هيڤا
بينما كنت اراجع بعض الاوراق سمعتهم يتحدثون
لينا : ضربتة كلش قوية
احمد : الله سترة والله
انجي : هيڤا رحتي شفتي زياد؟
هيڤا : ايي تطمنت عليه اول مجيت
ليليان : ليش متكولين جنتي نايمة يمة
هيڤا بتعب : الله يخليكم سكتوها اترجاكم
ليليان : ليش يسكتوني لان كلت الحقيقة
هيڤا بعصبية : حقيقة شنووو يلاا كوليلي يا حقيقة دتحجين بيها؟ وين شفتيني ؟ شنو جنت نايمة بحضنة؟ يلا ششفتيني ؟
ليليان : يحلوة اللي يعصب يعني صدك مسوي الشي
هيڤا : والحقاني ميعصب ؟ كوليلي ششفتي ؟
ليليان : تجذبيني وتكولين انو مجنت نايمة يمة ؟
هيڤا : لا منايمة يمة
ليليان : ومنو طلع من غرفتة ديبجي الصبح؟
هيڤا : اول شي هاي متتسمى جنتي نايمة يمة هاي تتسمى جيتي تزوري وبعدين ما الج دخل ليش جنت ابجي
ليليان : صح انتي متبجين متعودة علنوم بصف الولد
هيڤا بعصبية : ليش اني مثلججج ؟؟؟
ليليان : متوصلين لربعي
هيڤا بتعب : الله يخليكم اخذوها من يمي رجاءً يعني ترا اعصابي تعبانة يكفي هيج مهزلة
احمد
سحبت ليليان من يدها واخذتها الى الحديقة
ليليان : اترك ايدي
احمد : انتي اتركي البنية بحالها
ليليان : هي دتتحارش
احمد : شسوتلج؟
ليليان : محد مكاللها تتقرب على شي يخصني
احمد : منو اللي يخصج؟
ليليان : زياد والكل يعرف شكد احبة
احمد : انتي كلتيها انتيي تحبيي انتييي مو هو كلتي هو يحبج شي ؟
ليليان : لا هو عندة شي تجاهي بس هو يكابر
احمد : انتي عقلج بي شي ؟ بس جاوبيني بي شي عقلج؟
ليليان : ليش شحجيت؟ كلت شي غلط ؟
احمد : الكل يعرف انو انتي كاتلة روحج عليه وهو ولا يمج والولد ميفكر بولا بنية ان جانت داخل المستشفى او خارجها ما اعتقد انتي غشيمة
ليليان : يكفي اني احبة وافكر بي
احمد : ليليان شوية فكري بعقلانية المفروض تاخذين اللي يحبج ويهتم بيج مو اللي انتي تحبي وتهتمين بي
ليليان : هسة اني مرتاحة هيج يا اخي وكوللها متتقربلة فهمها انو زياد خط احمر
احمد : البنية مو من هلنوع وهي بحالها من اول مجتي لحد هلحظة فيكفي ليليان لعب جهال
ليليان : محد ما الة دخل بيا
5:00 PM
هيڤا : تحتاجون شي ؟
لينا : لا حبيبتي سلامتج
هيڤا : عن اذنكم
احمد : خلي نوصلج
هيڤا : لا شكراً هم اروح اخذ جود من صديقتي
احمد : مو مشكلة اني اوصلج
هيڤا : بس
احمد : امشي امشي حالج حال البنات
هيڤا : تمام
انجي : بس نصعد نتطمن على زياد ونطلع
هيڤا : اني منتظرتكم هنا
لينا : متصعدين؟
هيڤا : لاا
انجي : دمشي ويانا عيب نسلم عليه وننزل
هيڤا
لا استطيع اخبارهم وان بقيت ارفض صعودي معهم سيشعرون ان هناك خطباً ما سأصعد ولكن لن ادخل
وصلنا الى الغرفة كان والداه وشقيقته بجانبه دخلوا جميعهم بقيت انا عند الباب نظرت اليه نظرة خاطفة
ما هذا الوجه هل يوجد وجه عديم المشاعر هكذا ؟
لا يبتسم ولا يبكي ، لا يفرح ولا ينزعج
فقط ينظر بكل برود حتى انه لا يبتسم بوجه زملائه
ابعدت نظري عنه وسندت ظهري على الحائط
لينا : ليش مدخلتي ؟
هيڤا : الغرفة هوسة واني ما اعرف اهلة استحيت
لينا : لج عادي خالة وعمو حيل حبابيين
هيڤا : ميخالف اني باجر امر اشوفة
لينا : براحتج
احمد : شبيج حبيبي
مينا بتعب : خايفة على زياد
احمد : لتخافين حيتعداها
لينا : يالحنيييين يلااا تأخرناااا ورانا اهل
احمد : ساعة سو لزمتكم بيها خط
مينا : دقيقة انتي شايفتج
لينا : لج شبيج اني لينا
مينا : لا اللي وراج
هيڤا بأرتباك : اني ؟
مينا : ايييي انتيي مو هي
هيڤا : لا يجوز مخربطة اني ما عندي هواية طلعات
مينا : بس اني متأكدة شايفتج و وياج طفل صغير
هيڤا بأرتباك : لا حبيبتي مخربطة ، احمد اني حروح يدوب تلحك ترجعهم
احمد : لا شسالفة كلت اني ارجعج ويانا خلص امشوا
هيڤا : لا اخذ راحتك ويا خطيبتك
لينا : لا لازم يرجعنا يلا يالرومانسي
انجي : يلا احمد والله تعبنا
احمد : ايييي هي دقيقتين وكفت احجي وياها
لينا : يلا احنا سابقيكم
احمد : تحتاجين شي عيوني
مينا : بس زياد يكون بخير
احمد : حيكون ولا يهمج اني ارجعهم واجيكم
مينا : خووش منتظرتك
احمد : ماشي حبيبي
مينا : الله وياك
هيڤا : هلو
سلوى : يا اهلااً فوتي
هيڤا : لا بس انطيني جود دا اروح
سلوى : دفوتي ماكو روحة اليوم
هيڤا : لا حبيبتي تسلمين والله
سلوى : لج دفوتييي يا تسلمين شهلحجيي
هيڤا : شكراً والله راح انثكل عليكم اليوم
سلوى : دسكتي سكتي
جود : ماماااا
هيڤا : روح ماما عمر ماما انت
جود : خالة وعمو كومة لعبوا ويايا وشوفي عمو شنو جابلي
هيڤا : مرحبا خالد شلونك ؟
خالد. : بخيير انتي شخبارج
هيڤا : الحمد الله ليش كلفت نفسك مجان اكو داعي
خالد : مثل ابني هو
جود : نكمل لعب ؟
خالد : صار وكت التلوين يحلو
جود : يلااا اليوم نطونا الوان باستيل
سلوى : هيڤا تعاي انطيج ملابس وبدلي لتبقين بملابس الشغل
هيڤا: اوووف تعبت والله
سلوى : تعاي احجيلي شصار
هيڤا : نفس الشي بس تعبت ومليت يعني وصلت لنقطة كرهت بيها كلشي
سلوى : حجى شي وياج النفسية؟
هيڤا : عادي كلعادة يعني بس اني تعبت يعني مدا اتحمل لا اللي بالشغل ولا طلبات جود مدا اكدر اوفرلة كلشي
سلوى : ابو حسام منطاج الراتب ؟
هيڤا : خابرني يكلي بعد منريد مدرسة
سلوى : واذا حقج مال هذاك الشهر
هيڤا : يكلي انتي ما عندج شهادة تدريس ما الج حق تطالبين براتبج
سلوى : يحظي روحي طالبي
هيڤا : لا خلص عوفي ما بيا حيل. مشاكل وين اكدرلهم اني يكتلوني ويدفنوني واني الممنونة
سلوى : والله يا عيني ما اعرف شكلج
هيڤا : بس انطيني ملابس دا افوت اسبح والباقي ذبي على الله
سلوى : هاج حبيبتي شوفي ياهي اللي تعجبج والبيت بيتج
هيڤا
اخذت الثياب ودخلت الى الحمام اشعر بالاختناق اريد البكاء لا شيء اخر فقط اريد اخراج هذه الطاقة السلبية مني
اريد ان اشعر بالراحة الراحة فقط لا شيء اخر
لا يوجد شيء يجعلني اتمسك بالحياة سوى جود
اظن انني اخطأت بالتمسك به كان يجب ان استمع الى كلامهم ولكن لم استطيع التخلي عنه
سحبت نفس لعلي اهدأ قليلاً
ارتديت ملابسي وخرجت
اكملنا عشائنا استأذنت منهم اخذت جود ودخلنا لننام
حاولت ان اغفو قليلاً ولكن لم استطيع اغمضت عيني
فوصلت رسالة الى هاتفي
⁃ هلو
⁃ عندي موضوع كلش مهم اذا شفتي رسالتي اكون بأنتظارج
هيڤا : ؟؟؟
⁃ شوفي حبيبتي الاحسن الج تتركين الشخص اللي دتمشين ويااا علمود يصير خير بيني وبينج
هيڤا : نعم ؟
⁃ لتسوين روحج غشيمة ومتعرفين المن اقصد
هيڤا : شكاعد تحجين انتي ؟
⁃ اني اعرف شكاعد احجي وانتي همين فاهمة اللي دا اقصدة كلش زين وهذا الشخص ينترك يعني ينترك وترا شفتكم سويا ماكو داعي تغشمين روحج
هيڤا : من تجيبين دليل على كلامج وتحجين ويايا وجه لوجه وراها نحجي بهلسالفة
⁃ اكيد راح اجيبلج دليل بس اني دا احجي وياج بعقل ودا اطلب منج بكل احترام انو تعوفيه !
هيڤا : دا اكلج جيبي الشخص اللي دتحجين عليه
او جيبي دليل على اللي دتحجين
وحيصير بيناتنا حجي وبعقل همين
⁃ اذا تردين انطيج اسمة لهذا الشخص !
هيڤا : تفضلييي
⁃ زياد
⁃ تعوفيييه
هيڤا : انتي منو ؟
⁃ شي ميخصج بس تعوفي ما ادري شنو ممكن تسوين بس هلشخص ينعاف
هيڤا : اول شي ماكو شي من اللي حجيتي ثاني شي انتي منو؟
⁃ زياد يعرفني كلش زين ماكو داعي انتي تعرفين
هيڤا : وانتي منو كلج اني اعرف الشخص اللي دتحجين عنة؟
⁃ بعيني شفتكم سويا مراح اجي اتبلى عليج اني
هيڤا : حبيبتي شتتبلين ؟
دا اكلج شوفيني بعيني اللي شفتي وتتدللين يصير خير
⁃ شتردين يعني اصورج من تكونين يمة ؟
هيڤا : شتصورين عيوني ؟
⁃ اصورج من تكونين يمة
هيڤا : شكون يمة انتي شكاعد تخربطين ؟
⁃ من وراج هو عافني
هيڤا : يابا اني شعليا هو شنو من ورايا هو عافج
⁃ قبل متفوتين لحياتة جان وقتة ونظراتة كلها اللي بس انتي دخلتي حياتة مصار يديرلي بال لان حضرتج ماخذتة
هيڤا : ياااا هاي شكاعد تحجين
⁃ مستغربة مو ؟
هيڤا : لاا
⁃ تدرين ليش ما مستغربة ؟
⁃ لان اكو بنات تاخذ ناس مو مالتهم اصلا
⁃ وانتي من هلبنات تضحكين على احباء غيرج
هيڤا : 😂
⁃ يلة رايحة
⁃ وياريت تودعيه اليوم او باجر ودعيه براحتج
⁃ المهم تكونين خارج حياتةة
هيڤا : خوش
⁃ سلام
......
هيڤا
من هذه المجنونة ؟ هل ينقصني مجانين انا
ولكن كلامها اغضبني حقاً من هو زياد الذي بسببه استمع لهكذا كلام ؟ حسناً سيأتي الغد وسأعلم ما الذي سأفعله
فلتنتهي كل هذه المهزلة
احمد : مينا بس ابقي شوية من بعد اذنك عمي
صادق : فوتوا للحديقة ابني عليش تبقون بالسيارة سوي شي لخطيبج بنتي
احمد : لا عمو ما اتاخرر بس اسالها على شغلة وارجع
صادق : اي دفوتوا للحديقة واحجوا
احمد : ماشي
مينا : كول حبيبي
احمد : متذكرتي وين شايفة هيڤا ؟
مينا بتفكير : بلييي بس توعدني متكول لاحد خصوصا زياد
احمد : وداعة عيونجج حيبقى هلحجي بيناتنا
مينا : هي اللي زياد تعارك علمودها
زياد بصدمة : متأكدة ؟
مينا : ايي والله بس زياد كال لتكولين لاحد
احمد : ماشي عمري يلا فوتي
مينا : تصبح على خير حبيبي
قبلت خده ودخلت
زياد
ذهبوا جميعهم استندت بيدي على الحائط ووقفت امام النافذة نظرت الى السماء
تذكرت وقوفها في الخارج حتى انها لم تنظر اللي ابداً
حسناً تصرفي معها كان مبالغ به
لم يجب أن اتصرف هكذا هي لم تفعل شيء لاصرخ في وجهها بهذه الطريقة
ولكن وجودها في هذا الوقت كان خطأ
لا يجب ان تتواجد معي بهكذا اوقات
يا ترى ماذا تفعل الان ؟ هل كرهتني ؟
اذا كانت تملك مشاعر نحوي هل ذهبت هذه المشاعر ؟
هل ستتخلى عن يدي بعد ان امسكتها ؟
7:30 am
زياد
صَباح الياسمِين من قلبْ يُحبُكِ
مِنْ قَلم يذُوبْ عِند وصفكِ حبيبتي
وحروف تتَخبطْ عند كتابتك صَغيرتي
وصوتْ يتلعَثم عِند ذِكركْ ملاكي
صَباح الحبْ كلهُ , والضياع كلهُ غاليتي
فاِني احترتُ بْين وبينْ
بين أن اقوُل صَباح الخَير يا روُحي ..
أم الخير صَباحُكِ يا عمُري !
بينما كنت اتخيلها واكتب مبتسماً لمجيئها بعقلي
انفتح باب الغرفة بقوة رفعت عيني لتتلاقى
بأعين ساحرةة ولكن البرود يجتاحها
أعين جميلة ولكن الحزن طغى عليها
أعين أملة ولكن اليائس بات يتغللها
نظرت اللي بحاجب معقود اغلقت الباب خلفها بهدوء ووقفت امامي
