#اخرجني_من_لحائي
بقلم محمد النور + تارا
-17-
ابوها: اسمعيني ياايمان يابتي انا جاني حاج علي وفاجئني بالموضوع وكل ما ادخل ليه بي باب يطلع لي بي باب تاني وقفلها علي من كل الابواب 😧
ايمان: كان تقول ليه خليني استشيرها اول😠
-كلمته قال لي هي ما حاترفض اصلا هو ولدي دارها ووافقت بيه ..ما عرفت اقول ليه شنو😕
-ليه انت ما راجل ما عندك كلمه ما بتقدر تتخذ قرار😤
(اداها كف)
-انتي اتماديتي والله انا من قبيل بتكلم معاك بالهداوة وانتي بتكوركي انا ابوك ما آخر عيالك انا احترمي نفسك وانتي بتكلميني معاي وكان تصلي لي درجة انك تشككي في رجولتي فاهمه
والعقد بكره وانا زاتي موافق وما حااغير رايي وما تقولي ما جاهزه وبتاع خلي عثمان يسوقك تمشي السوق لي بكره تكوني جاهزه مفهوم وده كلامي الاخير
خلاها بتبكي ومشى
وعد: الو الاء كيفك
الاء: اهلين وعد كيفك
-تمام الحمدلله اسمعيني حااعمل مكالمه جماعيه
-كويس
-علا :اهلين بنات كيف كويسين
-الحمدلله
-ايمان:كنت عاوزة اضرب ليكم حسي
-وعد:في شنو
-ولد جيرانها اخو منى مرة اكرم بكره حايعقد علي مع عرس اكرم
-الكل:مبروووك
-علا:شنو وليه ما وريتينا من زمان
-انا زاتي عرفت حسي ءالمهم انتو معزومين
-الاء:طيب صوتك ماله كده
-ماله
- ما بعرف زي الكنتي بتبكي المفترض يكون صوتك فرحان
-يابت لا ببكي ولا خاجه وفرحانه بس كنت بتكلم مع اسلام اختي واشتقت ليها عشان كده(ياريتك كنت معاي انا حسي ما عارفه اعمل شنو)
-الاء:اكيد ح نجي نحن ما زي اسلام وحانكون معاك
-يديكم العافيه بس عاوزه واحده تمشي تعزل معاي الفستان
-علا:سوقي وعد لانه زوقها حلو فينا
-هي مالها ساكته
-اسكتو انا حاسه بالبوره خلوني واحساسي
-😂ما بتبوري انت احلى واحده فينا ونحن كلنا اتخطبنا معناها انت اكيد حايخطبوك
-يابتي الشي ده قسمه ما جمال حسي انت ياالاء جاده السنه الجايه حاتجي بي حنتك وكده يعني
-ااي مالك زي الما مصدقه
-وعد:تتزكري ياوعد اخر ايام لمن كانت بتطلع بدري الكلبه ما ورتنا انه موضوع احمد حايبقى رسمي وكده تطلع وخلاص
-ااي لكن ياخ انا نفسي ما متزكراها الساعه ديك اتزكركم انتو ما مهم بس
-خليكم منها اها ياوعد تمشي معاي
-ااي اكييد بس ما بمشي السوق واجي فاضيه😌
-ما مشكله بس امشي معاي
-بهظر معاك يابتي خلاص بجيك قبل العصر نصلي العصر ونطلع عشان نصل بدري
-كويس .. عايني جيبي معاك حاجاتك تعالي بايته معاي مره واحده
-خلاص كويس بكلم امي لو رضت
-وااي حظكم ياريتني لو كنت م
عاكم
-انت خليك في همك عرسك فضل ليه شهر ونص
-يلا انا زاتي حااقفل مع السلامه
بعد قفلت
-والله ياعلا عملتي فيها خير
-ااي لكن البوريها بقتله
-يعني احمد ما حايوريها
-لالا انا حذرته والله تعرف اني انا اتكلمت مع احمد ممكن تقتلني خليها كده بس
-ااي يلا مع السلامه انا ماشه عندي شغله كتيييره والضيوف بدو يكترو
-طيب مع السلامه
يوم العرس
-اكرم:ايوه ياايمان قالو عاوزاني
ايمان: ااي الموضوع ضروري
-في شنو قلقتني
والباب فتح
_اسلااام😍 مشتاقين والله
وبقو يحضنو في بعض ويبكو
ليه ما وريتيني انك جايه ياكلبه
-حمدلله ع السلامه ما شاء الله ما قلتي ما جايه
-هي معقوله ما احضر عرسك اكون اتلومت
-والله ولا اتوقعتك..وين اولادك
-بره مع ابوهم
-محمد زاتو جاء لا ماشاءالله طيب انا ماشي ليه
-جيب لينا معاك نور
-خليني اشبع منها
لكن هي ما صغيره كيف قدرتي تجيبيها
-كله يهون عشانكم
-تسلمي يلا
طلع وايمان تاني رجعت تبكي في كتف اسلام وهي تسكت فيها وتهدي
خلاص حبيبتي كل حاجه قسمه
ومازن والله زول كويس عايني ليه المده دي كلها ما حاول يضرب ليك ول يزعجك واداك خصوصتك معناها اكييد زول كويس
-لا هم ليه يعملو فيني كده اي حاجه بالغصب
-هم ما عارفنك ما دايراه عشان كده ما شايفين نفسهم غصبوك بي حاجه بعدين انت زاتك غلطانه كيف تقولي لي ابوي كده
-بس انا كنت في حالة غضب
-صحيح ابوي ده صاحبنا واي خاجه بس ما تتمادي في الكلام معاه هو ما عثمان ولا اكرم
-انا حسي خلاص زهجت وقبال ما تجي بي شويه كنت عاوزه اكلم اكرم بس انتي جيتي
-الحمدلله الجيت انتي عاوزه تخربي حياته ول شنو جنيتي وانتي اهو جبتي الفستان وجاهزه اكرم كان حايعمل شنو بس ما حايتهنى بي عرسه حايفكر انه هو السبب بي الحصل ليك وبس
وانتي لو اصلا بديتي وضحيتي تمي تضحيتك
واكرم جاء داخل
-تضحية شنو
- لالا بحكي ليها قصة واحده صحبتي
-واااو نوور خليني اشيلها😍
- ام ايمان:اسلام حمدلله ع السلامه الله يسلمك
ءالمهم
تم العقد والعرس زي بالعصر كده
وبعد يومين اكرم ومنى سافرو فرنسا
بالليل تلفون ايمان ضرب
عملته صامت وطنشت عارفاه مازن
وفضل اسبوع يحاول يدق ليها بس هي ما بترد
جاهم في البيت
-ياهلا بيك يامازن
-اهلين محمود كيفك
-تمام الحمدلله
-اها كيف مع الشغل
-والله الحمدلله انت خبرك شنو
-انا حااسافر مع سلمى واسلام الصغيره بعد شهر كده
-والله ما شاء الله واسلام الكبيره قاعده مش
-ااي اجرت ليها بيت قالت حاتقعد لمن يجي عقد عثمان
-ايواا ...داير اقول ليك شنو (وهو بيحك في راسه)
-اتفضل
-ممكن تنادي لي ايمان
-اكيد طبعا
-ثواني بس
-ايمان مازن قال عاوزك
-شنوو😳
#يتبع
