هيڤا
أعلم جيداً من وراء هذه الامور ولكن لماذا تفعل هذا
ماذا فعلت لها لتوقعني مع زياد وهي تعلم جيداً ان زياد لا يستحمل الاعيب كهذه مسحت دموعي واردت الخروج من الحمام ولكن استوقفني دخول ليليان
نظرت اللي باستهزاء وتكابر ووقفت لتغسل يدها
ليليان : بعدج مشايفة شي يحلوة خلي احمرار عينج لبعدين
هيڤا : انتي شتردين مني ؟ ليش دتسوين كل هذا؟
ليليان : شو انتي تخربين وتذبيها براس غيرج؟
هيڤا : ثنيناتنا ندري اني مطاخة شي وثنيناتنا ندري عينج على زياد فلتسوين هلسوالف مال مزعطة
ليليان : خيالج واسع ترا
هيڤا : شوفي حبيبتي لتشوفيني ساكتة يعني حظل ساكتة ترا توصل حدها يمي ومتعرفيني
ليليان : لتتحدييين
هيڤا : ممتحداية احد بس انتي ابعدي عني
ليليان : مجاية يم احد اني
هيڤا : ترا محد حاط عينة عليه فلتسوين هلسوالف مال جهال تمام يحلوة؟
احمد : صيح البنية خل تجي تعدلهم
زياد : ما اصيح احد اني
احمد : دتكلك تكدر تعدلهم هي صيحها زياد مناقصيين مشاكل ننطرد كلتنا
زياد : ما اصيح صيحوها انتو
فوجئت بها تدخل بهدوء تتجه نحو التحاليل تقوم بتعديلها وتخرج بهدوء
احمد : وين
هيڤا : اكمل شغلي
احمد : انتي متأكدة تعديلج صحيح؟
هيڤا : اييي
زياد : طبعا هي مخربطاهم اكيد حافظة التعديل
هيڤا : ممخربطة شي
زياد : لعد شلون عدلتيهم؟
هيڤا : هيج عدلتهم
زياد بصوت ناصي : شفتوا شلون خافت وجتي بدون محد يصيحها
احمد : عوف البنية
هيڤا : علفكرة جيت عدلتهم مو لخاطر احد ولا خوفاً منك
ميحتاج احد يصيحني عندي ضمير مو مال اخلي المرضى يتعذبون ويانا وتتخربط التحاليل علمود قواية راس لو شوفة نفس محيفدوني
نظرت الى عينه نظرة تحدي وخرجت
احمد : اوفففف
سمر : بعدها متعرفة زين
انجي : خل اطلع من الغرفة احسنلي
زياد بعصبية : ولا صوت ما اريد اسمع
تركتهم وخرجت لو رأيتها امامي سأقضي عليها حتماً
ليليان : شبيك معصب ؟
زياد : ما بيا
ليليان : هم هاي عصبتك؟
زياد : ليليان شوفي شغلج رجاءاً
ليليان : لتديرلها بال متستاهل عصبيتك
زياد بصراخ : ليليان شوفي شغلج دا اكول
هيڤا : وخررر ايددددك شهلحركاااات
يا له من متخلف فليساعدني احد الم يسمعوا صراخي
لم اشعر سوى بشخص يسحبني بقوة ويتكلم مع المريض
انه زياد نظرت اليه لقد اصبح وجهه شديد الاحمرار وعروقه باتت بارزة جداً خصوصا عروق رقبته وهو يتكلم بعصبية
صدمت بردة فعله خصوصا معي انا
شكرته على مساعدته تلك نظر اللي ولم يتفوه بحرف
عاد الى مكانه اكملنا عملنا بشكل طبيعي الى ان حان وقت الغداء خرجوا جميعهم ما عدا زياد
اخذت التحاليل الى مكانها فلم يتبقى شيء أفعله
نظرت اليه انه يسند برأسه على الطاولة امامه استجمعت شجاعتي وذهبت اليه
هيڤا : اكدر اكعد ؟
زياد : محد لازمج
هيڤا بهدوء : انت ليش هيج؟
نظر اللي واعاد برأسه على الطاولة
هيڤا : هيج يعني
زياد : شتردين؟
هيڤا : ليش كابت كلشي بكلبك؟
زياد : مكابت شي
هيڤا : هههههه ضحكتني
زياد : محد كلج ضحكي ماكو شي يضحك
هيڤا : هاي المكابت شي تضحك بيها على غيري
زياد : كلت ما بيا شي اذا ما عندج شي مهم روحي لشغلج
هيڤا : ما عندي شغل انت تحولي المرضى ودتشوف ماكو ولا واحد
زياد : اوك
هيڤا : ابجي ليش حاصرها؟
زياد بعصبية : كتلج محاصر شي
هيڤا : وهاي ردة فعلك اكبر دليل على انك رايد تبجي وعلى انك ضام شي بكلبك ومدا تكدر تطلعة لاحد ودتاكل بروحك
زياد : دا اكلج ما بيا شي
هيڤا : مو عيب اذا بجيت ومو عيب اذا اعتبرت واحد بينا صديقك المقرب وفضفضتلة مو عيب ابداً
زياد : رجاءاً لتتخطيين حدودج
هيڤا : ممتخطية حدود مجرد زميلي ودا احاجيه
زياد : مو زميل احد اني
هيڤا : انت دترفض الكل من ورا ردة فعل قديمة عندك لتنكر
زياد : ما عندي شي سكتي شوية اجى مريض
هيڤا
ينظر الى المراجع والى الحاسبة لا يعلم ماذا يضغط يداه تتحرك بتوتر يحرك عينه الى الجانب يريد ان يطلب المساعدة ولكن كرامته لا تسمح ابتسمت واخذت القلم من يده
هيڤا : وخر حتسجل المعلومات غلط
زياد : جيبي القلم
هيڤا : الحجي دينتظر اسجلة معلوماتة ويصير خير
زياد : جيبي دا اكلج
هيڤا : زياد هذا شغل مو تحدي هو وخر محتكدر تسجل شي
نظر اللي باستسلام ونهض
اكملت عملي مع هذا الرجل وعدت اليه لم يكن موجود حسناً كما توقعت خرج من الحمام وعينيه شديدة الاحمرار
هيڤا بأبتسامة : دورلك جذبة تكولها لاحمد
زياد : ؟؟؟؟؟
هيڤا : سبب عيونك الحمرة
زياد : هي تتحسس
هيڤا : حلو خوش جذبة
زياد : مو جذبة صدك تتحسس
هيڤا : واضح
زياد : خليج بشغلج
سمر : يلاا تعالوا ناكل
هيڤا : مطولتوا
سمر بهمس : مبين عجبج الجو بوحدكم
هيڤا : لج لااا بس عبالي تطولون
سمر : ديلا عينيي يلاا تعالوا
ليليان : يلا زياد متجي ؟
زياد : لا شكرا
احمد : جبتلك لحم بعجين يول
زياد : بالعافية
ليليان : دتعال لخاطري
زياد : كلت ما اريد
سمر : عوفوا يلا احنا ناكل
هيڤا : بالعافية اني مجوعانة
ليليان : اني هم مجوعانة
انجي : هسة جنتي كاتلة روحج وميتة جوع
ليليان : لا شبعت
سمر : امشي اكلي وبطلي هلحركات
ليليان : مجوعانة ما اريد
احمد : خلوها براحتها
ليليان : ليش ضايج يحلو شبيك؟
زياد : ...
ليليان : شمسويتلة ليش ميجاوب؟
هيڤا : اكلت لسانة
ليليان : احجي عدل
هيڤا : شو تعاركين روحج انتي
ليليان : وخري دا اشوووف وخررري
زياد
انظر اليهم وهم يتشاجرون ليليان لو كان بيدي لكنت طردتها منذ وقت طويل وهيڤا لقمت بالصاق فمها طوال حياتها لأول مرة ارى شخصيتين متناقضتيين يعملان معي
لم يسكتوا لثانية
بعدما ذهبت ليليان فوجئت بيد هيڤا تمتد نحوي مع قطعة محارم نظرت اليها بأستغراب
زياد : نعم ؟
هيڤا : امسح عينك زين ترا الدموع واضحة
زياد : دموع شنو؟
هيڤا : زياد لتعاند ولو لمرة واخذ راح يعرفون انو بجيت
زياد : مباجي كتلج
هيڤا : علفكرة نازل دمعتيين على قميصك دورلك جذبة قبل مينتبه احد منهم
زياد : محد محينتبه
هيڤا : ماي طفر من المغسلة خوش جذبة؟
زياد : كتلج مباجي وماكو شي مطفر
هيڤا : علفكرة محتاج تبجي بعد اخذ الكلينكس وامسحها خلصوا اكل
زياد بتهديد : حسج عينج اسمع من احد عرف انو اني باجي
هيڤا : مو طفلة اني علمود اروح افتن
زياد
واخيراً انتهى يومنا لقد كنت متعب لم اريد شيء سوى العودة الى المنزل اشعر بشيء ثقيل على ظهري اريد التخلص منه حتى لم اودعهم كل ما فعلته هو ركوب السيارة والتوجه نحو المنزل لشدة تعبي لم ادخل الى المنزل واخبر والداي بأنني وصلت توجهت فوراً الى غرفتي تلك الغرفة الصغيرة التي قمت ببنائها بيدي تلك الغرفة التي تأخذ حيزاً صغيراً من حديقة المنزل هي عالمي اجل عالمي فهي تحتوي على كل شيء احبه فيوجد بيها سريري المتواضع البسيط مع مكتبة بحجم متوسط تملأها الكتب اضافتاً الى كتب مرصوصة باحدى الزواية تنتظر أن يفرغ لها مكان
وتلك الطاولة الخشبية الصغيرة مع كرسيها الخشبي الموضوع عند نهاية السرير
تبقى شيء اخير تلك العلبة السوداء التي اضعها بجانب رأسي يوجد بها كل حياتي يوجد بها ابتسامتي ، فرحي ، دموعي ، قلبي ، عقلي وانا كلي بهذه العلبة
، سحبت نفسي ووضعت رأسي على الوسادة أحاول النوم او بشكل اصح احاول الكذب على نفسي واوهم نفسي بأنني سأنام
أغمضت عيني ها هي تظر أمامي لا أستطيع نسيانها
انها تبتسم تطلب مني أن اعود كما كنت لا أستطيع
حقاً لا استطيع لا تطلبي مني شيء كهذا فأنتي كنتي كل حياتي انتي التي كنتي تحكمين بمزاجي انكي تعلمين هذا جيداً تبتسمين فأعيش حياتي سعيداً تحزنين تصبح حياتي سيئة الىىى درجةة فما بالكي بعدم وجودكي في حياتي ؟
كيف تطلبين ان ابتسم وانا اصبح بعين غير عينكي ؟
وضحكة ليست كضحكتكي فلا توجد ضحكة بهذه البرأة ابداً
حسناً يكفي انكي تطلبين شيئاً فوق طاقتي
نهضت من مكاني وجلست على الكرسي اكتب كما افعل دوماً الى ان يحل الصباح واذهب الى العمل
هيڤا : يلا حبيبي هاي اخير لكمة
جود : شبعت
هيڤا : لخاطري يلا حبيبي انت
جود : تمام
هيڤا : شنطولك اليوم بالروضة؟
جود : عجبهم التلوين كلش ويردونا نرسم شي من خيالنا
هيڤا : والحلو شنو ديفكر يرسم ؟
جود : خلي نغسل المواعين واشوفج
هيڤا : لا حبيبي اكعد انت هسة اني اغسلهم واجيك
جود : حاظر
هيڤا : شطوور
جود : مامااا
هيڤا : ها حبيبي
جود : بلا زحمة تكدرين تجيبيلي ماي وياج
هيڤا بضحكة : من هلعين قبل هلعين
جود : اسف طلبت منج بس لان تدفيت
هيڤا : اووخ فدووة للي يكول أسف لتعتذر حبيبي شكم جود عندي اني ؟
جود : بس انييي
هيڤا : يلا راوينييي
جود : شووفيي اريد الونهم بالباستيل
هيڤا : يلا ماشي خلي نشوف شحيرسم الحلو
جود : انتي عوفيني اني ارسم واجي اشوفج
هيڤا : ماشي حبيبي اني حتمدد علما تكمل
جود : تمام
هيڤا
قبلت رأسه و أتجهت نحو السرير البسيط الذي يجمعني بجود الذي هو الحياة بالنسبة اللي
تذكرت زياد ابتسمت بشكل لا ارادي انه رجل رائع لا اعلم لماذا يعكس جانبه السيء ؟ لا اعلم لماذا يقوم بتجريح الجميع والقسوة عليهم
عندما بكى اليوم شعرت بأنه كالطفل الذي يهرب الى حظن والدته عندما يوبخه والده فيركض اليها مسرعاً ليحتمي بها
اليوم شعرت أنه بحاجة الى شخص يحتويه
لم أشعر سوى بجود يقبلني نظرت إليه وأبتسمت ابعد الغطاء وحاوط خصري بيديه الصغيرتيين
7:15 am
هيڤا
وصلت الى المستشفى لم يكن يوجد احد بالمختبر سوى ليليان وزياد لماذا ينظر اللي هكذا النار يتطاير من عينه ماذا حدث توجهت نحوهم لاقلي السلام فوجئت به يمسكني من ذراعي بقوة ويصك على اسنانة ويتحدث بعصبية
زياد: انييي شكايللللججججج
هيڤا : شكو زياد شبيك
زياد : اسمي متنطقييي اسمييي مينطققققق
هيڤا : أيدك وجعتني
زياد : اني مبارحة شكتلج؟
هيڤا : شكلت ليش انت تحجي مثل الناس
زياد : لتطلعيني من طوري اني شحاجيييي
هيڤا : كول شحاجي وفضني ما اتذكر
زياد : مو كتلج حسج عينج اسمع احد داري بموضوع البجي ؟
هيڤا باستغراب : محجيت لاحد والله
زياد : لتحلفين الله جذب لتحلفييييين
هيڤا : والله مدا اجذب مكايلة لاحد
زياد : لتجذبين ما اصدكج بس منا ورايح حتشوفين غير زياد
هيڤا : عود شلون جنت
زياد : لسانج ميطوووول
هيڤا : دا اكلك محاجية شي محاجية اصلا نسيت السالفة
زياد : وليليان؟ والبقية ؟ مو جنت حديثكم مبارحة؟
هيڤا : اصلا اني طلعت وراك كبل ومحاجيت احد بيهم
زياد : هو اني شتوقع من امثالج ؟
هيڤا : احترم روحك واعرف شدتحجي
زياد : الكل محترم روحة هنا عداج حدودج متتخطيها
هيڤا : انت وخر ايدك ترا تخطيت حدودك هواية
ليليان : عوفك من هيج نماذج لتوصخ ايدك بيهم
زياد : مو انتي الي حتعلميني ويامن احجي ثنينكم تخطيتوا حدودكم فالزموها واعرفوا انتو شنو بعدين تعالوا احجوا ويايا فاهمين
هيڤا : شووو دوخررر
ابعدت يده وخرجت لقد وعدت نفسي بأن لا أبكي مجدداً
لن تنزل هذه الدموع مرة اخرى سحبت نفسي وتوجهت الى
روضة جود اخذته لنذهب الى دار المسنين المكان الذي ارتاح به واشعر انني انتمي اليهم
جود : ماام
هيڤا : ها حبيبي
جود : وين رايحين ؟
هيڤا : لمكان جديد وكلش حلوو
جود : ملاعيب ؟
هيڤا : لا رايحين نشوف جدو وبيبي هواااية ونسولف وياهم ونشرب جاي ونتسلى
جود : صددددك عدهم هناك بيبي تقرا قصص؟
هيڤا بضحكة : اييي حبيبي اكو حكوللها تقرالك قصة
جود : الله شوكت نوصل ؟
هيڤا : هسة نوصل مبقى شي
هيڤا : مرحبا
سلوى : ياا اهلااا مشتاقيلج والله
هيڤا : حبيبتي اني الاشوق شوية التهيت شخباركم
سلوى : بخير ديسألوني عليج خصوصا توفيق
هيڤا : والله مشتاقتلة هو جيت احاجي محتاجة لحجية كلش
سلوى : جود الحبو منورنا اليوم
هيڤا : جوود بعد من هسة ورايح حيجي ويايا
سلوى : مو بعدة صغير يزور هيج مكان؟
هيڤا : لا بالعكس لازم اعلمة من هسة يزور هي اماكن علمود يتعلم شلون يخالط ناس وعلمود يحمد الله على اللي عندة يا وعلمود ميتذمر ابد ويشوفهم شلون عايشين
سلوى : براحتج بعد لا هلشي يأثر على نفسيتة
هيڤا : لا محيأثر جود عقلة جبير واني فهمتة الوضع
جود : يلااا مااام خلي نفوت
هيڤا : هسة خالة سلوى تاخذنا يمهم
جود بضحكة : دتضحك ويا نفسها
هيڤا : عيب حبيبي لتضحك روح سولف وياها حتحبك
جود : محتأذيني ؟
هيڤا : لاا حبيبي هي تحب الجهال خصوصا الحلوين مثلك
جود : مو جاهل اني رجال
هيڤا بضحكة : واحلللى رجاال يلا حبيبي روح العب وياهم
جود : تمااام
هيڤا : سلوى ديري بالج عليه اني رايحة يم توفيق
سلوى : بعيني
هيڤا بأبتسامة : صبااح الخيير
توفيق : هلا ببنتي مشتاقلج حبيبتي
هيڤا : اسفة والله تأخرت عليك بس بلشت شغل وجود فما اكدر اجي بشكل دائمي
توفيق : خوما نسيتي اللي وصيتج عليه؟
هيڤا : انسي روحي وما انسى شي انت طالبة مني وهذا طلبك
توفيق : مجان اكو غير الماروني ؟
هيڤا : والله وصيتلك اسود كال خلي احط بي حبر بس اني جنت مستعجلة كتلة انطيني الماروني هسة وبعدين امر اخذ الاسود
توفيق : لا بنتي اني ردت بس واحد
هيڤا : هسة شنو قيمتة هو قلم
توفيق : هلنوعية تصير غالية
هيڤا : ميغلى عليك شي
توفيق : منو مبجي بنتي الحلوة؟
هيڤا بأبتسامة : محد
توفيق : تضمين عليا من شوكت ؟
هيڤا بألم : واحد ويايا بالشغل حاط دوبة ويا دوبي يصيح عليا كدام الكل ويكلي شتوقع من امثالج ويكلي انتي مينظم يمج سر والله صار موقف محجيتة لأحد والله حتى اني نفسي نسيتة لان شي يخصة واليوم من الصبح عصب عليا وصيح كدام وحدة من البنات واكلة محاجية شي واحلفلة يكلي لتحلفين بالله جذب واني بحياتي كلها ممجذبة ليش هيج ديسوي شمسويتلة اني علمود هيج يسوي بيا
