⁃ تعال بسرعة للمستشفى وروح للغرفة رقم 113 ولتسأل ليش ولتكول اني دزيتلك الرسالة ولتكول اصلا اني تواصلت وياك .
احمد
بينما كنت اقرأ بعض الاشياء المهمة على الانترنت وصلتني هكذا رسالة من زياد ، ماذا يحدث ولماذا هذه الجدية في حديثه ؟
أتصلت به مراراً وتكراراً ولم أحصل على أجابة قلقت عليه كثيراً فهذه اول مرة يحادثني بطريقة كهذه
غيرت ثيابي توجهت الى المستشفى وذهبت الى الغرفة التي اخبرني عليها صدمت بهيڤا مستلقية على السرير وبيدها المغذي ويوجد طفل على الاريكة مغمض عينيه ويضم قدمه الى صدري ويحرك شفاهه بطريقة مستمرة
جلست بجانبه واردفت
⁃ حبيبي الحلو
⁃ يحلوو
⁃ تعرف تحجي انت ؟
نظرت حولي لا يوجد غيرهم لماذا لا يتحدث هذا الطفل
سحبت نفسي وعدت لاتحدث معه
⁃ اذا تكلي شنو اسمك اجيبلك نستلة
⁃ حبيبي لازم تحجي علمود ماما تكعد هي ماما مو ؟
اكتفى بهز رأسه بنعم
⁃ زين ليش متجاوبني ؟
جود : مو ماما متقبل احجي ويا ناس غربة تزعل مني
احمد : حبيبي اني اعرفها لماما محتزعل منك
جود : شلون تعرفها ؟
احمد : اني وياها بالشغل جيت علمود اساعدكم
جود : شوكت حتكعد ؟
احمد : نايمة هي هسة بس ترتاح راح تكعد
جود : محيصيرلها شي ؟
احمد : لا حبيبي لتخاف
حملته وضعته في حظني واكملت
⁃ كلي منو جابكم لهنا ؟
نظر اللي ولم يجيب
احمد : محتكلي منو ؟
جود : ما اعرف
احمد : شنو متعرف ؟
جود بتفكير : احنا جنا نايمين ومشفت غير اني هنا
احمد بعدم تصديق : متأكد ؟
جود بتفكير : ايييي
Flash back
جود : عموو ليش صافن كوم ماما
زياد : شلون وكعت ؟
جود ببكاء : ما اعرف بس فتنا لزمت بالميز ووكعت
زياد : ماما عدها دوة ؟
جود : ما اعرف
زياد : انت شسمك ؟
جود : جود ، ماما حتكعد ؟
زياد : ايي حتكعد
نظرت اليها يبدو انها غيبوبة سكري
صككت على اسناني لا اريدها ان تستيقظ وتراني ولا استطيع اخبار جود ماذا عليه ان يفعل
حملتها واخبرت جود بأن ياخذ مفتاح الشقة لنخرج
اوقفت سيارة اجرة وذهبنا الى المستشفى
فور وصولنا بدأ الاطباء بتتبع حالتها حملت جود بييدي وجلسنا على كراسي الانتظار وضعته بحظني وابعدت خصلات شعره عن عينه
زياد : دائما ماما هيج توكع ؟
جود : لا بس مرات تعرك هواية وتتعب او تدوخ وتكلي حكعد شوية بس ترتاح وتكعد ما بيها شي
زياد : وين اكو بطل يبجي
جود : خايف لا متكعد
زياد : لتخاف حبيبي حتكعد وتصير زينة
جود : والله
زياد : وداعة عيونك
جود : زين شوكت
زياد : فد شوية او لباجر الصبح
جود : انت حتبقى هنا ؟
زياد : ليش بابا وينة ؟
جود : ما اعرف
زياد : زين متعرف رقم احد كرايبكم ؟
جود : اني ما عندي غير ماما وهي ما عدها غيري
زياد : زين حبيبي شوف هسة بس يطلعون الدكاترة من يم ماما حتفوت انت تكعد يمها ميصير تتحرك ولا تفتح عينك لحد ميجي فد عمو ماشي ؟
جود : ليش ؟
زياد : علمود ماما تكعد لازم تسد عينك
جود : وانت حتروح ؟
زياد : شوف لما يجي عمو لاخ غيري ولما تكعد ماما لتكول انو اني اللي جبتكم للمستشفى ولتكول انو شفتني
جود : لعد اني ما اعرف اجي بوحدي للمستشفى
زياد : كوللهم جنت نايم وكعدت شفت نفسي هنا
جود : ليش
زياد : سوي هيج وكل ما اشوفك انطيك نستلة ترا اذا كلت اني جبتكم ماما محتكعد
جود بخوف : الالا محكول بس خلي ماما تكعد
زياد : عفية بالبطل تعال اجيبلك نستلة وعصير علما تكعد ماما
جود : لالا اصلا ماما متقبل احجي ويا ناس غربة واخذ شي منهم حتزعل مني
زياد : محتعرف محد محيكوللها
جود : لالا ما اريد شكراً كلشي ولا ماما تزعل
زياد
استجبت له فهو لا يريد غضبها سحبت نفسي فانفتح باب غرفتها تحدثت مع الطبيب كما توقعت نوبة سكري
شكرتهم ودخلت مع جود اخبرته بأن يجلس على احدى الكراسي ولا يتحرك خرجت واغلقت الباب
ارسلت رسالة لاحمد وبقيت انتظر وصوله في احلى الممرات
لا استطيع تركهم بمفردهم بهذا الوقت
لقد تأخر احمد ، ها هو دخل اليهم من الجيد لم يغلق باب الغرفة نظرت اليهم ما زالت نائمة استمعت الى حديث جود واحمد جيد لم يخبر احمد يعني انه لن يخبر الجميع
الان استطيع العودة الى المنزل
End flash back
احمد : وين صفنت حبيبي ؟
جود : شوكت تكعد ماما ؟
احمد : بس ترتاح راح تكعد انت نام شوية
جود : ما اكدر انام الا ماما تحضني
احمد : زين احضنك اني وتنام ؟
جود : لا ماما متقبل
احمد : صوت بطنك مبين جوعان الحلو
جود : شوية
احمد : تعال اشتريلك اكل
جود : لا ماما متقبل
احمد : اني احجي وياها لتخاف ما اخليها تزعل
جود : لا حتزعل
احمد : هي حتزعل اذا عرفت انت نايم جوعان
جود بتفكير : تمام بس انت تقنعها متزعل مني
احمد : تدلل
زياد
لماذا تشبهها بهذه الطريقة؟ لماذا لديها نفس برائتها ؟
لماذا تملك نفس الضحكة ونفس الصلابة ؟
لماذا لديها نفس المرض ؟ أهي صدفة ؟ ام هو القدر ؟
لماذا كل شيء يذكرني بها ؟
لا أعلم لماذا قمت بمساعدة هيڤا ولماذا جعلت احمد يعلم بالامر لا اعلم لماذا لا استطيع ضبط تحركاتي معها
اطفأت سجارتي وعدت الى المنزل
استقبلتني شقيقتي كلعادة ها هي تضع يدها على خصرها وتنظر اللي بغضب
مينا : وين جنت سيد زياد
زياد : شكو ؟
مينا : ظل بالنا يمك
زياد : ترا صارلي اسبوع مفايت للبيت عادي
مينا : بس نتطمن انو انت بالغرفة الثلج اللي سويتها مو لا حس ولا خبر
زياد : سيارتي هياتها ترا وين حروح يعني
مينا : ليش منطيتني خبر انو راح تطلع
زياد : معبالي حتأخر
مينا : مرة اللخ متعيدها
زياد : حاظر
اقتربت نحوي وعانقتني وهي ترتجف
زياد : شبيج حبيبتي
مينا : زياد ما اريد تروح مثل هذيج المرة ما اريدك تختفي
انت كلشي اللي وما عندي غيرك لتسويها بعد حباب
زياد : وين اروح حبيبتي لتخافين
مينا : اوعدني ميصير بيك مثل هذيج المرة
زياد : والله محيصير بس هلعيون لتبجي
مينا : هو انت شارب جكارة ؟
زياد : لا
مينا : بليي شارب
زياد : وحدة
مينا : وعدتني انو متشرب
زياد : متحملت بعد حتى مكملتها والله
مينا : بعد ماكو
زياد : تدللين
6:30 am
جاسم : اذا مقبلتي بيا راح اخذة لجود منج
هيڤا : محد ميكدر ياخذ جود مني
جاسم : لو تقبلين بيا لو تكولين باي لجود
هيڤا : ما اقبل شوفني شنو حتسوي بلة
جاسم : لعد كولي باي لهذا الحلو
هيڤا بخوف : لا عوفة لخاطري الا جود شمتريد اسويلك بس عوفة
جاسم : خلص يا حلوة فرصتج راحت
هيڤا بصراخ : جوووود
احمد
سمعت صوت صراخها من داخل الغرفة ذهبت اليها مسرعاً
احمد بخوف : شكو شبيج
هيڤا بقلق : جود وينة ؟ واني ليش هنا
احمد : هياتة جود نايم
هيڤا بأرتياح : زين اني ليش هنا منو جابني
احمد : مبارحة اغمى عليج وجابوج للمستشفى
هيڤا : منو ؟
احمد : ما اعرف اني جان عندي شغل بالمستشفى جيت اشوفة وكالولي زميلتك هنا فشفت ماكو احد يمكم بقيت انتظركم برا
هيڤا : وجود ميعرف شي؟
احمد : يكول جنت نايم ومشفت غير احنا هنا
هيڤا : ياربي
احمد : ليش هلكد عركانة جنتي تحلمين ؟
هيڤا : كابوس عادي يعني
احمد : شلون دتحسين روحج هسة؟
هيڤا : الحمد الله شصار وجيت مكالوا شي الدكاترة؟
احمد : نوبة سكري ضغوطات ارهاق وفقر دم
هيڤا : عادي ماكو شي جديد
احمد : جنتي تعرفين ؟
هيڤا : صارلي سنين اني اخذ ادوية بس هلفترة هملت نفسي من هيج بعد متحملت
احمد : ليش هيج دتضغطين على روحج ؟
هيڤا : ممكن منحجي بهلموضوع؟
احمد : مثل متريدين تحتاجين شي ؟
هيڤا : لا شكراً تعبتك ويايا
احمد : تعبج راحة يمعودة نازل للمختبر اني اذا ردتي شي كوليلي
هيڤا : تمام بس ممكن محد يدري
احمد : ماشي
7:30
جود : ماما ليش دنركض
هيڤا : حبيبي يدوب نلحك
جود : بس تعبت
هيڤا : تعال
حملته واكملت سيري بسرعة اوصلته الى روضته وعدت الى المستشفى
هيڤا : صبااح الخير
لينا : اهلاا شبي وجهج اصفر ؟
هيڤا : منمت عدل مبارحة عادي
احمد : هيڤا اليوم ويايا علسحب انتي
هيڤا : يلا جاية
احمد : ليش داومتي
هيڤا : ما اكدر اغيب ما بيا شي
احمد : حتدوخين
هيڤا : جبت دواية سد السيرة احمد ما اريد احد يعرف
احمد : تمام
هيڤا : تفضلي حبيبتي
احمد : حتسيطرين
هيڤا : اييي شوف شغلك انت
⁃ انتي جديدة هنا
هيڤا بأبتسامة : اي حبيبتي
⁃ أني سمر ، دائما اجيي اسوي تحاليل هنا الكل يعرفني
هيڤا : مبين اول ولادة هاي
سمر بحزن : اييي
هيڤا : ليش ضايجة اكو شي ؟
سمر : لاا بس ظروف مجان لازم احبل بيها
هيڤا : اهاا اسفة
سمر : لا حبيبتي عادي
هيڤا : عروقج كلش صغيررة
سمر : هنا بس زياد يعرف ياخذلي ياها
هيڤا بأبتسامة : ححاول اذا مكدرت اصيحة
سمر : ماشي
زياد : واكول ليش المختبر منور اليوم
سمر : اهلاا
زياد : ومحظريج خوش اسحب علساهل
هيڤا : اني راح اسحب
زياد : عروقها ضعيفة ميكدر اي احد يسحبها
هيڤا : كلت اني راح اسحب
زياد : ينراد واحد متمرس
هيڤا : ترا اعرف اسحب
زياد : حتأذيها
هيڤا : مراح أأذيها
زياد : دنشوووف
هيڤا : تتراهن انو من اول مرة حيضبط ؟
زياد : نشوووف
هيڤا بتحدي : شوووف
أعلم جيداً انني استطيع فعلها لقد تعلمت كيف اسحب لحالة مثل هذه سحبت نفسي وقمت بعملي ها انا انجح
اخرجت الحقنة ونظرت الى زياد بتحدي
هيڤا : هاا شنو رأيك ؟
زياد : هو سحب دم مو فدشي
هيڤا : قبل شوية جان محد يكدر يسحبلها غيرك
زياد : جنت حسحبة بوقت اقل من وقتج
هيڤا بضحكة : شكد تضحك على روحك انت
زياد : مرة الجاية حنشوف
سمر بأبتسامة : انتي او هو ثنينكم ايديكم خفيفة
هيڤا بأبتسامة : حبيبتي الله يكومج بالسلامة
سمر : شكرا حبيبتي ، عن أذنكم
هيڤا
استدرت لأخذ الاغراض واعطيها الى لينا رأيت زياد يستند على الحائط ويده بجيبه
هيڤا : شوية دا اطلع
زياد : ليش تفوتين بمتاهة انتي مو كدها
هيڤا : يا متاهة؟
زياد : ليش تتحديني
هيڤا : متحديت احد اني هذا شغلي
زياد : تحديتي
هيڤا : متـ.. عزاااا زياد الحكهااا حتوكعععع
ركض اليها زياد اردت لحاقه ولكن اتت ليليان و اصطدمت بها
وسقط كل شيء على الارض
هيڤا بعصبية : مدااا تشوفيييين
ليليان : انتي اللي مدا تشوفييه شوفي شسويتي بهدومي
هيڤا : هي على هدومج ؟ لو على الشي اللي سويتي شوفي حوليج
ليليان : هدومي اهم
هيڤا : محد مكلج استغلي هلشغلة ومحد مكلج متلبسين صدريتج ومحد مكلج البسي ملابسج الغالية بالشغل
ليليان : ومحد مكلج انتي تدخلي بشي ميخصج
هيڤا : وخرري من كدامي
دفعتها ذهبت الى الاستعلامات سألتهم عن غرفة سمر وتوجهت اليها فوراً رأيت زياد يقف عند باب الغرفة
هيڤا : شبيها ؟
زياد : ما اعرف
هيڤا : دائما هيج يصيرلها
زياد : من تتوتر ينقلوها كبل يمنا
هيڤا : ان شاء الله ميكون بيها شي
ليليان : هلوو زياد
زياد : ....
ليليان : لو تدري شسوت بالمختبر وكعت كلشي
زياد : ....
هيڤا بلامبالاة . عود خفت ؟
ليليان : تدرين انو بكم كلمة من زياد تنطردين
هيڤا : وتدرين انو بعد كلمتين منج حتلكين روحج برا المستشفى كلها ؟
ليليان : ليش ؟ شحتسوين ؟
هيڤا : كلش بسيطة اكوللهم مسحتي السجلات والمعلومات كلها واكوللهم بدلتي اماكن الانابيب واكوللهم وكعتي دم مريضة واكوللهم تجاوزتي عليا وتدخلتي باموري الشخصية
يصير طردج كلش سهل
ليليان : انتي منو سمحلج هيج تحجين ويايا؟
هيڤا : لتشوفيني هادئة وما اللي بأحد من شخص يدوس على شي يخصني حصير غير وحدة
ليليان : شتوقع من امثالج
هيڤا : على فكرة كلامج هذا محيأثر بيا
ليليان : عود قوية ؟
هيڤا : لا بس بكل بساطة كل واحد يشوف الناس مثل ميحس روحة
تركتهم ودخلت الى غرفة سمر
هيڤا : حمد الله على السلامة
سمر : شكرا الله يسلمج
هيڤا : خوفتينا عليج
سمر : عادي يصيرلي هلشي كل فترة
هيڤا : ليش دتبجين الطفل بخير وانتي بخير
سمر : الحمد الله والشكر
هيڤا : ابو وين ؟
سمر : ما اعرف
هيڤا بتساؤل : نعم ؟
سمر : اني مغتصبة ومحد متقبل فكرة انو ابقي الطفل الكل رادني انزلة بس اني مقبلت حسيتة شي مني حسيتة قطعة من روحي مكدرت اتخلى عنة فعفت الكل وقررت اعيش بوحدي واشتغل علمودة وعلمود مستقبلة وحياتة بس صعبة كلش صعبة
هيڤا بهدوء : اسفة ذكرتج بكل هذا
اقتربت منها وعانقتها يجب ان لا ابكي يجب ان اكون قوية بجانبها الان ليس وقت ضعفي ابداً
بقيت بجانبها احاول مواساتها الى ان نامت وضعت الغطاء عليها وخرجت اشعر بالاختناق
نزلت الى الحديقة جلست على الارض ونظرت الى السماء
لماذا الحياةة ليست عادلة ؟
لماذا لا نستطيع الفرح بها ولو قليلاً ؟
لماذا تحصل اشياء تجعلنا ننكسر ونتمنى ان نختفي ؟
لماذا لا احد يستطيع مراعاة مشاعرنا ؟
لماذا يرون السعادة التي نتصنعها ولا يرون كمية الحزن التي بعيننا ؟
لماذا يقرأون الشكل الخارجي فقط ولا يرون ماذ يوجد بالداخل ؟
لماذا هم سطحيون لهذه الدرجة ؟
أين ستأخذنا الحياة ؟ اين سينتهي بنا المطاف ؟
