليك ولا حاجه بس كنت عاوز اسجل ليك تلفوني وتاني انا ما اي زول تمام 😒😌
عاوزه ترد ليه كده😄
يلا مع السلامه انا حسي عندي عمليه وما كنت عاوز اتكلم معاك في بيت ابوك عشان لو كوركت ول اي حاجه ما اكورك هناك
😤😤😤😤😤
تم شهر وهو بيضرب ليها يتكلم☹️ معاها ويحكي ليها قصة حياته وهي ااي كويس اها تمام وما في طريقه تقول ليه مشغوله لانه عارفها مؤجزه
وبي هناك ناس منى جو واستقرو في الشقه التانيه لصق شقة محمود
وعثمان عقد علي علا😅♥️
والجامعه حاتفتح
علا: وااي تاني حانرجع لي تلتلة المواصلات😤💔
مني: مازن اخوي قال حايودينا تاني شفتيه الهائن قال مرته ما بيخليها تمشي بالمواصلات وانا عمري كله تلتله وتعب ما حن علي يوم ووداني
ايمان: : كتر خيره الحايودينا غايتو بس اصلا الاخوان كده
اكرم اصلا شغال بدري شدييد لكن الجوز التاني ديك ولا بالغلط
ايمان: ااي والله يلا انا ماشه فوق عندي مكوه
- طيب الله يعينك
-مازن:الو😁
-ايمان :ايوه كيفك ☺️
مازن: الحمدلله انتي اخبارك شنو ورمضان معاك
- كويسه😤😤
- ما ملاحظه انا لي اسبوع ما ضربت ليك ليه ما بتسالي حسي احتمال اكون عيان😒
-(تحك في راسها عاوزة تفكر ليها في عذر) والله ما كان عندي رصيد' وما قاعده اتزكر اجيبه😁
- تعالي اسالي مني ساااي احتمال مت💔
- يعني لو مت انا ما بسمع بيك؟؟😒
- الواحده لمن يقولو ليها كده بتقول بعيد الشر وكلام زي ده انتي تقولي لي لو مت بسمع بيك والله لكن احساس مافي😳
- انت المفترض تكون اتعودت علي كده
اها المهم مالك
- ما فيني حاجه بس سااي قلت اشوفك بتفقديني؟؟
- ايوه دقيقه دقيقه جاايه(بي صراخ كانه زول بيناديها بره التلفون)
يلا اسمعني امي قالت دايراني مع السلامه
وقفلت الخط
وكده كانت كل مكالماتهم
مازن: منى وينها
ايمان: والله الليله ما جايه قالت تعبانه
- خلاص كويس خلينا نمشي
- تمام يلا
بعد دقايق
مازن: اسمعيني ياايمان انتي بتكرهيني؟؟😭
ايمان: شنو ليه قلت كده😕
- لالا تصرفاتك واضحه بتحاولي تفصلي المكالمه وما بتتكلمي معاي بتسمعي بس ليه تصرفاتك معاي كده😪💔💔
-لا انتو كلكم عارفني ما بحب الرجال ومعاملتي مع اخواني زاتها بيشكو منها💔😕
- اخوانك عثمان ومحمود بس اكرم علاقتك معاه كويسه على الاقل😞 عامليني زي ما بتتعاملي مع اكرم😃
-اكرم ده صحبي اكتر من اخوي فما في مقارنه☺️❤️
- خلاص يازوله صاحبيني اعتبريني صاحبك انسي انه انا راجلك💔
- ما بقدر (وهي من جوه زهجاانه☹️😭 وعاوزة تنفجر اول مره تركب معاه في العربيه براها وهو بقى يتكلم معاها عن معاملتها😤 وهي بكره الحاجه دي)😂
-ليه ما بتقدري انا عاوز اسالك سؤال لو انتي بتكرهي الرجال ليه اتزوجتي ليه وافقتي على اي حاجه كان ترفضي وما اظن انك كنت مجبوره😒😤
- مازن ممكن ما تفتح الموضوع ده💔😔
- لا انا عاوز افتحه والموضوع ده لازم يخلص الليله ما ممكن التهميش بتاعك ده🙄😔💔
- مازن حاتسمع كلام ما حايعجبك 😒
- انا عاوز اسمع يازوله بس الموضوع ده يتحسم الليله ما ممكن تتعاملي معاي زي القاتل ليك رقبه😡😡
انا عمري ما اتكلمت معاك زاتو الا بعد العرس
ومستحملك الزمن ده كله لآمتك مساختك برودك لكن خلاص وصلت الحد😏😏😡
- يااخ خلاص العرس العرس قديتني بالسيره دي🌚😒
- شنو😳
- مازن اسكت ما تخليني اقول كلام ما ياهو🤚🤚
-يازوله قولي كلام ما ياهو انا عاوز اعرف الليله في شنو ليه بتعامليني كده😤😤
- طيب اسمعني..
#يتبع
