زياد : صباح الخير
هيڤا : صباح النور
زياد : رد...
هيڤا : شوف زياد جاية احجي كلمتين انهي بيها هاي المهزلة اللي دتصير والحجي اللي ما الة داعي
زياد : ؟؟؟
هيڤا : تفضل اقرا
زياد : شنو هاي ؟
هيڤا : اقرا
اعطيته الهاتف ليقرأ فتغيرت ملامحه اللينة الى ملامح غاضبة وعاد الحاجب الى انعقاده الدائم
زياد : هاي منين ؟
هيڤا : الشخص واضح هذاك هو يكلك اني اللي داز هلمسجات
زياد : المن تقصدين؟
هيڤا : اعتقد ذكائك كبل عرف الشخص ميحتاج تغشم روحك
زياد : تمام
هيڤا : شوف اكلك اني مراح اسكت لان سكتت هواية من يوم داومت بهذا المكان لحد هلدقيقة فهلمرة مراح اسكت لان الكلام اللي انحجى ما اسمح لأي شخص جان يكلي ياا
زياد : خلص عوفيها عليا
هيڤا : اني مجيت اكلك علمود انت تدافعلي اني جيت كلتلك علمود توكفها يم حدها بينما هذا الحجي اني اعرف شغلي وياها عليه
زياد : تمام اهدي انتي هسة
هيڤا : ترا دا احجي بشكل طبيعي وبكل هداوة
زياد : ايدج فتحيها
هيڤا بعدم فهم : نعم ؟
زياد : ايدج لتصكين عليها مو زين
هيڤا : هلشي ميخصك اكعد وياها وفهمها وخليها تسكت وتبطل كلام فارغ بحقي
زياد : تمام
هيڤا : عن اذنك
خرجت دون ان انظر اليه اغلقت الباب خلفي ونزلت الى المختبر
لينا : عليمن دتدورين
هيڤا : وينها ليليان؟
لينا : بالحمام
هيڤا
تركت حقيبتي وذهبت اليها تصفف شعرها وتغني دخلت واغلقت الباب خلفي
ليليان : صباح الخير
هيڤا : شوفي اكلج هاي اللعبة اللي لعبتيها والكلام اللي كلتيه لعبالج يأثر بيا ولعبالج الكل كاتل روحة على زياد ترا مح مهتملة غيرج ومحد كاتلة روحة عليه غيرج
فالفاظج تنعدل وهاي التخيلات اللي كاعدة تتخيليها والكلام اللي دتكوليه احتفظي بي لنفسج لعبالج بهذا كلامج تخوفيني لو تخليني ابطل منا تمام يحلوة ؟
وارجع واكلج لعبالج كل البنات كاتلين روحهم علزواج ولتخليني احجي حجي زايد
هلمرة عديتها هشكل مرة اللخ ميصيرلج خير
ليليان : يال وقاحتهاااا كيف تتجرأ وتحدثني بهذه الطريقة
من هي لترفع صوتها بوجهي ولتهددني بهذه الطريقة
ان علم زياد بالامر سيقتلني حتماً
عدلت ثيابي وخرجت حاولت التصرف بشكل طبيعي
ولكن خوفي من زياد لا استطيع اخفائه
من الجيد انه مريض لو كان هنا لعلم بكل شيء
احمد : زياد اكعد راحة وين تريد تنزل
زياد بعصبية : اني زين ما بيا شي رايد ارجع للشغل
احمد : بعدة جرحك جديد ميصير
زياد : احمد الله بسماه اذا مخليتهم يكتبولي خروج هسة ميصيرلك زين
احمد : شبيك مبارحة جنت طبيعي
زياد : اريد اطلع اختنكت هنا
احمد : اييي ماشي حتطلع بس انطي صبر
زياد : ما انطي صبر خلال 10د اوراق الخروج تكون كاملة
احمد : ماشي ماشي غير هدومك هسة علما اروح اكملك الاوراق
زياد: منتظرك
ليليان
اخذت كوب قهوة وتوجهت الى غرفة زياد
فتحت الباب دون ان استأذن فوجئت به يرتدي قميصه
فتحت عيني بدهشة اثارني منظره كثيراً
تلك التفاحةة التي كانت مصدر انجذابي له
والان هذه البطن المقطعة
اول مرة اعلم انه يمارس الرياضة ويملك ( six packs )
لم اشعر بنفسي سوى انني اغلق الباب واخطو نحوه بخطوات بطيئة وضعت كوب القهوة جانباً وامسكت ياقته لأعدلها واغلق اخير زريين ابتلعت ريقي بصعوبة
لم اشعر سوى بشي قوي يمسك يدي ، نظرت اليه فكانت نظراته لا تفسر الغضب يتطاير من عينه فنظرت اليه بخوف
زياد بعصبية : بغض النظر عن فعلتج هسة بس افعالج كلهااا ممقبوووولة كلهااا ليليااان
ليليان بخوف : ليش شسويت؟
زياد : شوفي اكلج هاي افعالج ونظراتج وتصرفاتج كدامي عود دتتصرفين ببرائة كلها متمشي عليا روحي مشيها على غيرها اني محترمج لي هسة ومماد ايدي عليج لان انتي بنية بس الله بسماه حتوصليني لمرحلة بهاي تصرفاتج امحيج بيها فاهمة شنو امحيج ؟
ليليان : ليش اني شمسويا؟
زياد : لعبالج ما اعرف انتي اللي مسحتي الملفات وانتي اللي غيرتي اماكن الانابيب وسالفة انو هيڤا حجتلكم علبجي هم اعرف انتي اللي جنتي دتسمعين وذبيتيها براس البنية
لعبالج غافل عن كل الاعبيج كلها اعرفها بس اني دا امشي بمزاجي بس توصل بيج تطعنين بالبنية وتكوليلها هيج حجي لهن وبس
ليليان : يا حجي زياد شدتكول انت ؟
زياد : حطيها ترجية بأذنج اني لا عندي علاقة بيج ولا بيها ومحاط عيني عليج ولا مفكر بيج بولا شي بولا شي فاهمة شنو يعني ؟ يعني حتى ممعتبرج زميلة فهمتي هسة شنو انتي بحياتي ؟ شخص عابر لا اكثر ولا اقل وصدكي وثقي بهاي افعالج محتلكين احد يحبج او يحترمج
انطي قيمة لنفسج بنية انتي ومحلو البنية ميكون عدها قيمة وذابة روحها هيج ترا والله محد محيعبرج واذا واحد عبرج فحياخذ منج اللي يريدة ويعوفج فثكلي شوية وغيري طريقة تفكيرج السطحية
ليليان ببكاء : بس اني احبك
زياد : واني ما احبج ليليان افهمي سالفة اني ما فد يوم باوعتلج بطريقة غير انج زميلة لا اكثر
ليليان : زين ليش ؟ شنو فرقي عن هيڤا ؟
زياد : محد كال اني احبها ولا عندي شي تجاهها وحتى ان عندي مشاعر تجاهها فهذا الشي حيكون خاص بيا محد ما الة حق يعرفة
ليليان : زين اني شينقصني ؟
زياد : قيمة ، مشاعر ، كرامة ، عفوية ! ليليان انتي حلوة واللي يشوفج يتمناج بس الجمال مو كلشي حيجي يوم ينمحي جمالج شفايدتج بدون قيمة ؟ لتسوين هيج بروحج حتخسرين نفسج فد يوم بسبب هلتصرفات
ليليان ببكاء : بس اني صارلي سنين احبك
زياد : واني ما عندي شي تجاهج حتى كلامي وياكم قليل وما فد يوم بينتلج انو انتي ببالي او نظرتلج غير نظرة فلتسوين هيج وتحمليني مسؤلية شي اني ما اللي قدرة عليه
ليليان : تمام
زياد : دقيقة
ليليان : نعم
زياد : هيڤا
ليليان : شبيها
زياد : تعتذرين من عدها
ليليان : ليش
زياد : على الرسائل والحجي
ليليان : بس
زياد : ماكو بس اللي كلتة يصير
ليليان بهدوء : مثل متريد
احمد : يلا زياد ، ليليان شدتسوين هنا
زياد : اني اريدها صيحلي هيڤا همين
احمد : بس كلي شدتسوي انت
زياد : صيحها
ذهب احمد ليانديها لم يتأخروا خمس دقائق وها هي هيڤا تقف امامي
هيڤا : نعم ؟
زياد : ليليان
ليليان بهدوء : اسفة
زياد : وبعد ؟؟
ليليان : لحظة شيطانية جانت واني وزياد ماكو شي بيناتنا و
زياد : ايييي كملي ليش سكتي ؟
ليليان : واعذريني غلطت وياج بالحجي هواية واذيتج بي
وجديات اني ندمانة لان حجيت هيج
هيڤا : تمام مصار شي
ليليان : اكرر اعتذاري واعتبري اللي حجيتة عليج اني مسويتا كلة
هيڤا : تمام عادي مو مشكلة
ليليان : عن أذنكم
زياد : اعتقد هيج اني وفيت وكفيت
هيڤا : مطلبت مساعدتك اني
زياد : واني سويت اللي عليا
هيڤا : علفكرة انت غلطك بحقي اتعس من غلط هيڤا خليها ببالك بس
زياد : ليش شسويت اني
هيڤا : شوف زياد لعبالك بس انت فايت بصدمة نفسية كلتنا عدنا صدمات وكلتنا اكو قهر بحياتنا فيكفي
زياد
لم اتوقع منها ردة فعل كهذه ابداً
ماذا تعني كل شخص لديه صدمة هل هي ايضاً تعرضت لصدمة بحياتها ؟
اذا تعرضت كيف استطاعت اجتيازها ؟
خرجت من الغرفة رأيتها تحتضن فتاة غريبة وتبكي
لأول مرة اراها تبكي بحرقة هكذا ويوجد رجل يقف عند احدى الغرف ويبدو القلق على وجهه
لا املك الجرأة لأقترب منهم حسناً لا يوجد غير لينا
زياد : ليناا
انجي : دتشتغل لينا
زياد : انتي شدتسوين؟
انجي : دا اشتغل مو كدامك يا عيني
زياد : من احتاجكم كلكم تشتغلون
انجي : شوف احمد او ليليان كاعدين عالاستعلامات
زياد : ميفيدون
انجي : انت شمطلعك من الغرفة
زياد : عوفي هلموضوع هسة
انجي : دروح شوف لينا بلكي خلصت
زياد : لينا
لينا : هلااا نور المختبر
زياد : محتاجج بشغلة
لينا : وهي؟
زياد : شفت هيڤا دتبجي فوك بس صعدي شوفي شبيها
لينا : وليش مسألتها انت ؟
زياد : استحيت اني واكو رجال هم واكف خاف يكون اقاربها ما اريد اسببلها احراج
لينا : بشرط
زياد : شنو؟
لينا : تسحب انت
زياد : تمام تمام يلا روحي بس هاااا
لينا : هااا
زياد : محد ميعرف انو اني كلتلج
لينا : تمام
لينا : مرحبا
سلوى : مرحبا
لينا : خير شبيها هيڤا
فوجئت بهيڤا تعانقني وتبكييي وتضرب على ظهري بيدها
لينا : شبيج حبيبتي شصاير
هيڤا : كل حياتي هو كل حياتي شسوي بدونة لينا كوليلي
لينا : يا ستار شكو حبيبتي
سلوى : ابنها تخربط فدنوب
لينا : ميخالف حبيبتي هدي نفسج طفل وكل طفل يتعرض لهيج اشياء هسة يكوم بالسلامة
هيڤا ببكاء : حرارتة 40 وبس ديذب من راسة
لينا : ميخالف حبيبتي هسة يطيب لتديرين بال
هيڤا ببكاء : ياربي كون ويا ولتعوفة يا الله
هيڤا
بقيت ادعي واصلي بأن يستيقظ اشتقت لضحكته ولحديثه معي ولطلباته هيا استيقظ سأجلب لك الحقيبة التي تريدها
لم استطيع ان افارقه ابداً جلست عند قدمه وامسكت بيده
تذكرت تلك اللحظة ، اللحظة التي طلب بها الجميع ان اتخلى عنه اللحظة التي تخليت بها عنهم جميعهم لأجله
ابتسمت لتذكري عندما حملته بيدي اول مرة
ابتسامته الاولى بكائه الاول نظرته الاولى
نطقه لكمة ماما والكثير الكثير من الاشياء التي فعلها جود تغنيني عن الكون باجمعه
يا الله كن معه فليستيقظ بسرعة
زياد
نظرت الى الساعة لقد انتهى دوامنا ذهبوا جميعهم
أغلقت دفتري وصعدت الى الغرفة التي يقيم بها ابنها
طرقت الباب لكنها لم تجيب فتحته ببطىء كانت نائمة على يده اغلقت الباب واقتربت منها
يدها باردة جداً مسحت على ظهرها لعلها تستيقظ لكنها لم تعطني اي ردة فعل
وضعت اغراضي على الطاولة وحملتها وضعتها على الاريكة التي بجانب السرير
وضعت عليها الغطاء فشعرت بها تمسك يدي
هيڤا : حيطيب صح ؟
زياد بأبتسامة : اييي حيطيب لتخافين
هيڤا : اوعدني
زياد : وداعة هلعيون
لا اعلم لماذا اقسمت بعينها فوجئت بها تعانقني وهي ترتجف شعرت بشي ساخن ينزل على كتفي
بادلتها العناق ومسحت على ظهرها لتهدئتها واردفت
⁃ خلصص لتبجين والله حيكعد وحيكون احسن من الاول
⁃ خلص هيڤا لخاطر جود لتبجين
⁃ اذا كعد وشافج تبجين حينقهر
⁃ هو والدة وين ؟
هيڤا
بهذا سؤاله جعلني اشعر انني اعانقه ابتعدت عنه فوراً
صدمني سؤاله كثيراً نظرت الى عينه والدموع بعيني
لا اعلم بما اجيبه
