⁃ مراح اسامحك زياد
زياد : ليش روح زياد انتي شسويت ؟
⁃ أذيت البنية هيج وقهرتها
زياد : بس جتي على الخط الاحمر
⁃ ليش شكالت؟
زياد : سألتني عليج
⁃ وشكو بيها هي متعرف شنو السالفة ميصير هيج تسوي بيها حرام عليك زياد
زياد : مسويت شي مجرد عفتها وكمت
⁃ والبنية فضفضتلك حرام عليك
زياد : شسوي مو بأيدي
⁃ انت مو تحبني ؟
زياد : لك روحي بيج اني
⁃ لعد لتزعلها هي اللي حتوكف وياك
زياد : بس اني ما اريد احد
⁃ بلي زياد انت محتاجلها لتظل تضغط على روحك
زياد : مدا اكدر استوعب فكرة غيرج يمي مدا اكدر
⁃ هاي الحقيقة تقبلها يكفي هيج تعيش روحك بجحيم
زياد : مدا اكدر اكو شي ديخنكني
⁃ كون وياها وحتكدر صدكني
زياد
ذهبت اختفت مرة اخرى تركتني ورحلت مثل كل مرة
لا تجعلني اكتفي برؤيتها تأتي فجأة وترحل فجأة
فتحت عيني بخوف نظرت حولي لعلي أجدها ولكن لا اثر لها
نظرت الى نفسي انني مبلل بشكل كامل
في كل مرة يزداد بها تعرقي اكثر واكثر
مسحت وجهي بيدي وجلست اشعر بالاختناق
لا استطيع التحمل اكثر من هذا
أشعر انني سأنفجر ان بقيت هنا
غيرت ثيابي وخرجت
جود بتعب : ماماا ماام
هيڤا : عيون ماما قلب ماما انت كول عمري
جود : ماكو ماي ؟
هيڤا : بلي حبيبي هسة انطيك
جود : شكرا جنت عطشان
هيڤا : اووخ تروحلك فدوة ماما
جود : ليش احنا هنا ؟
هيڤا : خالة سلوى جابتك يمي وبقينا هنا باجر نطلع نام هسة
جود : منعسان مام
هيڤا : تعال نتفرج
فتحت تلفاز الغرفة على رسوم متحركة واستلقيت بجانبه
فتح ييدي ووضع رأسه على صدري وعانق خصري بيده
كما يفعل دوماً
قبلت رأسه وبقيت العب بشعره اشتقت لصوته وضحكاته كثيراً من الجيد انه استيقظ
شعرت بباب الغرفة يفتح اذ بزياد
نظرت اليه بصدمة ونظرت الى جود الذي كان نائما ً بحظني
كان يقف كالصنم لا يتحرك ابداً ينظر اللي و والدموع بعينه
هل سيبكي امامي ؟
زياد بهدوء : اسف ازعجتكم
هيڤا : مصار شي فوت
زياد : لا بس جيت اتطمن على جود
هيڤا : زين كعد طلب ماي وكعدنا نتفرج كارتون ورجع نام
زياد : نزلت حرارتة؟
هيڤا : ايي نزلت الحمد الله
زياد : خوش عن اذنج
هيڤا : وين ؟
زياد : راجع للبيت
هيڤا : زياد تحتاج شي ؟
زياد بأختناق : لاا
استدرت لاخرج لم اشعر سوى انها تقف امامي وترفع نفسها لتعانقني وتمسح على شعري باطراف اصابعها
هيڤا بهدوء : طلعها زياد لتحبسها
زياد : شنو هي ؟
هيڤا : البجية مو زين هلكد تنحبس
فور انتهاء جملتي شعرت به يضغط علي بقوة ويجهش باكياً كان يبكي بصوت عالي عالي جداً
كالاطفال حقاً الان يبكي وكانه طفل كسر لعبته
هيڤا : تمام خلص اهدى كلشي يهون والله
⁃ تمام هدي روحك يكفي هيج زياد مو زين
⁃ اششش اهدى اهدى تمام تهون تهون والله كلشي يهون
لم اخذ منه اي جواب اكتفى بالبكاء والضغط علي اقوى واقوى لم افعل شيء سوى انني بقيت امسح على رأسه وظهره محاولتاً تهدأته الى ان هدأ قليلاً وابتعد عني
هيڤا : احسن هسة ؟
زياد : الحمد الله
هيڤا : تفضل هذا ماي
زياد : شكرا هيڤا تعبتج ويايا
هيڤا : مسويت شي واجبي كزميلة هذا
زياد : هواية دا اغلط بحقج اعتذر
هيڤا : مصار شي ولا يهمك والله
زياد : شكرا هيڤا
هيڤا : على شنو؟
زياد : على وكفتج ويايا واستحمالج اللي
هيڤا : يمعود صدك جذب
زياد بأبتسامة : يلا نامي تأخر الوقت
هيڤا : وانت ؟
زياد : راجع للبيت
قرصتها من انفها وخرجت
زياد
كانت ...
طفلةة وكبيرةة
طيبةة وشريرةة
حرةة وأسيرةة
كانت كالحياةة
محيرةة ومثيرةة
كانت كالسعادةة
تمكث ساعةة وتختفي لفترة
كانت ...
عاشقةة متيمةة
وفي الوقت ذاته ذات مشاعر فاترةة
كانت ...
تحب كثيراً وتكره للحب سيرةة
كانت...
روحها حيةة كروح بحيرةة 💙🕊
9:15 am
زياد : صباح الخير
لينا : اهلا زياد يبتسم صدك جذب
زياد بضحكة : هيج نفسية اني
لينا : لا يابوو حشاااك
زياد : وينة احمد ؟
لينا : صعد هو وانجي ديشوفون هيڤا
زياد : شلون صار جود ؟
لينا : حبيبيي بس يضحك حيطلعون فد شوية
زياد : خووش خل اروح اشوفهم
جود بضحك : لاا عموو يكفيي
احمد : لالا ماكو بعد مرررة ميصير
جود بضحك : لالا ههههه ماااامااا كوليلييية
هيڤا : بعد شيخلصك من عندة
زياد : تعال يمييي
جود بضحك : عموو خلصنييي
زياد : حبيب عموو عوفة احمد
احمد : عن أذنكم
تركت جود وخرجت فخرج زياد خلفي
زياد : هاي صدك
احمد : كلتلك اللي عندي
زياد : وانت سمعت جوابي ؟
احمد : اعرفة انت متتغير
زياد : واذا تغيرت؟
احمد : صعب
زياد : واذا تغيرت؟
احمد : البنية حتتعذب وياك زياد
زياد : تراهن؟
احمد : وابصم بالعشرة همين
زياد : حنشوف
احمد : حنشوف
زياد : خوش
احمد : لكك انتتت
زياد بضحكة : متتحمل بدوني ليش ما اعرفك
احمد : ديلا عود انت مينا علمود ما اتحمل بدونك
زياد : دتزوجوا وفضوني
احمد : حنتزوج حنتزوج شوف منو يشوفك ياها
جود بركض : عمووو
احمد : شكو حبيبي
جود : اريد نستلة ماما متقبل تجيبلي
احمد بضحكة : تعال اني اشتريلك
زياد : اخذة وياك وبعدين انطيك عنوان سلوى ودي يمها
احمد : ليش ؟
زياد : رايد هيڤا شوية
احمد : مو تسويلها شي
زياد : شسالفة خوما مجرم كدامك
احمد : خوووش
هيڤا : يلاا جوود
احمد : لا بقي ويايا
هيڤا : ليش ؟
زياد : رايدج بشغلة حياخذة احمد وانطيلة عنوان سلوى يوديلها يا
هيڤا : بس
زياد : عندي حجي وياج
هيڤا : بس احمد دير بالك عليه
احمد : بعيوني اخليه
⁃ شفتيي اخذهااا وطلعععع
⁃ بيا عين تصعد ويا
⁃ عادي شتترجيين من امثالها ؟
⁃ ممبينة هييج تكضي جم ساعة ويا هذا وذاك
⁃ وكفيها يم حدها
⁃ لتخافين محظرتها مفاجئة ماكو منها
⁃ شحتسوين؟
⁃ اصبرييلي بس سالفة وقت مو اكثر اخليها تبجي دممم
⁃ يممة منججج
⁃ كلشي ولا زياد حبيبتي لعبالها خلصت واخذت راحتها
⁃ ايي عفية وكفيها يم حدهاا
هيڤا : وين رايحين
زياد : هسة تعرفين
هيڤا : غير تكلي
زياد : كلت هسة حتعرفين
هيڤا : هففف تمااام
زياد : بلة ملحة
هيڤا : تمااام تمااام سكتتت
زياد : خوش
هيڤا : عيونك ليش حمر ؟
زياد : منايم
هيڤا : اممم
حاولت قدر الامكان ان لا اتحدث يبدو منزعج كثيراً
كان الطريق طويل جداً لا اعلم الى ان يأخذني
ولا اعلم كيف قبلت ان اذهب معه
وكيف أمنت به
كنت متعبة كثيراً فنمت من غير ان اعلم
شعرت به يناديني فتحت عيني ببطىء ونظرت حولي
مستحيل لماذا اتينا الى هذا المكان ؟
هيڤا : هاي ليش جينا هنا ؟
زياد : لان روحي هنا وحياتي كلها هنا
هيڤا : نعم !!!
زياد : تعالي
هيڤا : ما افوت
زياد : تعاي
هيڤا : ما احب افوت مقبرة زياد خل نرجع
زياد : تعاي ويايا لتخافين
هيڤا
نظرت الى عينه مد يده نحوي وينظر اللي بحنان
ابتلعت ريقي وامسكت بيده
وصلنا الى احد القبور انه لفتاة شابة تدعى لندا
توفت قبل 3 سنوات
نظرت الى زياد كان يجلس بجانب قبرها يتحدث معها ويبكي
زياد : هاي مثل مردتي جبتلج ياها شوفيها
⁃ كلشي ولا تزعلين مني وتمنعيني شوفتج
⁃ اسف تأخرت عليج بس صارتلي ظروف
هيڤا : زياد انت زين ؟
زياد : دام اني يمها فكلش زين
هيڤا : منيا هاي ؟
زياد : حبيبتي وخطيبتي هاي وكل دنيتي
هيڤا : الله يرحمها
زياد بعصبية : مميتة هيييي مميتتتتتةةة لتكولين هيج
هيڤا : تمام تمام لتعصب تمام خلي نصليلها
بقي زياد يتحدث معها الى ان خرجنا
زياد : جوعانة ؟
هيڤا : يعني
زياد : شيعجبج تتريكين؟
هيڤا : ممشتهية خل نرجع يم جود
زياد : شوفي اكو محل لحم بعجين يجنن هسة نشتري
هيڤا : براحتك
اشترى لنا اللحم بعجين وجلسنا ناكل في السيارة
لا استطيع ان اصمت يجي ان اسأل
هيڤا : احم احم
زياد : كولي كولي لتخافين
هيڤا : شنو سبب وفاتها ؟
2016
زياد : عيد ميلاد سعيد يحلوووو يبوو خدوود
لندا : عزااا زيااد منسيت عيد ميلاديي
زياد : لكك انسى روحي وما انسى عيد ميلادج اغلى شي بدنيتي انتي شلون انساه
لندا : اووه رختللك فدوااات
عانقته بكل ما املك من قوة
زياد بابتسامة : يلا يحلو بدل ملابسك دنكعد بشي مكان
لندا : لا زياد ما اريد
زياد : يلا عمري هو اني شكم لندا عندي علمود ما اطلعها
لندا : والله مجاي على بالي يكفي انو فاجئتني وجيتني للبيت يمحلم دخلتك والورد بايدك
زياد : ماكو هلحجي نطلع يعني نطلع
لندا : بس يا حبيبي شوف حالتي بس دا اعطس وصوتي مدا يطلع خلينا نحتفل بالبيت والله شوفتك هي اكبر هدية
زياد : يلا يلا كدامج ساعة تكملين بيها
لندا : هفففف
زياد : رحت فدىة لهلخدود مع الاسف ابوج كاعد
لندا بضحك : مظل شي ونتزوج ول يهمك
زياد : ديلا يلا
لندا : دوكفلي اذا مسويت هيجي بيك لما تكون مريض
زياد : ميخالف قابل
لندا : نه نه نه
زياد : ديلا عيني يلا
زياد
اكملت اميرتي تبديلها وخرجنا لم تترك يدي ابداً
كانت تبتسم وتضحك وكأنها طفلة بحضن ابيها
هي ليست حبيبتي فحسب بينما هي ابنتي
اجل ابنتي الصغيرة التي لا املك غيرها
اوقفت السيارة وخطفت منها قبلة سريعة
لندا : لككك شدتسووييي
زياد بضحك : شنووو حقي لو مو حقي ميكفي عمي بالبيت ممنطيني مفكة عينة عليا عليا
لندا بضحكة : تراا اكلةة هااا بعد ميخليني اطلع وياك
زياد : عود متكيفين انتي
لندا : دنزل يلا انزل
زياد : عود خجلت ام خدود
لندا : وهسسة وييين رايحييين
زياد : وين متردين نروح
لندا : ما ادري ماكو شي معين ببالي
زياد : لعد افررج واخذلج اللي تردي وبعدين نكعد بفد مطعم نتعشى ونرجع
لندا : خوووش
زياد : شيصير لو ابوسج هسة ؟
لندا : عزاا زياد بالشارع احنا اكعد راحة
زياد بضحكة : تمام تمام امري لالله
كانت تضحك يومها كثيراً طفلة حقا تصبح كالطفلة معيي
اخذت لها ما تريد لم ارفض لها طلب الى ان ذهبنا الى المطعم ويا ليتنا لم نذهب
لندا : زياد
زياد : روحة
لندا : تدري انو احبك صح ؟
زياد : وتدرين انو انتي كل حياتي صح؟
لندا : اييي اييي ادرييي
زياد : شحتاكل الحلوة ؟
لندا : لازانياااا
زياد : والله ذبحتيني بيها
لندا : المفروض تتعلمها علمودي
زياد : دوخري عوجان حلكج ترا بالكوة لازم روحي
لندا بضحكة : عزااا خل اسكت
زياد : اغسل ايدي واجيج تحزدت من ورا جياسة فد جماعة
لندا : ديلا عيني يلااا عود فدشي يعني
زياد
يا ليتني لم انهض ابداً يا ليتني بقيت بجانبها لكنت ذهبت معها لماذا تركتها بمفردها ما زالت صغيرةة انها تخاف من الرعد فكيف استطاعت تحمل كل شيء والذهاب بمفردها ؟
بينما اغسل يدي لم اشعر سوى بكل شيء يتساقط
وصوت قوييي وشعرت بنفسي اترنح يميناً وشمالاً
انه انفجار اجل انفجار صغيرتي بمفردها لا بد انها تضع يديها الصغيرتيين على اذنيها لتخفف من قوة الصوت
لا بد انها تبحث عن صدري لتختبىء به
ذهبت اليها مسررعاً غير مبالي للدن الذي يتساقط مني ولا للدخان ولا حتى للغواش الذي اراه امامي
اين هي ؟ لماذا ممددة هكذا ؟ لماذا لم تضع يديها على اذنيها ولم تضم قدمها الى صدرها ؟
لماذا الدم يغطيها ؟ تلك العينين لماذا لا تنظران اللي
جلست عندها ووضعتها على قدمي
زياد بصدمة وبكاء : لندا عمري انتي روح زياد يلا حبيبتي كومي دنرجع
⁃ هيج تمنعيني من عيونج الحلوات ؟
⁃ يلا حبيبي يكفي لعب عليا وكومي
⁃ لندا مو واعدتني متعوفيني ؟ وانتي متجذبين يلا حبيبي
لندا بتعب : ز ز زياد
زياد : هشش لتحجينن تمام لتحجين خلص ارتاحي
نظرت اللي وامسكت يدي بخفة بلعت ريقها بصعوبة
لندا : ا ا اح ب ا احبك
زياد : واني اموت عليج اعبدج اني شعندي غيرج خلص حبيبي لتحجين هشش ارتاحي هسة
لندا : ل ل لت لتنسى ا اس اسفة
زياد : هشششش هششش يكفي خلص تمام محيصيرلج شي
لندا : م م مو موفيت ب ب بو بوعدي
زياد : هششش خلص يكفي
لندا : ب ب بس حب حح حبقى وياك ا احبك
2019
هيڤا ببكاء : وماتت؟
زياد : وراها بيومين راحت وعافتني
هيڤا : عزااا
زياد : حضنتها اخير حضنة هيڤا اخير حضنة حضنتها وهي مبادلتني ياهااا اول مرة احضنها وهي متادبني الحضنة اول مرة احضنها وهي متضحك وتكلي وخر حيشوفونا اول حضنة احضنها الها وهي ساكتة اول حضنة وانفاسها متصير بركبتي اول حضنة وماكو ايديها تضب على خصري اول حضنة متكلي بيها ايدي متوصل الفها عليك
لو مو اني جابرها مجان راحت جان هسة جهالنا ديلعبون ويانا جان هسة يومية اصبح بوجهها جان هسة ضحكتها تترس البيت
هيڤا ببكاء : اسفة كلش ذكرتك بالسالفة
زياد : ليش اني ناسيها ؟ يومية هيڤا يومية هي ببالي
الكوابيس مدا تروح اني السبب كالتلي مريضة منطلع اني لحيت عليها لو سامع كلامها مجان راحت
هيڤا : ترا انت ما الك دخل قدر ربك هذا محد ميكدر يتدخل بي ويمنعة هذا يومها والدليل مماتت بنفس يوم الانفجار وراها بيومين يلا توفت يعني حتى لو مجان صاير الانفجار جان توفت بهليوم جان نامت وبعد مكعدت صدكني مو انت السبب
زياد : لا اني السبب وحبقى كل عمري الوم نفسي
هيڤا : بس هلشي غلط راح تنهي حياتك بهلطريقة
زياد: هي انتهت من راحت لندا كلشي انطفى بعيني وكلشي مصار الة طعم
هيڤا : بس لتلوم روحك بهلسالفة قضاء وقدر وكلشي مقدر ومكتوب والله
زياد : لان اني السبب
هيڤا : لتفكر بهلطريقة شوف انت دتفكر بهلطريقة من هيج دتجيك الكوابيس عقلك الباطني ديخليك تفك بهلطريقة امنع هلشي لتخلي عقلك الباطن يسيطر عليك انت اللي سيطر عليه واتحكم بي ترا تتحول حياتك لجحيم
زياد : هي جحيم بدونها
هيڤا : بس هي لما تشوفك ضايج وزعلان راح تنقهر ومحترتاح بقبرها وحتكون تعبانة بس لما تشوفك فرحان ودتضحك حترتاح وحتكون فرحانة
زياد : مو طفل كدامج تضحكين عليه
هيڤا : مدا اضحك عليك بشي انت خليت عقلك الباطن يسيطر عليك وهلشي مو زين هلشي الة عواقب وخيمة
حيصير عندك اكتأب وحيصير انفصام وحيصير هوس وحيبقى يتطور ويتطور لحد ميوصلك للانتحار لتسوي هيج بروحك بعدك بعز شبابك
زياد : خلص هيڤا يكفي
هيڤا : حتخسر روحك والله
زياد : مو مشكلة خل نرجع
هيڤا : مثل متريد
زياد : ورجاءً اللي صار واللي عرفتي يظل بيناتنا والله العظيم اذا سمعت احد يعرف بي محيصيرلج خير ابداً
هيڤا : مو طفلة كدامك
زياد : واتمنى انتي هم تنسين اللي صار
هيڤا : تمام
طوال الطريق لم اتفوه بحرف ولم انظر اليه
اوصلني الى منزل سلوى شكرته على توصيلي ونزلت
لم انظر اليه ابداً
